|
مهزلة بنقابة المنيا - د.عبدالرحمن المنياوي
مهزلة بنقابة المنيا - د.عبدالرحمن المنياوي: ******************************* السلام عليكم ورحمة الله وبركاته إخواني المعلمين وأخواتي المعلمات بمحافظة المنيا .. ----------------------------------------------------------------------------------------------------------- شوفوا بقى .. كل المعلمين والمعلمات بالمنيا الذين تدفقوا لدفع اشتراكات النقابة واستخراج الكارنيه قبل فترة السماح ماتخلص .. شوفوا بقى انا كان معايا في القاهرة منذ أيام اعضاء من إدارة نقابات بعض المحافظات الأخرى الذين شككوا في موضوع الدفع على 22 سنة ده .. وده تقريبا اللي احنا كلنا في المنيا هنا عملناه .. وقالوا محصلش عندهم .. انا بقى قلت لازم تتأكد بنفسك .. روحت النقابة الرئيسية نفسها .. وكلمت الناس في مجلس الإدارة .. وكانت المفاجأة كالآتي : اللي اشترك قبل 1/4/2013 هيكون الاشتراك 90 جنيه من سن 25 سنة .. واللي اشترك من بعد 1/4/2013 هيكون الاشتراك 135جنيه من سن 25 سنة .. أمال ايه موضوع 22 سنة ده ؟؟؟ قالك ده خاص فقط بمعلمي المدارس الخاصة !!! وقالولي انتوا لازم تستردوا الفروق دي من نقابة المنيا بموجب الوصل اللي معاكوا .. ______________________________________________ اللي حابب يسمع الكلام ده بنفسه من نقابة القاهرة الرئيسية .. يتصل على الأرقام التالية 27351302 - 27358333 (02) وبعد أن تم التأكد من النقابة العامة بالقاهرة بأن ماحدث من دفع المعلمين الجدد مستحقات عن 22 سنة كان ضربا من ضروب النصب باسم اللوائح النقابية .. وبعد توصية النقابة العامة بالقاهرة بوقف هذه المهزلة بالمنيا ورد الحقوق للمعلمين ورد الثلاث سنوات الزائدة .. الآن كل من في نقابة المنيا يروجون للمعلمين بأنهم كانوا ضمن لائحة وضعت لمدة شهر واحد فقط .. ولا يحق لنا استرداد ما لنا من نقود دفعت زائدة .. وأنهم الآن عادوا ليحاسبوا المعلمين من 25 سنة .. ولكن من دفع على 22 سنة ليس له حق الاسترداد .. بالذمة مش استخفاف بالعقول ونصب علني .. وكأن المعلمون واخدين محو أمية أو ناس طالعة من ابتدائي ومكملتش تعليمها .. والمفترض أن النقابة تدافع عن حقوق المعلمين مش تسرقها .. وهنا أقول : لو أن الموظفين اللي قاعدين في النقابة واخدين توصيات بمطوحتنا ومماطلتنا في استرداد حقوقنا .. وده يبقى نصب وسرقة ويستحق الجنميع التحويل للنيابة الإدارية بمن فيهم المسئولين عن القرار .. أو ان اللي قاعد في النقابة وبيماطل معانا ده راجل مش فاهم حاجة وبيتكلم من دماغه .. ودي تبقى كارثة فعلية لأن إدارة النقابة في المنيا واضعاه وهو مش فاهم .. أنا لا تعنيني المبررات .. أنا فقط يعنيني إني مايتنصبش علينا .. في النهاية وبعد التواصل مع أكثر من عضو من أعضاء إدارة النقابة .. تم الاستقرار معهم على أن كل معلم له فروق يكتب طلب لاسترداد الفروق دي باسم نقيب المعلمين بالمنيا .. ويروح للنقابة بعد الساعة 12 ظهرا في أي يوم هيلاقي النقيب هناك .. محدش يكلم الموظفين خالص .. وياخد منه تأشيرة على الطلب للاسترداد .. وانا هارفع لكم صورة جاهزة من الطلب .. بس ما اخفيش عليكم هناك اهعضاء كتير بيقولوا اففلوس في القاهرة واحنا هناخد وقت علشان نستردهالكم منها .. انا عن نفسي مش مقتنع بالكلام ده .. بس عموما هنتحرك ونشوف رد النقيب الأخير إيه .. :078111rg3: :078111rg3: :078111rg3: :078111rg3: :078111rg3: مع تحياتي : د.عبدالرحمن المنياوي |
