بوابة الثانوية العامة المصرية

بوابة الثانوية العامة المصرية (https://www.thanwya.com/vb/index.php)
-   أرشيف المنتدى (https://www.thanwya.com/vb/forumdisplay.php?f=513)
-   -   هام بخصوص تنسيق الهندسة (https://www.thanwya.com/vb/showthread.php?t=533283)

fire king 17-07-2013 10:01 AM

هام بخصوص تنسيق الهندسة
 
1 - مبروك عالنتيجه
2- سيبك من اي توقعات للتنسيق وريح دماغك عشان انا كنت زيكم السنة اللي فاتت وشفت العجب
اللي هيجيلك هيجيلك فريح دماغك ومتوترش نفسك
وعموما غالبا التنسيق هينزل لان المجاميع اقل لكن محدش يقدر يحدد هينزل لحد كام


3- نخش في المهم
في 3 كليات ناس كتير بتنساهم في اخر المجموعة الهندسية هم
هندسة الكترونية منوف - طاقة اسوان - تخطيط عمراني
وال 3 كليات خريجهم بيتبع نقابة المهندسين
منوف واسوان جامدين جدا والمستوى التعليمي فيهم عالي
طاقة اسوان متخصصه في ميكانيكا - كهربا
ومنوف الكترونيات وتحكم
تخطيط كويسه ودراستها كلها رسم وعملي لكن المشكلة ان المفروض ان خريجها بيخطط مدن او احياء وهنا المشكلة
المشكلة في الشغل (والارزاق على الله )

لحد السنة اللي قبل اللي فاتت كان اللي بياخد سنة في منوف ممكن يحول لهندسة عادي لكن كان في بعض الكليات بترفض

السنة اللي فاتت طلع قرار جديد
99% معرفوش عنه حاجه وانا شخصيا لفيت ودخت وقلت لناس كتير ومحدش صدقني وللاسف منفعش ناس كتير

السنة اللي فاتت مجموعي قل عن مجموع هندسة بنص درجة وكالعادة رحت كشفت ولقيت كوسة وظلم وكالعادة مخدتش حاجة (بس لو حاسس ان ليك حق روح اكشف وريح ضميرك )

المهم ان طاقة اسوان كانت اقل من هندسة 0.5 درجة ومنوف اقل منها 0.5 وتخطيط تقريبا اقل منهم 0.5
ومجموعي كان يدخلني طاقة اسوان
لكن وكالعادة ولان في ناس بتحب تفتي لقيت واحد فتى عليا وقالي منوف وحشه وتخطيط احسن
وقد كان وبعد ما دخلت تخطيط عرفت الحقيقة وكلمت بتوع اسوان قالولي تعاملنا مع مكتب التنسيق فقط ومنوف رفضون لاني مش من المنوفية وبعد كده بدأوا ياخدوا ناس وكانت عكه
وطبعا حولت الكتروني ولحد دلوقتي تقريبا مكتوب تخطيط عمراني

وبعد كده طلع القرار الجديد والقرار موجود في المجلس الاعلى بس مش معايا رقمه دلوقتي
القرار اعتبر كليات طاقة اسوان والكترونيات منوف وتخطيط عمراني وبترول السويس كليات مناظره لهندسة ويجوز التحويل بدون التقيد بالحد الادنى
يعني تحول مباشر اكنك بتحول من هندسة اسيوط مثلا لهندسة الاسكندرية
وطبعا نزلت مكتب التنسيق الرئيسي في القاهرة وقالي مفيش الكلام ده ولفيت في كل حته وحتى المجلس الاعلى للجامعات لقيت ناس بتقولي مفيش
وفي الاخر جبت رقم القرار ورحت شفته في المجلس الاعلى للجامعات في جامعة القاهرة
وعملت تحويل ورقي وفضلت اقول لصحابي واقنع فيهم و محدش صدق الا كام واحد ونجحوا في التحويل
لان كل التحويلات اتقبلت
ملاحظة
في اخر القرار نفسه اتكتب انه ممنوع التحويل بعد مرور عام نظرا لاختلاف المناهج تقريبا
يعني اللي هياخد سنة هيكمل الخمس سنين في نفس الكلية

