بوابة الثانوية العامة المصرية

اقتباس:

المشاركة الأصلية كتبت بواسطة nerminglal (المشاركة 5366874)

انا دلوقتى بفكر ادى دروس لاولى اعدادى وتانية مادة الرياضيات بس مش عارفة ايه تقسيمة المنهج وازاى امشى فى الموضوع كويس ياريت حد يفيدنى

انتى لسه بتدرسى
لذا خبرتك هتبقى قليلة شوية بالموضوع ده
واتمنى انك تبقى بكلية تربية او اداب عشان يبقى الموضوع سهل
وفى كل لاحوال
سواء عندك خبرة او لا
الموضوع يتطلب انك تقرائى المنهج كويس
على الاقل الجزء اللى بتحضرى شرحه
ابداى اول حصة بسؤال التلميذة او التلاميذ حبة حاجات تعرفى منها هو بيعرف يقرا المسالة ام لا
بيعرف يحسب بابسط الطرق ام لا
جمع -طرح-ضرب-قسمة
ثم تبداى بالشرح درس درس
لازم تبقى متقنة من المادة العلمية جدا
عودى التلاميذ ان لو فيه سؤال مش عارفه يكتبه فى ورق وانتى هتحليه له المرة اللى وراها
لان بعد ساعات ممكن سؤال مش تعرفى اجابته فيبقى امامك وقت لتوفى اجابته ولايظهر انك مش تعرفى امام التلاميذ
حتى لو عارفة اجابته مباشرة عوديهم كده

طبعا انا مش بدى دروس
بس انا بعمل كده اول ما امسك صف جديد بالمدرسة

مرة على مرة هتلاقى نفسك بقيته كويسة
خاصة لو عندك مجموعتين نفس الصف
هتلاقى نفسك بتشتغلى بالمجموعة الاول
وتصححى بالثانية
لانك تقريبا بتعيدى نفس الكلام تانى
وحذارى انك تعاملى كل الطلبة زى بعض
فيه فروق فردية حافظى عليها
لو جالك تلميذ ضعيف وشعرتى انك مش تقدرى تشتغلى معه ارفضيه ولاتجعليه معك لمجرد زيادة فلوس
او اعرفتى تتعاملى معاه ازاى بشكل فردى
لان دى امانة

بالتوفيق باذن الله