|
ازمة ثقة
اهلا بكم اخوتى الاعضاء انا طبعا خلصت سنة تانية ورايح السنة الجاية سنة تالتة ثانوى بس عندى مشكلتين والتانية مترتبة على الاولى المشكلة الاولى انى كل سنة مش بجيب مجموع كبير ومش بطلع فى الترتيب الا تقريبا مرة واحدة كانت فى تانية اعدادى يعنى انا فى 3 اعدادى جبت 285.5 من 300 وفى اولى ثانوى جبت 260.5 من 300 وفى تانية ثانوى جبت 227 من 260 . صحيح ان بعض الدرجات بتكون اى كلام وبيكون فيه ظلم وان السنين اللى فاتت مش مقياس بس برضه ده بيخلينى مش واثق فى نفسى يعنى انا على سبيل المثال الميكانيكا السنة دى رغم تفاهة الامتحان جبت فيها 15 من 20 :(:( وفيه ناس مكنتش عارفة فيها حاجة جابت 18 و17 وتقريبا انا اقل واحد فى الناس الى هى من ال15 ومافوق فى الميكانيكا ومحدش جايب اقل منى غير الناس اللى هى بايعة القضية تماما .... انا كل مادخل الموقع هنا واشوف مجاميع الناس اللى زيى فى تانية ورايحين تالتة بياجيلى احباط شديد ده غير المتفوقين اللى عندنا فى المدرسة اللى عددهم كبير وده بيخلى املى ضعيف جدا انى اكون ضمن ال10 الاوائل السنة الجاية. وهى دى مشكلتى التانية ان ده سبب ليا ازمة ثقة ان انا اخترت انى ادخل علمى علوم السنة الجاية ونفسى وحلم حياتى ادخل طب بشرى بس حاسس انها صعبة جدا على واحد فى مستوايا علما انى السنين اللى فاتت مكنتش بذاكر يعنى كانت مذاكرة بسيطة وكنت مشغول كتير بالنت والكورة والكمبيوتر حتى فى اسبوع الامتحانات فهل لو شديت حيلى السنة الجاية وقطعت نفسى من المذاكرة حقدر احقق حلمى فى الكلية اللى انا بتمناها وانى اقدر اقتحم الترتيب فى ظل وجود طلبة عباقرة كتيرة فى مدرستنا اقل واحد فيهم احسن منى بكتير.. فهل اقدر؟ انا عندى امل فى ربنا انه يساعدنى ويكون معايا. |
تقريبا انا نفس المشكله خصوصا انى نفسى ادخل طب ياريت حد يساعدنا
|
اهلا بيك ابانوب :):) من كلامك واضح ان تفكيرك منظم لانك حللت اللى مر بيك غير انك متميز و موهوب بانك بتحصل باكتر من مجال بنفس الوقت :022yb4::022yb4: فانت ذكرت انك بتمارس رياضة وبتابع النت وما شاء الله حققت نتائج جميلة :022yb4::022yb4: يبقى دا يخليك مطمئن لان نتيجتك بشوية تنظيم للوقت هتكون راااائعة وان شاء الله تكون افضل من كتير شفتهم متفوقين انت مش محتاج غير تنظيم للوقت وتركيز ع هدفك :028ja7::028ja7: ودا مش معناه تتخلى عن هواياتك بالعكس هيا اللى هتحفزك للافضل وكمان ياريت لو تعمل لنفسك برنامج متكامل من دلوقتى لميعاد امتحاناتك العام القادم وكل ما تحقق بند منها تكافأ نفسك ^_^^_^ بكلمك جد كافأ نفسك وشجعها على اللى حققته مثلا زود وقت هواياتك مش علطول طبعا وقتى فقط استمتع بحياتك بكل تفاصيلها :028ja7::028ja7: ادى كل حاجة وقتها وخليك واثق ان ربنا اللى بيتعب وبيراعيه ف كل شىء بيكافأه باجمل من اللى بيتمناه كل ما تحس باحباط قول لنفسك انا اد المسئولية وهتفوق عشان نفسى مش عشان اكون زى اى حد امنياتى بالتوفيق والسسسعادة ;):):) |
أنا تقريبا زيك بالظبط
بس دى حاجة كويسة انك تبقى عارف زلاتك عشان تقدر تحسن من نفسك يعنى اكيد هتقلل من النت و كمان مع متابعة المدرسين ف الدروس والرعاية ف الأسرة وكمان لما تشوف صحابك كل واحد بيزاكر .. كل دا هيخليك تزاكر كويس كمان بس اهم حاجة اعتبر نفسك كأنك اول مرة تزاكر بمعنى .. انك متشغلش بالك ف السنوات اللى قبل كدا والله المستعان |
وﻻ تاخد في بالك احنا في مدرستناالسنة اللي قبل اللي فاتت كان طالب عمره ما طلع من اﻻوائل نهائي وﻻ اولي وﻻ تانية وجيه فتالتة كان بيلعب كورة وكل حاجة وجيه فاخر السنة طلع اﻻول
ومكنش حد يتوقع انه يجيب حتي من العشرة اﻻوائل وما شاء الله في طب دلوقتي مع ان كان الكل بيقول عليه فاشل اهم شئ اﻻجتهاد في المذاكرة والتواضع وعدم الفخر والتكبر ﻻن ده ضيع ناس كتير في مدرستنا |
