|
هديتى ليكوا بمناسبة نتيجتكوا للى ناويين على طب.. من طالب فى تالتة طب بشرى
السلام عليكم و رحمة الله و بركاته , احنا اسرة فرسان القصر- طب القصر العينى اللى هو جامعة القاهرة يعنى - و احنا عبارة عن مجموعة شباب فى سنة تانية -تالتة ان شاء الله بعد النتيجة :) "يعنى مش اكبر منكم بكتير" و كنا قدرنا و احنا فى سنة اولى اننا نجيب كاميرا نصور بيها المحاضرات و نرفعها على قناة على اليوتيوب . الحمد لله القناة نجحت نجاح مبهر و اتفرج عليها ناس من كليات طب تانية زى المنصورة و غيرها ده الى جانب ناس من ليبيا و اليمن و عرب بيدرسوا فى الصين , بالظبط فى خلال 6 اشهر القناة وصلت ل سبعين الف متفرج , و كنا عايزين نعمل انشطة تانية كتييير للطلبة بس موضوع الرسمية ده كان واقف فى طريقنا فقررنا نعمل اسرة . طبعا احنا عندنا انشطة تانية كتيييير منها اننا اشترينا كاميرا لشباب اولى -تانية بعد النتيجة ان شاء الله - على حسابنا عشان نكمل مسيرة التصوير و نوصل اننا عقبال ما نبقى فى سنة ستة يبقى فى 6 قنوات على اليوتيوب ب 6 كاميرات صدقونى ده هيخلى القصر العينى ليه مكانة كبيرة على مستوى العالم لاننا عندنا دكاترة كبار جدا و نصوير محاضراتهم ده ثواب كبير . احنا طبعا يشرفنا ان حد منكم ينضم معانا احنا بسم الله ما شاء الله انضم لينا عدد كبير من اولى و بأذن الله يكون اكتر و اكتر , احنا فعلا كوننا فريق من اولى لتصوير المحاضرات بالكاميرا اللى ان شاء الله, احنا عاملين جروب ليكم على الفيس بوك اسمه "فرسان القصر :2013-2019" ربنا يوفقكم يا دكاترة المستقبل و نتمانلكم مستقبل مبهر بأذن الله. لينك جروب فرسان القصر : https://www.facebook.com/groups/Forsan2019/ لينك القناة الاولى اللى رفعنا عليها المحاضرات لما كنا فى سنة اولى : http://www.youtube.com/dof3tna2017 لنك القناة بمجهود شباب سنة اولى وهى منظمة اكتر :: http://www.youtube.com/forsan1styear عاوز اقول لكوا انى لما دخلت كلية طب لقيت كل المحاضرات عبارة عن تسجيلات صوت وفى اللى وحش منها جدا كمان-ممكن دلوقتى الجودة بقت احسن- لكنى اصبت بإحباط ان مفيش محاضرات فيديو عشان كدة احنا عملنا الاسرة دى والفريق ده عشان نكون التغيير اللى احنا عاوزينه وقدمنا لكوا المنهج كله فيديو :) وعاوز اقول لكوا انى كنت هنا من سنتين كل لحظة بلحظتها من ساعة لما خلصت الامتحانات وطلعت النتيجة وشفنا النتيجة ..ونصيحة منى لوجه الله ... بلاش تعيشوا فى دايرة التوتر دى لان دى اخر اجازة ليكوا هتاخدوها وانتوا مبسوطين من قلبكوا ومفيش وراكوا حاجة :D |
uuuuuuuuuuuuuppppppppp |
انا بالفعل مشترك في ال الجروب الجميل ده وانا ان شاء الله طب 99.15
|
أولا:أحييكم على مجهودكم الكبيييييييير لأنكم تخدمون الأجيال القادمة
. ثانيا: إن شاء الله سألتحق هذا العام بطب القصر العيني ويشرفني أن انضم إلي أسرتكم وأنا أنضممت بالفعل لجروبكم على الفيس:) |
