بوابة الثانوية العامة المصرية - حلم الحرية(قد تكون اخر قصائدى )

قد تكون هذه اخر قصائدى قد يكون هذا اخر ما اكتب لا اعرف
كتبت القصيدة يوم 29/6
الساعة 11.59 م
ان لم اعد ادعو لى بالرحمه
يشهد الله انى احببتكم فى الله

https://fbcdn-sphotos-h-a.akamaihd.n...24613380_n.jpg
اصل الحكاية حكاية غريبة
نتكلم عن شعب كله طيبة
شعب بلد ام الدنيا
ايوه بتكلم عن مصر الحبيبة

كنا زمان عايشين باهانة
حكم انجليز داس ع الكرامة
والحكام نايمين صاحيين
والملك كان فى التراوة

لما العسكر رفض الذل
قاموا بثورة ضد الحكم
كلبشوه بيها ع السلطة
والشعب بنى فى الحلم

افتكروا انها بداية الاحلام
وان اللى جاى مش كلام
وان راح زمان الاوهام
والشعب غنى يا سلام

بس العسكر منهم كلاب
خافوا يصلحوا فى البلاد
ماما امريكا تقوله عيب
تلقى الموافقة من سكات

انا ناصى والفخر ليا
والسادات عدو ليا
مبارك خرب بلدنا
والشعب عاوز حرية

لاتقولى اخوان او حتى مرسى
دى جماعة بتحلم بالكرسى
اول ما وصلوا ليه
اتقلبوا بقو زى حسنى

***وا وسحلوا فى الثوار
ودائما بيرجع فى القرارات
عمره ما فكر يصلح بلده
او حتى يخلينا احرار

فاكر كان من سن فاتت
هتف الشعب وقال احرار
اول ما مرسى حكمنا
اول من ضربنا بالنار

نازلين دوقتى نقول حرية
راجعين نكمل المشوار
نهتف بالحق وبسلمية
والشباب اخدوا القرار

مفيش لا بنزين ولا حتى عيش
وقريبا مايه مفيش
هتفنا وقولنا اه يابلادى
والاخوان نازلين تلطيش

انا نازل شايل كفنى
فدا بلادى هضحى بدمى
بس هتافى هيفضل سلمية
بكره هتافى عند الاتحادية