رجاء التثبيت ... كل تابع لادارة يقول مرتب يوليو 2013 كام
 

الدقهلية 840
من واقغ الاستمارة
وطبعا ضم الخمسين في المائة علية

استاذى ارجو التواصل انا من الدقهلية بردو وعمرى ما سمعت الرقم دا اساسا

عزيزي انا شايق الاستمارة بنفسي
وبعدين هو المبلغ دة يجي حاجة في بتوع الكهربا ولا الداخلية اللي موازنتها قدك 3 مرات (اخواني سلمولي على العدالة الاجتماعية ) والله الواحد جالة اكتئاب مزمن

ياريت كل واحد يكتب الاساسي + اجمالى المرتب وملوش دعوة بمرتب بتوع الكهرباء ولا بتوع البترول ......
محافظة الغربية تثبيت 1/3/2011 او 1/7/2011الاساسي 245 جنية اما المرتب فاصبح 770 لتعين 1/3 اما تعين 1/7 750 اما بعد ذلك اصبح الاساسي 241 جنية

فى الدقهلية
 

نحن فى الدقهلية نقبض 660 واساسى 245 والخمسين فى المية منفصلة 97 جنيه

المشكلة ان الاستمارات وصلت للادارة ساحاول الوصول ليها واكتب لكم التفاصيل اساسي وخمسين في المية واعتقد مفيش خمسين تانية
بالنسبة للاخ مدرس وخلاص كلامك صحيح مائة في المائة وانا كنت زيك كدة بس بقولك مرتب يوليو 2013 مش القديم
باقي المحافظات معملوش استمارت ولا اية ؟
باين الموضوع مش شاغلهم اوي

استمارت المرتبات سر من اسرار المدرسة منعرفش الا الرقم الى بنمضى عليه ونقبضة ولو حاولت تعرف غيركده تصبح من الخونة المغضوب عليهم.

كلامك سليم عشان بيبقى في علاوات ( زي التشجيعية ) حكرا لهم فقط فهم عايزنا نبعد عن اي معلومة بس الشباب بيتخاف منهم دلوقتي

ازاى يا جماعة الكلام دة ماانا من المطرية دقهلية تعيين 1\7\2011 الاساسى كان 219 وبعد علاوة 2008 اللى هى 14 جنية اصبح الاساسى بالكسور 234 فقط لاغير والمرتب 660 بدون الخمسين فى المية ازاى 840 وحتى المرتب بعد اضافة الخمسين فى المية 760 والله فقط مفيش ولا مليم هو انتو بتجيبو الكلام دة منين ؟
طيب اللى بياخد840 انت ادارة اية وتعاقد كام وتعيين كام ؟

يا جماعه انا ليه سنه دلوقتى بقولكم ما ينفعش تقارنوا المحافظات ببعضها لان فى بدلات مختلفه زى مثلا فى محافظات حدوديه بتاخد بدل اقامه و بدل جذب و دى خاصة بمحافظات الحدود بس و البدلات دى ثابته على المرتبات لكن احنا نقارن الادارات فى المحافظه الواحده ولو فى اختلاف ندور على حقوقنا و كمان فى مغتربين من محافظات بحرى عايشين فى قبلى دول بياخدوا بدل اسمه بدل اغتراب برده بيرفع من المرتب و بدلات تانيه زى بدل النقدى بتاع تزاكر السفر ده ليه شروط معينه و عدد معين لكنه عالى و هكذا فمينفعش المقارنه و كمان ناس عامله خدمه عامه و ناس واخده اعفاء دول بياخدوا فلوس و دول لا عشان كده الاختلافات وارده بين حتى الاشخاص قارنوا الثوابت فقط و مثال على الوادى الجديد مثلا ولانى عايشه فيها بس مغتربه فانا واثقه من الكلام ده و الله الموفق للخير

طيب طالما كلة بيقولي " انتوا بتجيبوا الكلام دة منين"
انا غلطان اني اعرفكو حاجة بكرة تعرفوا لوحدكوا

ازاى ام نونة تعيين 1/7 /2011 و الاساسى 219 المفروض 230.8 و بعد العلاوه 245.8 ده باه ثابت مفيهوش اختلاف
يا استاذ ميدو كلامك صحيح مع بعض الاختلافات اللى انا ذكرتها سابقا واكيد فى اخطاء زى الاساسى بتاع الست ام نونه ده انا تعيين 1/7 زيها والاساسى بتاعى زى ما انا ذكرته كده

متقولش كده احنا هنا عشان نفيد ونستفيد
بالنسبة للمرتب شهر 7 كلامك صحيح انا شوفت الاستمارة
840 بعد اضافة 50% و زيادات شهر 7
قبل كده كان 666 جنية + 97 ج الخمسين فى الميه وكنا ناخدها ف استمارة فردية
دقهلية تعيين 3/2011 بعد الثورة

يا مستر ميدو
وسع صدرك اكتر من كده احنا فعلا سمعنا ان فى ادارات تانية بالدقهلية بيقبضو اكتر مننا حوالى 100 جنية وكانو بياكدوا اكلام ده ولما طلبنا من بعض الناس دول مفردات مرتبهم عشان نبعت شكوى للمديرية وندور على حقنا خاصة ان يقال الادارة بتاعتنا هى السبب تنصلو من كلامهم ورجعوا فى كلامهم لدرجة انهم قالو لنا لا دا احنا اتخصم مننا الشهر ده اللى هو شهر 6 وقبضنا 590 فقط لا غير
ايه راى حضرتك بقى فى الكلام ده عندى حق اتاكد من المصدر ولا لا ؟
وبعدين والله انا شفت الاساسى بتاعى من استمارة المرتب وكان 219 لكن لسة ما اعرفش شهر 7 الاساسى زاد ولا لا
دا انا نفسى اعرف انا وزمايلى لية احنا اقل ناس فى الاساسى والادارة مش بتريح حد بتقولنا هاتو مفردات مرتب حد من زمايلكو فى ادارة تانية وابعتو شكوى وزى ما شفت الكل خاف ليتخصم هو منه ويبقو زينا