كلام جميل يا دكتور
بس ايه موقف اللى لسة لم يشترك حتى الان؟ هيحاسبونا على سن 25؟ |
اقتباس:
|
هلا دكتور
لو سمحت ممكن استشاره انا مدرسه من المنقطعين وكان عندي اجازه حتي نهايه ديسمبر الماضي وسافرت خلال تلك الاجازه وبلغت مرضي وبعتولي جواب كشف ولم اذهب وبنصف الشهر االحالي تم فصلي دون اي انذار مع العلم بعت تليغراف باني مازلت ملازمه الفراش للمدرسه ورفضت المدرسه الجواب بسبب اني بسفر للخارج فهل ليا الحق اني اسافر بالخارج خلال فتره اجازه الوضع وهل يمكن عودتي للعمل ولاليس ليا الحق وهل يتم تثبيتنا ولا البلد مفهاش ميزانيه برغم وعود المخافظين منذ يناير 2012وماذا افعل لو فيهاعوده للعمل وهل لو عمللونا عقد معلم مساعد اقدر اخد اجازه مرافقه زوج ولو الحل اني ارفع قضيه ينفع وانا بالخارج مع العلم اني فعلا مريضه بانزلاق غضروفي وشكرا واسفه علي الاطاله والاسئله الكتيره تسلم علي متابعه اخبار التعليم شكررررا مره اخري |
الشكر كل الشكر
بس فية ناس دفعت فى شهر 4 على 90 جنية من سن 25 سنة هيبقى اية موقفهم ياريت تفيدنا حضرتك |
فعلا اقل ما يوصف به ما حدث فى النقابه مهزلة
لان كل يوم كان بيتم التحصيل من المعلمين على بنود وشروط فارغة مرة 25 سنة و 135 ومرة 22 سنة و 135 ومرة 25 سنه و 90 ومرة 22 سنه و 90 هكذا كانت رحلة معاناه والله فى ناس استلفت فلوس بسبب ان المده أوشكت على الانتهاء وكلام فاضى حسبى الله ونعم الوكيل شكرا جزيلا لحضرتك وحمد الله على السلامة دكتور عبد الرحمن |
اقتباس:
علشان المهزلة دي لازم الناس ماتسكتش ... واحنا هانقابل النقيب وبناء على رده معانا هنتحرك .. وشكرا أخي شريف على مرورك واهتمامك .. |
اقتباس:
رقم اثنين المدرسة لم توافق على ابلاغك مرضي لسببين : الأول انك كنت واخدة اجازة وضع وابلاغك المرضي كان لسبب مرضي غير السبب الاول فلزم انك تيجي المدرسة تستلمي عمل وبعدين تبقي تقعدي للسبب الثاني .. الثاني: طبعا حدخبص عليكي انك مسافرة برة .. والسفر للخارج يستلزم ابلاغ جهة العمل .. مسألة فصلك دي تعسفية لان لايجوز فصل المعلم مباشرة خلال مدة قصيرة زي دي ده فيه تحويل للشئون القانونية وكلام كتير جدا قبل اصدار قرار بالفصل .. إلا إذا كنت عقد شامل لانهم غير ثابتين .. اما لو انت كنت معلم مساعد بدرجة اعتبارية حتى .. مينفعش ده يحصل .. عودتك مرتبطة بقرار من المحافظ لو وكيل الوزارة لم يوافق .. ومهم جدا بعض الاثباتات انك كنت مريضة مرض يمنعك النزول للعمل .. موضوع رفعك قضية انصحك استشارة محامي بسرعة جدا .. لأن هذه المسائل مرتبطة بوقت محدد قبل رفع القضية .. وممكن يفوت الوقت المحدد لرفع الدعوى ولو اني ما احبذش المحاكم لأن القانون الإداري جحباله طويله .. عند عودتك للعمل يحق لك السفر مباشرة لو انت اتعينتي على درجة ثابتة لأانك كنت عاملة معهم لمدة قبل التعيين ... |
اقتباس:
موقفك سليم .. الفكرة ان انت صح واحنا عاوزين نتساوى بحضرتك .. بس قوللي انت لما دفعت قالولك حاجة والا هم قالولك 90 على 25 سنة وكان الناس حواليك كده .. |
