|
فنون جميله :)
السلام عليكم :)
انا كنت عايزه اسأل شوية اسئله كده عن الكليه وطبيعتها ساعدونى فيها ربنا يكرمكم فى البدايه انا عايزه اسأل عن الامتحان بتاع القدرات هيبقى ازاى وهل انا ممكن اعديه من غير كورسات لانى ساكنه ف اسوان واقرب فرع ليه فى الاقصر فهيبقى صعب اوى انى اروح الكورسات دى وانا مش موهوبه اوى بصراحه..... ويا ريت خطوات التقديم بالتفصيل وبهداوه كده لو سمحتوا تانى حاجه انا لو دخلت الكليه قسم ديكور لما اتخرج باذن الله ايه طبيعة الشغل اللى ممكن اشتغلوا وهل ليها مستقبل بعد كده ولا ايه ؟ يا ريت الناس اللى اتخرجوا واشتغلوا يقولى لى عن طبيعة شغلهم . تالت حاجه بقى توقعاتكم لتنسيق السنه دى بالنسبه للكليه لان انا علمى رياضه وحاسه اننا اتنفخنا فى الامتحانات فهل ده هيأثر على درجات القبول ؟ ووووو كفايه كده تقلت عليكم بس جاوبونى ربنا يبارك لكم ^_^ |
اقتباس:
انا حجابوك على الجزء بتاع امتحان القدرات عشان انا لسه مخلصة امتحانى من شوية وده اللى فاهم فيه لكن مجالات الشغل معرفهاش اوى يعنى فحسيب حد تانى يقولك الجزء ده يكون فاهم فيه مبدأيا اه ينفع من غير كورسات عادى او ممكن لو انتى مش كويسة اوى فى الرسم تاخدى كورس عندك فى اسوان مش لازم اللى تبع الكلية يعنى الامتحان عبارة عن 3 اجزاء اول حاجة فى ساعة ثقافة عامة بترتاحى نص ساعة وبعدا ساعتين تصميم ابتكارى بيطلب منك تصممى مثلا غلاف لكتاب عليه بقى حروف او ارقام او نباتات كل امتحان بيختلف عن اليوم اللى قبله وبيبقى فى كلمة بتكتبيها برضه واخر امتحان ده 4 ساعات الطبيعة الصامتة ودى بقى كرسى صندوق قلة كده يعنى بس انا شايفة القوت مش متقسم كويس او بالنسبالى يعنى كان يبقى الاحسن يعكسوا او يخلوا على الاقل التصميم 3 ساعات وال طبيعة 3 |
اقتباس:
يعني الطبيعه الصامته ماجبلكوش تمثال فيه ؟؟ وهل انتي شايفه ان الامتحان كان سهل |
اقتباس:
والامتحان كانت متوسط لان بالنسبالى الطبيعة عادية بس التصميم الابتكار مكنتش متدربة كويس عليه والثقافة مكنتش اعرف عنها حاجة فاقدر اقول عنه متوسط يعنى |
اقتباس:
هتسحبى استمارة وفيه توبيك بالمواعيد كلها ياريت تقريه اكيد ليها مستقبل التنسيق هيقل باذن الله |
| جميع الأوقات بتوقيت GMT +2. الساعة الآن 11:15 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.