الخلاصة
1- بعد كليات الهندسة اكتب ال 3 كليات
الكترونيات منوف - طاقة اسوان - تخطيط عمراني
2- لو جاتلك واحدة منهم حول مباشرة لهندسة بلدك (وركز عالتحويل الورقي لان الالكتروني فاشل )
3- لو لا قدر الله القرار اتلغى متزعلش لانك مهندس في ال 3 حالات


ولو حد عايز يسأل عن حاجه
https://www.facebook.com/maccc7
هندسة الاسماعيلية
:022yb4:

ولاء ح 17-07-2013 09:49 PM

جزالك الله كل خير يابشمهندس

Mr Sayed2222 17-07-2013 11:34 PM

جزاك الله خيرا وجعله فى ميزان حسناتك

إسلام مصطفى رجب 18-07-2013 12:06 AM

جزاك الله خيرا

maxpaine 18-07-2013 12:14 AM

جزاك الله خيرا

hamdymath 18-07-2013 03:43 PM

ملحوظة جميلة ياريت لو عندك القرار ده ورقمة وشكرا

fire king 18-07-2013 05:21 PM

جلسه 576 تاريخ 25/8/2012 قرار رقم 31

بس خلينا في التنسيق دلوقتي
لو جت كلية فريده يبقى ساعتها نشوف اخبار القرار ده ايه

والقرار موجود في المجلس الاعلى للجامعات
تقريبا الدور التاني اول مكتب عالشمال في مكتب مختص بالكلام ده
وفي واحد صاحبي راح قريب وشافه عالكمبيوتر بس مرضيوش يدوه نسخه
القرار اتوزع عالجامعات اساسا لما تم اصداره

و طبيعي هتلاقي ناس لسا بتفتي وتقولك القرار ده مش موجود
متسمعش كلامهم و اتأكد منه بنفسك ببيانات القرار


ربنا معاكم واوعوا حد يكسل لانه مستقبل وهتفرق كتير بين انك تسافر وتغترب من انك تقعد في بلدك باشا وهتفرق في الشهاده طبعا

hamdymath 18-07-2013 05:37 PM

جزيل الشكر والتقدير لشخصك الكريم

fire king 18-07-2013 05:47 PM

اقتباس:

المشاركة الأصلية كتبت بواسطة hamdymath (المشاركة 5387646)
جزيل الشكر والتقدير لشخصك الكريم

ربنا يخليك يافندم

وشكرا على الردود الجميلة
وبأذن الله في خدمتكم لو حد احتاج اي استفسار

hamdymath 18-07-2013 05:56 PM

دخلت على موقع المجلس الاعلى هذا القرار غير موجود وفعلا في التسلسل ولكن قرارات شهر 8 غير موجودة موجود شهر 7 وشهر 9

http://www.scu.eun.eg/wps/portal

fire king 18-07-2013 06:03 PM

اقتباس:

المشاركة الأصلية كتبت بواسطة hamdymath (المشاركة 5387702)
دخلت على موقع المجلس الاعلى هذا القرار غير موجود وفعلا في التسلسل ولكن قرارات شهر 8 غير موجودة موجود شهر 7 وشهر 9

http://www.scu.eun.eg/wps/portal

وده نفس اللي عمله واحد صاحبي وقالي مفيش قرار ودور في الجرايد الالكترونية كمان

لكن خليته ينزل المجلس الاعلى وهناك اتأكد وشافه بنافسه ( خصوصا فقرة " بدون الالتزام بالحد الادنى" )

