|
" كلب تانى غير كلب الست "
مبدأيا انا بتأسف لعمنا و عم الكل أحمد فؤاد نجم لأنى اخدت وزن و قافية و بعض افكار قصيدة " كلب الست "
اللى اتكلم فيها نجم عن كلب ام كلثوم اللى عض واحد من الغلبانين و بعدين راحوا القسم و الراجل اللى الكلب عضه اتحبس .... القصيدة عبرت عن نفوذ أم كلثوم على الحكومة . دى قصيدة نجم " كلب الست " // http://www.e-ghamdi.com/wp/?p=22 أنا ما اختلفتش برده فى الفكرة انا قصيدتى بصور فيها نفوذ كلب برده بس من نوع تانى و سطوته على الحكومة و البرلمان و ناقص الشعب يفتح الحنفية نلاقيه نازل منها القصيدة اهى و سايب لكم الحكم و ده الجزء الاول : فى بلدنا من سنين .... و فى حمى النيل العظيم واحد كان عنده سيخين ..... و مكانش حيلته تلاتة مليم فجأة صيته سبق الزمان ... يسمع كلامه حزب وطنى و اخوان و اعضاء مستقلين راجل و لا كل الرجال .... فى المقام و الاحترام صبح عنده تل مال .... و منصب فى غاية التمام هه .. قصره يعنى و من اخرها كلامه ماشى على الحكومة و اللى يعارض جنابه يبقى مش هتقومله تانى قومة و التسلط ده طبع جوة ... أخينا ده و من زمان سيط و اسم دايما ملازمه ... فى كل حته و كل مكان أخينا ده عقبال املتك .... عنده مصانع تيجى ملايين مص دم عيلتى و عيلتك .. و اللى زى عم حسين عم حسين ده يبقى واحد من الجماعة الغلابنين اللى عاشوا فى المصالح الحكومية موظفين مكانش عايز فيلا فخمة ... لافى المعادى و لا فى الزمالك و لا عمره حط فى جوفه لقمة .... من رشوة أصله مش وش ذلك عم حسين من طيابته ... ابنه طالع واد تمام اتخرج و خلص و خد شهادته ... و راح يدور على المدام بس لازم يشوف شغلانة منها يقدر يجيب كاشات يخطب موزة و يبنى شقة و يعمل بيهم حبة حاجات اتغرب و لف بلاد الله و حوشله قرشين طبعا حلال لمحه الاخ بتاع الحديد قال ده صيد مالوش مثال هوب مد اديه فى جيب....ابن عم حسين الطيب افتكره ابن عم حسين حبيب .. قاله هات قام قاله طيب عرف بعدين ان الحديد ... بـــــ8600 قال الحقونى و يعيد و يزيد ... مالى سرقه زعيم حرامية حبه و قالوا قانون جديد ... يمنع و يقتل الاحتكار ابن عم حسين سعيد .. من اللى سرقه هياخد التار قانون جديد قانون جديدشى شويه و طلع القرار و حق الغلابة ما بيرجعشى .. لو عند واحد من الكبار طبخوا القانون شوية مواشى ... وقدموه فى البرلمان وعلى هوى اخينا ماشى ... القانون لو مهما كان الجزء التانى هنحكى ايه اللى حصل فى البرلمان ............ هنطلع فاصل و نرجع تانى .. أرجوكم .. ابقوا معنا |
جميلة اوى يابندق
بجد حلوة اوى تسلم ايدك ومنتظرين الجزء التانى |
اقتباس:
و شرفنى انى تكونى اول من يرد على قصيدتى |
جمياة اوى يا بندق بس هو الحديد وصل8600 يجد ولا ايه
|
هو انت متعرفش
ده كان على كمان عن كدة مشكور مرورك يا باشا |
جااااااااااامد
هههههههههههههههههههههههه
جامد جدا يااستاذ بندق احيك علة مجهودك ومستنية الجزء التانى ان شاء الله |
اقتباس:
انا شعر لسة ما ابيضش و الجزء التانى ............ قريبا جدا |
الجزء التانى
