|
أنت مين؟ هل تعتبر نفسك شخصا؟ ايه هدفك في الحياه............
أنت مين؟ هل تعتبر نفسك شخصا؟ ايه هدفك في الحياه الانسان اللي يعيش بدون هدف لايستحق الحياه أن تعيش فقط لمجرد أن تأكل وتشرب ثم تتخذ أدوار الانسان التقليدية من طفل لشاب.....بدون فعل شئ يذكر فأنت وبكل آسى لاتستحق أن يقال عنك أنك ميت بعد مماتك لأنك كنت ميت في حياتك ولذلك هسألك سؤال هام.. ما هدفك في الحياة؟ هل لك هدف محدد تريد الوصول له؟ |
اقتباس:
موضوع حلو جداااااااااااااااااااااااااااااا وانا هدفى فى الحياه ممكن يكون غريب شويه ولكن انا نفسى اكون ام صالحه لاولادى واكون زوجه صالحه لكى ارضى زوجى ويرضى ربى عنى وشكرااااااا ليك يا حسام موضوع رائع |
اقتباس:
اعتقد من رأيي الشخصي أنك لو هدفك فقط أنك تكوني أم صالحه فهو غرض نبيل ولو كل فتاه فكرت بالتفكير ده كانت اشياء كثيرة اتغيرت لكن اعتقد أيضا أنه يجب أن تكون إلى جانب ذلك نظرية خاصة لك في طريقة كونك أما صالحة شئ جديد يجعل من حياتك لها هدف تسعين لتحقيقه..... أشكرك على مشاركتك الفعالة...... |
موضوعك جميل وانا انسا نة عادية املى فى الحياة ان اكون سبب سعاد ابى وامى وان ارضى ربى بكل الطرق وان اطيع اوامرها وانا احصل على اعلى الدرجات وان ادخل الكلية اللى انا عايزها وممكن انت كمان تقولنا ان مين واية هدفك فى الحية وشكراعلى موضوعك الجميل
|
اقتباس:
أما عن هدفي فأنا أريد أن أكون عالما فيزيائيا فلكيا أو سياسي من الدرجة 1 أو مفكر وكاتب وأشياء كثيره ..... المهم أني لااجعل هدفي شئ واحد حتى إن لم يحالفني الحظ في أحدها كانت الاخرى من نصيبي..... أشكرك على الاضافة الجميلة......... |
سالت نفسى السؤال ده مليون مرة وانا صغيرة ومش كنت بلاقى رد
ولما كبرت شويه قلت نفسى ابقى دكتورة ولما كبرت شويه ودخلت الامتحانات السنة دى لقيت ان الهدف ده خلاص راح وخاصة انى دخلت ادبى وقلت مش مشكله ادخل السن انا بحب اللغات جدا وللاسف برضه شكل الهدف ده كمان راح وحاليا انا مش لاقيه لحياتى هدف وفعلا ملهاش معنى ولا لزمة وشكرا على موضوعك بجد حلو اوى |
شكرا عل ردك وربنايوفقك الى ما تحبها
|
انا انسانه بسيطه جدن وطموحه جدن كونت فى اولى ثنوى كان نفسى ابقى 4 تخصصات ابقى مصممة جرافيك واصمم شعارات وافلام كرتون وبعدين قولت لا وغيرت مزاجى وبعدين بقيت عاوزه اكون مهندصة معمارى وبعدين غيرت رايى وقولت لا لا فغيرت رايى وقولت عاوزة ابقى طياره او موضيفة طيران واخيرن فى بالى هندصة بترول يعنى لو منفعتش حاجه الاقى غيروه بس موش كول حاجه الحياه العملية والوظيفية والشغل وبس برضو نفصى اكون سعيده ومرتاحه البال راضيه ربى اكون محبوبة وناس حابانى واحبهم ويقدر لى الخير ويجعل فى خطى الناس هداية لى واكون مساعده للخير وربنا يكرمنى يارب واسعد ابى وامى واكون اوخت اقدر اشرفهم واشرف اخواتى الولاد و ربنا يهدينى الى طريق الخير والصواب وشوكرن ليكـ موحترف الادسنس على الموضوع وعلى الصؤال |
انا بقى انسانه عاديه جدا
نفسى ابقى محاميه او اكون فى النيابه الاداريه حقوق بقى قدر ومكتوب بس عايز ه ادافع عن حقوق مهضومه مدفونه مسلوبه وهى حقوق الانسان ربنا يعينى ويقدرنى ادعولى اجيب تقدير عالى ان شاء الله يارب ونفسى كمان تبقى حياتى الزوجيه مستقره وكمان نفسى بس ديه الامل فيها ضعيف جدا اسافر بره ادرس هناك شويه ....... بس الله واعلم وانا هعمل اللى عليه والباقى على ربنا وربنا يقدرنى على الحقوق |
اقتباس:
فيه مقوله مثال انجليزي يقول: Where there is a will there is a way! عندما توجد الارادة يوجد الطريق.... يعني أنك طالما أنك تريدين أن تكوني شيئا فإن الارادة هي الاصل والأهم أن لاتفقديها في أي لحظة فبدونها حتى لوكانت عندك كل اسباب فعل الشئ لن تستطيعي اكماله وأنا أرى إن ارادتك قوية ولكي أهداف ......ربما لم تحققيها ولكن طالما أنك صامدة فهذا هو أهم من النجاح.... أتمنى لك التوفيق..... أشكرك على إضافتك....... |