وبأكد لحضرتك ان القرار موجود (بدليل اني حولت بدون حد ادنى لهندسة)
لكن الاهتمام بيه مكنش كبير
الطريقه الوحيده لرؤية القرار هي المجلس الاعلى للجامعات بجامعة القاهرة تقريبا الدور التاني او التالت اول مكتب عالشمال
والقرار موجود على كمبيوتر

hamdymath 18-07-2013 06:03 PM

بالبحث وجدت الخبر ده من العام الماضي فعلا كلامك صحيح

صرح الدكتور احمد عبدالعزيز وكيل أول وزارة التعليم العالي انه تخفيفا علي الأسرة المصرية يقوم وزير التعليم العالي د.مصطفي مسعد بدراسة فتح باب التحويلات مرة أخري بين الكليات المتناظرة وغير المتناظرة بالتقديم الورقي للجامعات مباشرة خلال الاسبوع القادم.

أشار إلي قيام الجامعة بدراسة كل حالة علي حده ومدي مطابقاتها لضوابط التوزيع الجغرافي والاقليمي والحد الادني بحيث ترسل الجامعات الاسماء التي تم الموافقة علي تحويلها إلي مكتب تنسيق القبول بالجامعات لتعديل ترشيحهم.
من ناحية أخري قرر المجلس الأعلي للجامعات لأول مرة فتح باب التحويل من كلية طب الاسماعيلية وهندسة البترول والتعدين بالسويس وهندسة منوف وهندسة الطاقة بأسوان والتخطيط العمراني بالقاهرة إلي أي كلية تناظرهم باعتبار هذه الكليات كليات متناظرة ويحق للطالب التحويل منها باعتبارها كليات مثل أي كليات أخري .

fire king 18-07-2013 06:07 PM

اقتباس:

المشاركة الأصلية كتبت بواسطة hamdymath (المشاركة 5387718)
بالبحث وجدت الخبر ده من العام الماضي فعلا كلامك صحيح

صرح الدكتور احمد عبدالعزيز وكيل أول وزارة التعليم العالي انه تخفيفا علي الأسرة المصرية يقوم وزير التعليم العالي د.مصطفي مسعد بدراسة فتح باب التحويلات مرة أخري بين الكليات المتناظرة وغير المتناظرة بالتقديم الورقي للجامعات مباشرة خلال الاسبوع القادم.

أشار إلي قيام الجامعة بدراسة كل حالة علي حده ومدي مطابقاتها لضوابط التوزيع الجغرافي والاقليمي والحد الادني بحيث ترسل الجامعات الاسماء التي تم الموافقة علي تحويلها إلي مكتب تنسيق القبول بالجامعات لتعديل ترشيحهم.
من ناحية أخري قرر المجلس الأعلي للجامعات لأول مرة فتح باب التحويل من كلية طب الاسماعيلية وهندسة البترول والتعدين بالسويس وهندسة منوف وهندسة الطاقة بأسوان والتخطيط العمراني بالقاهرة إلي أي كلية تناظرهم باعتبار هذه الكليات كليات متناظرة ويحق للطالب التحويل منها باعتبارها كليات مثل أي كليات أخري .

تمام
اتمنى لو حضرتك تضيف اللينك عشان الناس تتأكد

يارب القرار يفضل
المشكله انه كده الكليات الفريده هتفضى لان الناس كلها هتحول
ربنا يستر

hamdymath 18-07-2013 06:12 PM

ان شاء الله يكون ساري هذا العام ........ شكر لحضرتك

fire king 18-07-2013 06:15 PM

اقتباس:

المشاركة الأصلية كتبت بواسطة hamdymath (المشاركة 5387739)
ان شاء الله يكون ساري هذا العام ........ شكر لحضرتك

الفو يا فندم


جميع الأوقات بتوقيت GMT +2. الساعة الآن 09:05 PM.

Powered by vBulletin® Version 3.8.11
Copyright ©2000 - 2025, Jelsoft Enterprises Ltd.