|
اقل مرتب ممكن اسافر علية فى السعودية
اريد نصيحة من اصحاب الخبرة اقل مرتب ممكن اسافر عليه للعمل فى مدارس السعودية
|
مش أقل من 3000 ريال سعودى لأن المعيشة هناك غالية والسكن أسعاره عالية
|
انت بتحلم
مرتبات المعلمين المصريين في السعودية لا تتعدي 2300 ريال سعودي لان هو اساسا ملوش تمن ف بلده |
لا على فكرة فى مرتبات اكتر من كدة
بس على حد اعتقادى 3 او 3 ونص حلو وبعدين انت شوف الراتب وقارنه باللى تقدر تعمله فى مصر شوف ييستاهل ولا لأ |
هو لسة باقي حاجة ف مصر
|
السعوديه مش بتذيد عن 2200 ريال منهم الاقامه والتامين الصحي جتنا نيله في حظنا الهباااااب
|
اقتباس:
انا ارى ان الراتب لابد ان لا يقل عن 3000 ريال + التأشيرة و الاقامة و تذاكر الطيران و بدل مواصلات و بدل خبرة و بدل سكن او السكن في مكان مناسب و لا تنسى يا اخي انهم هم اللي محتاجينلك فلا تقبل اقل من هذا لأن المدارس اللي اقل من كدة عادة تكون مدارس سيئة السمعة و تقبل تحياتي |
هذا الكلام ليس صحيحا
اقتباس:
|
إحسبها صح
أنا كنت زيك بفكر فى السفر للسعودية ولكن حسبتها لقيت إن مرتبى بالخمسين % حوالى 1000 جنيه × 12 شهر = 12000 جنيه + 2500 جنيه مكافأة تقريبا + إنك حتدفع تأمينات ومعاشات ونقابات علشان تأخد أجازة بدون مرتب يعنى المجموع كله تقريبا 17000 جنيه حتضحى بيهم هنا إحسب بقى ثمن الغربة وقعدتك بعيد عن أولادك+ عمولة المكتب التى لن تقل عن 8000 جنيه فإذاكانت أمامك فرصة جيدة فلا تتردد يعنى على الأقل يكون الراتب 3000 ريال( 5800 جنيه مصرى ) +الإقامة والموصلات والتأمين
|
بلاش سفر و خليك فى بلدك عن تجربة و احفظ كرامتك هنا و اكل عيشك هنا احسن لك
|
تعرفوا لو المدرسين وقفوا يد واحدة فى وجه الظلمة اللى اكلين حقوقنا بدل مكاتب السفريات والبهدلة والغربة
كنا خدنا حقنا من زمان |
ياجماعه انا كنت شخصيا في مقابله مع مدرسه سعوديه انهارده تعرفوا الباشا صاحب المدرسه بيعرض عليا مرتب كام مش هتصدقوا والله راتب 1900 ريال وبدل سكن 220 ريال ويخصم منك بدل اقامه 450 ريال يعني الصافي 1670 ريال والباشا بيكلمنا بمنتهي قلة الزوق ولا طايق الريس مرسي ولا الاخوان رغم اني مش اخوان بس ادايقت من طريقه واسلوب الحوار
للعلم المدرسه اسمها الفرسان ومكانها تبوك وقالي ملكش اول سنه لا عمره ولا حج ومكان المقابلات بيبقي في شقه في المهندسين من الاخر حسيت اني كنت بكلم مكتب عاهرات مش مكتب توظيف مدرسين |
نصيحة للاخوة الاعزاء
انا مدرس فى الازهر ولسة جاى من السعودية مكملتش اسبوع اوعى تسافر على السعودية والمرتب اقل من 3500 ريال وتكون الاقامة عليهم ويكون ليك السماح بالاستقدام او عمل زيارة للاهل فى اى وقت واللى انا بقولة دة الحد الادنى علشان تعيش حياة محترمة غير كدة ملهاش لزوم الغربة والبعد عن الاهل والاولاد لو كنت متزوج اسف للاطالة |
كل الكلام ال فات زي الفل بس الواقع ف مصر اصبح يقلق
|
المرتب في السعودية
لو بتفكر في السفر انتظر يا أخي الفاضل اعلان سلطنة عمان مرتب سلطنة عمان يعادل تقريبا ألف دولار
ومرتب المتعاقد مثل المعار والحقوق للاثنين واحدة والحياة فيها الاسعار معقولة والعمانين بيحبوا المصريين وهما اصلا شعب طيب وفقك الله لما فيه الخير لك |
| جميع الأوقات بتوقيت GMT +2. الساعة الآن 02:28 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.