بوابة الثانوية العامة المصرية - كل ما يخض كليه الهندسه الالكترونيه بمنوف

السلام عليكم

اعرفكم بنفسي الاول

ايمن عماد
طالب بكليه الهندسه الالكترونيه
قسم حاسبات
فرقه رابعه

مبروك مقدما لكل طلبه الثانوبه العامه
ويارب دايما من نجاح الي نجاح
كل سنه تفريبا في الميعاد
بكتب موضوع
بخصوص كليه الهندسة الالكترونيه بمنوف
================================
=========================
التعريف بالكليه
خس الموقع واعرف

ده موقع الكليه
http://mu.menofia.edu.eg/fee/Home/ar

كليه الهندسه الالكترونيه بمنوف

بتدرس اول 3 سنين عام
(اعدادي – اولي – تانيه )

بتدرس كل حاجه في الالكترونيات والكهربه
وغيرها
وبعد كده التخصصات في تالته
والتخصصات هي
قسم هندسة وعلوم الحاسب
قسم اتصالات كهربيه
قسم تحكم الي والكترونيات الصناعيه

الاقسام دي كلها تفرعات من قسم كهربه
بمعني
حضرتك ممكن تحضر اعدادي واولي في منوف
وتحول لقسم كهربه في اي هندسه
وتبدأ من فرقه تانيه علطول

التخصصات في باقي الهندسات
من فرقه اولي

نظام الدراسه
=======
كل كليات الهندسه بتتبع نفس نظام التعليم

الجانب النظري اكبر من الجانب العملي
دي حاجات ثابته عشان محدش يضحك عليك

نظاام التحويل
======
حضرتك بتحضر اعدادي في منوف عادي

وبعد كده تحول لكليه الهندسه اللي انتي عايزاه
في بعض الهندسات بترفض التحويل اليها
زي هندسه القاهره وهندسه طنطا
ودي حسب السنه وقرار مجلس الكليه بالنسبه للقاهره او طنطا
وممكن يتغير مش مٌقيّد بسنه يعني

ولما يكون فيه تحويل يكون الاولويه لابناءالمحافظه اولا

علي سنتي 2009
كانوا رافضين التحويل من هندسه منوف وبترول السويس الي القاهره
وهندسه طنطا كانت قافله باب التحويل اليها

القاهره وطنطا علطول فيهم لبش
باقي الهندسات زي
شبين والاسكندريه والمنصوره وحلوان والمنيا واسيوط
وشبرا وبنها وبورسعيد وغيرهم

التحويل عادي ومش مقتصر علي ابناء المحافظه بس
اي حد يحول عادي

المهم تنجح في اول سنه في منوف
التخصصات في باقي الكليات بعد اعدادي بتكون بتقديرات
يعني لو انت عايز تخش قسم مدني لازم تجيب 70 % مثلا
او عماره لازم تجيب 73 مثلا وهكذا

فانت لو عايز تخش قسم تقديره عالي
زاكر كويس في اعدادي في منوف وهات تقدير عشان لما تتحول
تخش القسم اللي انته عايزه

===================================
اهم حاجه يا جماعه
ركزوواا

كل سنه بيحصل نفس المشكله
ان كتير من الطلبه بكتبوا هندسه طاقه اسوان قبل هندسه منووف الالكترونيه
اعتقادا ان اسوان احسن
ومنوف مش كويسه

يا جماعه مافيش اسمها مش كويسه
في حاجه حاجه اسمها اللي يناسبني ويناسب قدراتي
والمسافه كمان والسكن واعتبارات تانيه
وكل كليه ليه تخصص معين

غالبا تنسيق منوف يبقي اقل من الاسوان
المهم هما الاتنين ورا بعض في تنسيق الدرجات

المطلوب من حضراتكم
اكتب اول حاجه هندسه محافظتك لو انت عايزه تخشها
وبعدين باقي هندسات الجمهوريه وبعدين هندسه منوووف
وبعدبن اسوان
وبعد كده حاسبات ومعلومات واملا باقي الرغبات

اما انت لو عايز تخش منوف من الاول
اكتبها في الاول وبعد كده هندسه محافظتك

لان منوف ليها الاوليه في الرغبات

انا بقول كل ده عشان لما تتفاجئ ان منوف اقل من اسوان
في التنسيق وده غالبا
وانت للاسف كاتب اسوان قبلها
هتقولي يا رتني كنت كتبتها قبلها

عشان قرب المسافه بالنسبه لل في وجه بحري
التخصص يناسب اغلبيتنا
ممكن تحول يعد اول سنه
الدراسه كويسه
مش صعبه اووي
ولا سهله اوووي

انا مش بقلل من هندسه اسوان
لا طبعا

كل كليه ليه تخصص معين

هذا والله اعلم

لاي استفسارات ابعتلي رساله

https://www.facebook.com/ayman.emad

وان هارد عليكم ان شاء الله :)

بالتوفيق للجميع