كلمة من دا و كلمة من دا .... فى البرلمان صبحت فضيحة قول نهايته و القصد من دا .... اعترضوا رجالة اخونا حيحة راحوا ياخدوا الرأى طبعا ... فى جو ديمقراطى و جميل فى الاول وافقوا عليه جمعا ... لكن أخينا اقترح تعديل حبة و الدكتور كآبة ... قال ~لأخينا سمعا و طاعة لازم نمص دم الغلابة ... و نعيط عليهم فى الاذاعة قام سى الدكتور عايد التصويت .... على تعديل البيه الأمين لقى كفوف الاعضاء موافقين ... و كل واحد قبضله قرشين تفتكر تعديل اخينا ... للقانون ده كان ايه اللى فيه حط فيه عقوبة متينة ... للى يروح يبلغ عليه طرمخ القانون و عمله فى يومين ... بالعند فى اصحاب العقول و ضاع حق ابن عم حسين .... على يد شلة من العجول دلوقتى الواد ده ياعينى تاه.... يشرب و ياكل و يسكن بكام و مصر يا عينى و يا ولداه .... بقت فى ايد حرامى تمام جات اوامر فطلع أخينا .... بفقع مرارة الناس كمان طلع فى التليفزيون علينا .... عامل فيها مسكين غلبان بعد صباح الخير يا افندم ...و ازى صحة و مزاج جنابك و رد بكلام ظريف متهندم ... يخليك تطق من جنابك الجزء الاخير نحكى ايه اللى حصل فى المقابلة ............ هنطلع فاصل و نرجع تانى .. أرجوكم .. ابقوا معناا |
ـ بصراحه كلامها بالرغم من انه عامى من الدرجة الاولى جدن بس حلوو والموهم انه حقيقى وواقعى ويمس الحاضر والشارع المصرى وكل من يعاصر هذا الزمان ايد الدكتور اللى رفعت ايد الموافقين وغيرت فى القانون وعملت تعديل شكلك منشن على احمد عز انا اول مره اعرف ان للست كلب جايز بس الكلب التانى طلع اشرس واقوى واقسى هل هي حقا متاهات حياتنا ام مجرد كلمات تعبر عن رؤية شخص تعلووو تارتا بالالم حتى اذا استكان الالم رجعنا الى ذالك الحب العفوي قد تغفو جرحنا لكنها لا تموت تعيش بداخلنا ... لا لشيء الا كي تغرس الالم وتزرع الحزن قلم اقل ما يقال عنه انه نازف ... و ..وجدان مزقته الكلمات لكن يظل الامل في الحياة هو اجمل ما فيهاااا شكراا ليك اخى بندق على الموضوع وعلى الاحساس وعلى الكلمات وان شاء الله استمر فى قراتها سلملم |
موضوع هادف
مشكور وجزاك الله خيرا |
مشكورة يا آيه على ردك و تعليقك القيم ده
و استمرى و مازال للحدوتة بقية مشكورة يا استاذة رانيا على مرورك و الحمد لله ان الموضوع عجبك الجزء الأخير ............ قريبا جدا |
جميلة اوى انا متبعاك
|
الجزء الاخير..............
طلع و قال يا ناس يا هو ........ أنا مش عايز اكون الريس و الاحتكار ده مفهوم بعيد .... عنى اصلى راجل كويس ابن عم حسين مرارته .... اتفقعت و قام شاقق بجامته و ضحك و راح موقف شعره .... و وقف و قال آخره و غايته .. هيص و زقطط يا ابو دومة .... ليك مقامك فى الحكومة بكرة تقعد على كرسى الرئيس .... بعد ما تاكله البارومة بشرى للشعب الحزين ... من غلابة و مثقفين بشرى للشعب اللى نايم ... و اللى ساكت من سنين اخينا راح يصبح زعيمنا ... هيبقى ريس و الله يعيننا هيبيعنا فى سوق الحمير .... بالكيلو و هيقبض تمنا و ده كان الجزء الاخير من حلقات " كلب مصر " |
جميله جدااااااااااااااااااااااا بجد
و دة مش جديد عليك سلمت يمناك و دمت لنا مبدع |
اقتباس:
تشرفت بمرورك حقيقى |
| جميع الأوقات بتوقيت GMT +2. الساعة الآن 05:29 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.