يا جماعة الرسومات اللي في الفيزياء
 

السلام عليكم و رحمة الله و بركاته

لو سمحتم عاوزة مدرس فيزياء يقولي إيه الرسومات اللي مقررة عليا في المنهج؟؟؟

يعني مثلا الميكروسكوب دي؟
الأشعة المرجعية؟
تصوير مستويات الطاقة حسب بور؟
إيه؟

احب ابشرك واقولك زي ما المدرس بتاعي قالي!
كل خط في الكتاب ممكن يجي في الامتحان
لكن في حاجات بتيجي كتير وحاجات نادر لما تيجي
لكن لازم تحفظي كله :))

بصي في امتحانات السنين اللي فاتت تلاقي أكتر من 90 في الميه من الامتحان متكرر و أكتر تجربه بتيجي هي بتاع الحجوم المتساويه من الغازات المختلفه تتمدد بنفس المقادير في درجات الحراره المتساويه


و ربنا يسهل و الامتحان يجي سهل زي بتاع السنين اللي فاتت ماعدا طبعا امتحان 2008

طب يا ايهاب ممكن تجبلنا نماذج من الاسئلة الى بتتكرر ؟

يعني مثلاً فكرة عمل المحول و المحرك و أفران الحث تقريباً بيجي كل سنه و التجربه بتاع الحجوم المتساويه من الغازات المختلفه أكتر حاجه بتيجي في التجارب و فيه حاجات تانيه كتير عشان بس امتحانات السنين اللي فاتت مش قدامي حالاً مش فاكر كل حاجه بس لو عندك كتاب الامتحان بتاع الامتحانات هاتعرف ان أكتر الامتحان حاجات متكرره يعني بيجي نقطه ولا اتنين جداد بس في كل سنه و متهيألي السنه اللي فاتت ماجبش جديد كله اسئله سهله يعني لو فكره ممكن تلاقيها في مسأله و بتكون حاجه بسيطه و امتحان 2008 اللي الكل بيقول عليه صعب المشكله كانت في الاختياري لأن نقاط اختر كانت مسائل كلها عشان تختار الصح لازم تطبق قانون و ده بيهلك الوقت بتاع الامتحان

شوف و ان شاء الله هاتلاقي اكتر الامتحان مضمون لو انت مذاكر كمان يبقي كله ان شاء الله

و ربنا يعدي الامتحان ده علي خير
و لو انت عملت اللي عليك ربنا هايوفقك و اللي مكتوب لك هاتشوفه مش هاتاخد أكتر و لا أقل من نصيبك