شكراااا دكتور بس انا للعلم عقد مكافاه شامله بقبض 101جنيههههه ومليش اي اجازات وفصولوني بعد مرور خمس شهور ونصف من ابلاغ المرضي وعلي امل التثبيت ولا مينفعش تثبيت علي عقد مكافاه شامله اجور موسميين خدمه من 2001حتي 2007 وبعد كده انقطعت ورجعت مارس 2012 علي امل تثبيت من اامحافظ عزازي ولكن لم يتم بعد تثبيتنا فلو فيه امل ااتثبيت هحاول اجري علي العمل مفيش اسلم امري لله وارضي بالامر الواقعععع لك مني الف تحيه شكررا اااااااا
|
اقتباس:
شكرا دكتور عبدالرحمن انا والله مش قصدى حاجة بس انا خايف يرجع الورق بتاعى من النقابة لانى مع الاسف لسة لم استلم الكارنية الى الان وعلى فكرة انا لما دفعت دفعت يوم 3.4.2013 ودفعت 990 جنية يعنى حاسب ليا 9 سنين واربعة اشهر على انهم عشر سنين (وحاسبنى المسئول عن النقابة على فرق اربعة اشهر وحسبها سنه كاملة) يعنى بصراحة لو كنت هدفع على 135 جنية كان هيبقى المبلغ كبير جدا وكنت مش هشترك فى النقابة خالص يعنى الحمد لله على كل حال وشكرا مرة تانية لاهتمام حضرتك |
:av4056bb7jp3:العيب مش فيهم بل فينا علشان احنا بنعمل شائعات ونقول الحق القطر قبل ما يفوتك بسرعه والناس بتصدق الشائعات ويستغلها كل مريض نفسي وشكرا :av4056bb7jp3:
.................................................. .................................. |
صح العيب فينا !!
|
السلام عليكم أ /عبد الرحمن
هل الدفع فى البنك بتاريخ قبل 30/6 يلغى اى تغير سوف يحدث فى اللوائح علما باننى لم استخرج الكارنية الى الان |
2 مرفق
http://http://files2.fatakat.com/201...0512452744.jpgالسلام عليكم ورحمة الله وبركاته من فضلك استاذ عبد الرحمن كنت عايزه اسأل هل من حق المعلم المساعد الذى ليس له درجه ماليه الحصول على اجازه بدون مرتب لمرافقة الزوج انا كنت عرفت فى المنتدى هنا انه يحق له وكان فى فاكس صادر لمحافظة المنيا من الوزاره يثبت هذا الحق وتقدمت بهذا الفاكس للاداره والمديريه التابعه لها للمطالبه بالاجازه الا انهم رفضوا على اعتبار ان الفاكس مكتوب فيه منح المعلم المساعد المثبت بقرار 21 فى 21|7|2012 اجازه بدون مرتب لمرافقة الزوج
كانت مبررات الرفض 1- ان هذا الفاكس خاص بالقرار 21 دون غيره 2-انه مكتوب المعلم المساعد المثبت فكان الاحتجاج بان كلمة المثبت اى المتعين لما لقيت التعليقات دى على هذا الفاكس قدمت لهم الفاكس التالى واللى مكتوب فيه ان الحاله الماثله وقد صدر للمعروض فيه امر تثبيت على الدرجه الثالثه الا ان الدرجه لم ترد حتى تاريخه لامر ادارى وليس للعامل دخل فيه وكان الاحتجاج فى هذا الفاكس انه صدر ليهم درجه ماليه لكن اتاخرت وان ده دليل اكبر على انهم معينين وليسوا مجرد تعاقد مميز حيث ان الدرجه الماليه ثابته فى حقهم وان الدرجه لا تثبت الا فى حق المعين فقط وليس المتعاقد لقيت يا استاذ عبد الرحمن الامور اتعقدت اكتر واصبح الغاكس التانى ده دليل ضدى لهذا بطلب من حضرتك تشرحلى النقاط اللى تحججوا بيها دى علشان اعرف ارد عليهم وتقولى اعمل ايه واتصرف ازاى انا محتاجه الاجازه ضرورى جدا ..............جزاك الله كل خير على ما تبذله من جهد جعله الله فى ميزان حسناتك |
| جميع الأوقات بتوقيت GMT +2. الساعة الآن 02:29 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.