ولا يهمك انا والله زيك بلعب وكل حاجة بس انا علشان عارف ان مدرستى دى مش بيقدروا تعب حد انا ناقص الترم الاول 9 منهم درجتين اعمال سنه كيمياء واحياء و الترم التانى ناقص 17 درجة مع ان الترم التانى فى الامتحانات والله ما انقص اكتر من 3 درجات وطبعا دول اعمال سنه حسبى الله ونعم الوكيل فى الى كان السبب بقى , اللى خلانى مهتمش بسنه تانية اوى سنه اولى لانى كنت بذاكر واتعب ويجى مدرس فى الاخر ينقصنى 6 درجات اعمال سنه عربى بس ما بالك بقى بقيت المواد بقى فى اولى كنت طالع العاشر بالعافية انما فى تانية طلعت التامن الحمدلله واللى اكدلى انى ناقص اعمال سنه الالمانى مقفله الترم الاول اجى الترم التانى الاقى نفسى ناقص درجة ونص ده انا لو غلطان فى الورقة 3 اسئلة مش هنقص الدرجة والنص دول لان الغلطة عندنا فى الالمانى 0.4 والالمانى مش مادة حد ينقص فيها يعنى حط فى دماغك كل اللى فات خلاص خلص ومش هيرجع تانى ا ركز بقى فى اهم سنه جاية وربنا يوفقنا جميعا :)
|
طب و الله نفس مشكلتى بالظببببببببط
الفرق الوحيد انى انا لسة راحة 2 ثانوى و اتفاجات بدرجتى فى اولى جبت 81% و كلللللل المواد جايبة درجات كويسة الا العربى و الانجليزى نزلة فيهم جاامد اكيد نقصت كثير فى اعمال السنة + تقصير شوية منى بصراحة و كانت برضه مشغولة بالنت و التلفيزيون حتى وقت الامتحان بس مش للدرجة دى انا حليت كويس فى الامتحان فكرت كثير احول ادبى بسبب الموضوع دة رغم انى مش بحب مواد ادبى خالص و ميولى علمية و حاسة برضه انى ثقتى اتهزت جاااااامد بس كل الناس اللى داخله علمى قالولى انى فى 3 هيكون حاجة تانية متقلقيش من النقطة دى لانى المدرسين بيهتمه جامد فى الوجبات و الامتحانات الشهرية و التسميع و اصحابك هيشجعوكى بالذات اما يكون فيهم كثير شاطرين و دة يمكن اللى بيخلينى اتراجع عن قرار التحويل دة |
انا بردو رايح سنةتانية و اتفجأت بدرجات زى الانجليزى مثلا كنت الترم الاول جايب 19 لقيتهاالترم الثانى 43؟؟؟؟؟:o
و مواد زى الفلسفة نقصونى3 درجات مع انى كنت بحفظ من كتاب الامتحان مش من ملخصات و فى الاخر لقيت نفسى فى الترم التانى لوحده جايب90% و بقى المجموع زبالة مع انى كنت حالل كويس فى معظم الامتحانات |
ايوة هى اعمال سنه اللى طلعت عين كل واحد فينا بس الحمدلله انا هترحم منها السنة الجاية المهم انتوا حاولوا ع اد ما تقدروا تصاحبوا المدرسين لعل وعسى يخلوا عندهم ضمير شوية ويقدروا المذاكرة اللى بنذاكرها يعنى حتى لو ايام الامتحانات
|
اقتباس:
انى الترم التانى جايبة 37 اصلا مدرسين المواد الاساسية زى العربى و الانجليزى كانه بيشوفه الناس اللى جايبة درجات واحشة الترم الاول علشان يدوهم اعمال السنة كاملة علشان ينجحة و يعدوا زى الشعر من العجين و احنا علشان جايبين درجات كويسة و ناجحين من غير اعمال السنة مخدناش درجات كاملة و الفلسفة برضه داخلة مقفلها و حله الامتحان كله القى نفسى ناقصة درجتين اعمال سنة و جايبة 18 من 20 ظلللللللم |
اقتباس:
بس المهم ان الواحد عارف فى نفسه ان مستواه ليس سيىء حتى يحبط |
اقتباس:
|
عندك حق خاصة انها بقت حاجة تفقع اوووووووووووى
يعنى فى اعدادى كان نظام التقويم الشامل بيضاف على كل ترم فتبقى عارف النتيجة هتبقى عمله ازاى و كمان كان الطالب يملك نصف درجات اعمال السنة لأنها كانت من امتحانات الشهر |
يا شباب اللى رايحين لسة ثانية ثانوى زى
هتخده دروس فى كل المواد ولالا ؟؟؟؟؟؟ و انتم اختره علمى ولا ادبى ؟ انا اخترت علمى و حاسة انى بجازف بذات مع النظام الجديد دة يا صابت يا خابت انا فى اولى كانت مكبرة دماغى من الدروس و مكنتيش باخد غير فى المواد الاساسية و نقصت فيها كثير و المواد المنتهية مكنتيش باخد بس جبت درجات حلوة بس انا بفكر اخد فى كله علشان يكون فى متابعة و انى الدرس يتشرحلى مرة فى المدرسة و مرة فى الدرس بس خايفة اضيع وقتتتتتتتت و فى نفس الوقت خايف اهمل المواد دى و هى هتكون اساس 3 و هيكمله بعض انا محتارة جدااااااااا فى كل حاجة |
اقتباس:
و بعدين العلمى مجالاته كتير جدا فمفيش حاجة اسمها صابت او خابت ان شاء الله اما بالنسبة للدروس لو انتى كنت بتبقى فاهمة الدرس بعد اما تقريه مرة اواتنين فمش لازم تاخدى عشان الوقت و حتى لو المنهج كله بيبقى فيه جزيئة او اتنين مش لازم تاخدى درس عشانها و ممكن تخشى ع النت و تشوفى شرح لتلك النقطة |
| جميع الأوقات بتوقيت GMT +2. الساعة الآن 01:36 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.