مرسى ليك وعلى ردك طبعا اللى شجعنى كتير
ربنا يوفقنا كلنا وشكرا مرة تانيه على الموضوع |
اقتباس:
طبع الانسان التغيير ولن يستطيع الانسان أن يكون خلاف ذلك لأن التغير هو طبيعة الاشياء ربما ماهو هدف الآن هو ماض في المستقبل إن اللحظات التي تدور فيها الأذهان وتعود فيها إلى الماضي تجد فيها أحلاما وردية كثيرة أكثرها لم يتحقق ولكن هناك متعة للشخص وهي أن يحقق أحلامه في ذهنه حتى ولو لم يطبقها على صفحة الواقع ولذلك فإن الانسان لايمل الانتقال ما بين هدف وآخر ومادام الامر كذلك فإني أقول لكي كوني مثابرة وتحلي بكلمة واحدة "كل طريق بدأ لابد له من نهاية والنهايات تعرف ببدايتها" وكما قلتي إن الحياة العملية لييست كل شئ فهناك حياة أخرى حياة النفس الداخلية على الجانب الآخر وهي لاتقل أهمية عن الجانب السابق وإن كنت ينقصني هذا الجانب فأنا لا أعير مشاعري ومجتمعي أدنى اهتمام........ أشكرك على اضافتك....... |
اقتباس:
لتبدأي طريقا ناجحا على وفق ماتريدين في الدفاع عن حقوق الانسان وحتى لاتنسي هذا العهد الذي قطعتيه على نفسك يجب أن تبدأي من الآن إن كنتي جادة حيال ذلك تبدأي في الدفاع عن الحق الانساني بأي وسيلة أمكنك العمل بها حقيقة أكتشفت أن الانسان إذا تعود على أفعال هي صعبه عليه وعلى الآخر تقبلها سيجد أنه من السهل عليه مستقبلا وعلى من حوله أن يتقبلوها ولتكون حياتك الزوجية مستقرة أيضا يجب أن يكون من تريدين الزواج به طالما أن افكارك اصلاحية أن يكون متفتحا ذا قدر كبير من الشجاعة والقدرة على التحدي كما أنه يجب أن يكون صبورا....... اتمنى لك دوام التوفيق....... |
انا بقى حلمى و هدفى ابسط من البساطة
نفسى اعيش فى مصر بجد بلد الازهر و بلد الناس و الشباب الجدعان و بلد الامن و الامان و بلد الخير نفسى اعيش حقيقى فى مصر بس مصر اللى بجد |
انا من صغرى بحلم بالعلم
وانا فى ابتدائى كنت عايز ادخل علوم عشان اكون عالم فلك زى كارل ساجان لما دخلت اعدادى بدأت اتأثر بافكار الناس ...لازم تكون يا مهندس يا دكتور ؛ رحت سائلهم هى هندسة دى بتدرس ايه قالولى رياضة وفيزيا..طبعا ما صدقت لان انا كنت بعشق الرياضة و لازالت بعشق الفيزيا فضل الهدف فى دماغى اثناء ثانوى بردو بس تشاء الاقدار انى ادخل علوم وانا الحمد لله سعيد جدا بده وحاسس براحة بال و يوم بعد يوم حبى للعلم وللكلية بيزيد بالنسبة لهدفى فانا زى ما قلت كان نفسى ابقى عالم ...مؤمن اوى بالمقولة اللى بتقول ( هناك شىء واحد فقط صالح وهو العلم وهناك شىء واحد فقط طالح وهو الجهل ) .. شايف ان العلم هو الطريق الوحيد لاى تقدم او حضارة وعشان كده هدفى اصبح اسمى وابعد ..هدفى انى انشر العلم بين العامة ؛ اخرج الفيزيا من المعمل واخليها بين الناس .؛.فى الجامع ..فى الكنيسة..ع القهوة ..فى التليفزيون ؛ زى بالظبط ما اوروبا وامريكا عملوا ووصلوا العلم لحد السينما وابدعوا فى افلام الخيال العلمى ...نفسى الكتب العلمية تبقى فى ايد الناس كلها مش حكر على الناس اصحاب النضارات فقط. عارف انى موهوم وان فيه ناس لمجرد سماع كلمة فيزياء او تكامل بتتخض او تتريأ ويكفى انى لما بقول لحد انى فى علوم بيبصلى نظرة شفقة وبيتعامل معايا على اساس انى فى مصيبة ويدعيلى بالنجاة المهم كل اللى هعمله انى هسعى لهدفى بغض النظر عن الناس لانى مؤمن بيه اشد الايمان بالنسبة لطريقة تحقيق الهدف فانا مش عارف هحققه ازاى ..بس ممكن الاول احقق ذاتى واكون عالم كبير - وانا اقدر على كده رغم السكة الطويلة - وبعدين اكون ثروة وبعدين افتح بالثروة دى مركز علمى كبير او جامعة خاصة بالعلوم فقط وتكون باجر رمزى ومالهاش شروط...ربنا يوفق شكرا ع الموضوع |
| جميع الأوقات بتوقيت GMT +2. الساعة الآن 01:31 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.