منووووورين بجد يا باهى ويا رؤي
هتلاقونى هناك بأسم Dr-Mohamed Ahmed وتابعونا عشان هنعمل مفاجئات كتيرة ليكوا ...ولو انضميتوا لينا بدرى بدرى كدة هتساعدونا انتوا فى عمل المفاجئات دى :) بجد اشترفنا بيكوا |
زى المنصورة و غيرها ده الى جانب ناس من ليبيا و اليمن و عرب بيدرسوا فى الصين
هههههههههههههههههههههههههههههههههههههههههههههههههه ههههههههههههه هههههههههههههههههههههههههههههههههههههههههههههههههه ههههههههههههه |
اقتباس:
|
انا انشاء الله هدخل طب القصر العيني انا جبت 409 والحمد لله :)
بس انا مضايقه جدا لاني كل مقول لحد اني عايزه ادخل طب يقولي ليه كده انتي مش عايزه تعيشي حياتك وتفضلي طول عمرك بتذاكري وبعد متتخرجي مفيش مرتب كويس و و و و و وادخلي صيدله احسن من الاخر عقدوووووووووووووووووني لو سمحت حضرتك تقولي ع مميزات طب بشري او اي حاجه تثبتني ع موقفي :) |
اقتباس:
ما شاااء الله عليكى يا طالبة الف الف مبرووووك بصى انتي هتكونى مهندسة أعظم آلة ..وكونك تدخلى طب دي مش شئ سهل..فانتى عديتى امتحان صعب عشان تكونى جديرة بانك تدخلى اعظم كلية... فلا يا رؤى.. الدنيا مش راحة خالص لكن هتكون ممتعة جدا وهتكونى فى مناخ راقى فى كلية راقية كل اللى حواليكى ناس عقولها جبارة... وهيبقى ليكى مكانة اجتماعية كويسة مشوارها صعب لكنه يستاهل انتى هتعيشى حياتك بس بنظااام ...الكلية هتفرض عليكى تكونى انسانة منظمة بتدى كل شئ حقه والوقت عندك بقيمة اكيد لازم تذاكرى طول عمرك..وده اللى بيميزك عن اى واحد بيطلع من كلية تانية وبينسى هو كان بيدرس ايه اصلا وينفصل عن الواقع بتاع شغله..لكن انتى هتكونى متصلة بتطورات شغلك على مستوى العالم طب عاااالم لوحده وعالم ممتع جدا :) صيدلة انتى اخرك تقفى فى صيدلية ولا حتى تشتغلى فى شركة لكن طب عالم بمعنى الكلمة بقول لك ايه..ادخلى عالجروب هتسمع اراء كتيرة جدا :) https://www.facebook.com/groups/Forsan2019/ |
اقتباس:
|
اقتباس:
وانا خلاص دخلت الجروب وبصراحه حلو جدا ربنا يكرم كل الدكاتره اللي فيه :) |
اقتباس:
العفو يا طالبة ..اطلبى اى حاجة واحنا معاكى ان شاء الله وهنسهل عليكوا كل حاجة...انتى القصر العينى بقى ولا ايه..؟؟ :) |
اقتباس:
ربنا يكرم حضرتك بجد انا الجروب ده جالي في وقته وانا ان شاء الله القصر العيني :) وربنا يسهل الكليه دي بقي علينا لحسن شكلها تخوف :( |
عــن تجــربة شخصية من طالب رايح تانية طب ... تابعوا فرسان القصر و المحاضرات اللى هما بينزلوها حتى لو كنت في جامعة تانية .. لان بجد انا كنت بستفاد منها كتير .. واحب اشكرهم على المجهود الرهيب اللى هما كانوا بيبذلوه طول السنة ربنا يكرمهم
|
uppppp
عاش فرسان القصر ^_^ |
| جميع الأوقات بتوقيت GMT +2. الساعة الآن 03:09 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.