لوسمحتو ممكن مساعدة
 

انا نفسى وامنيت حياتى اخش كليه هندسة

ممكن حد يفيدنى ازاى اذاكر ازاى اتفوق واجيب اكبرمجموع يخلينى اخش هندسة مستريح

ارجوكم ردو عليا

هيا الناس اللى بتشوف الموضوع وتمشى من غير متقول حاجة

احب اقولكم انتو دخلتو موضوع واحد محروق

ربنا سبحانه وتعالى قال ان اسعى ياعبدي وانا معاك بمعنى انك لو اجتهدت ربنا هيوفقك وذاكر واستودع الله الي بتذكرة وربنا معاك

بص يا سيدى هاقولك على كام حاجة لو عملتهم بجد هيفرقو معاك جامد وتجيب مجموع كبير فى الثانوية وعن تجربة


1-ذاكر كل حاجة أول بأول ومتسيبش حاجة

2-حل على كل حاجة ذاكرتها لأن الحل هو اللى هيظبلك كل حاجة

3-حاول تذاكر الفترة من بعد الفجر لأن المذاكرة فى الوقت ده بالذات بيعمل شغل جامد :d

4-حاول تراجع باستمرار يعنى كل اسبوع تراجع حاجة قديمة

5-راجع قبل اى امتحان من امتحانات الدروس او المدرسة لأن ده هينشطلك اللى انت ذاكرته تانى

6-حاول اما تغلط فى سؤال متسيبهوش غير لما تعرف انت غلطت فى ايه لأن اللى انت عملته صح هتعمله صح فى الامتحان واللى عملته غلط لو جالك فالامتحان وانت مكنتش عارف انت غلطان فى ايه هتغلط فيه تانى

7-حل امتحانات كتيييييييير قبل الامتحان لأن ده بيأهلك نفسيا وبيعودك على شكل الامتحان وغير كدة فيه مواد كتير امتحاناتها بتركز على اسئلة معينة وطول مانت بتحل امتحانات هتعرف الأسئلة ديه ولو جتلك فى الامتحان هتعرف تحلها بكل سهولة



أخر حاجة هقولهالك حاول متضغطش نفسك اوى لأنك متعرفش اللى مستنيك فى هندسة :d يعنى من الأخر اعرف ان الثانوية بقرفها ديه كلها لعب عيال وانت خلاص داخل هندسة وهتشوف اضعاف اللى بتشوفه دلوقتى :d


بالتوفيق ولو احتجت حاجة ابعتلى رسالة

مفهاش حاجة بس حط فى دماغك ان الثانوية العامة ديه كلها حمادة والهندسة ديه حمادة تاني خالص :d


ولو جيت عندنا عين شمس هتعرف انا بقول ايه :d