عندك أى سؤال عن الكليه , أى حاجه عايز تعرفها ؟ + معلومات هامه عن الكليه ( القاهره)
 

[B][B]بسم الله الرحمن الرحيم ..
انا زميلكم عمرو حبقى فى سنه تانيه كمان كام شهر بإذن الله
لو حد عنده إى إستفسار عن الكليه او أى سؤال او اى حاجه هكون متواجد معاكم لحد ما تروحوا الكليه و لما تروحوا حتلاقونى انا و زمايلى هناك مستنينكم =)
لو حد عنده أى سؤال إن شاء الله حرد عليه أول بأول

فيه شويه معلومات أساسيه لازم يكون الواحد عرفها :

1- ) الكليه بتنقسم لأربع تخصصات , التخصص بيبدأ من السنه الثالثه

CS - Computer science : و ده القسم المتخصص فى لغات البرمجه و البرمجه عموما و أنظمه التشغيل و حاجات كتيره جدا , قسم هيكون ممتع جدا للى حيحب فيكم البرمجه , و إن شاء الله كلكم حتحبوها =)

IS - Information system : ده قسم المتخصص فى ال Databases و ال Servers و كل ما له علاقه بقواعد البيانات

IT - Information Technology : و ده بيربط بين البرمجه و الإلكترونيات , و بدأ الفتره الأخيره يضم كمان جزء من شغل ال Hardware معاه , أظن حيطبق من السنه الجايه

DS - Decision Support : و ده قسم دعم إتخاذ القرار , متخصص فى إن الواحد بيحسب كل الإحتمالات و كل النتائج إللى ممكن تحصل من خلال algorithms معينه و بيفيد فى تفادى أى مشكلات فى المستقبل


2- ) الكليه بتعمل بنظام ال Credit hours , النظام فيه شويه عيوب لكنه فى كل الأحوال جيد بدرجه كبيره

3- ) كل ترم بيبقى فيه 6 مواد , يعنى 12 ماده كل سنه

4- ) محدش يتخض من الحاجات إللى بيسمعها و حاسس إنه مش فاهمها , زى البرمجه او اى حاجه تانيه , اول ما بتخش الكليه كل ده بيتلاشى و بتلاقى نفسك عرفت كل حاجه , و الله أعلم بشويه مجهود ممكن تبقى حاجه كبيره جدا زى ناس إتخرجت او معيدين معانا ممكن أبقى أحكيلكم عليهم فى وسط الكلام إن شاء الله =)

السلام علكم و رحمة الله ممكن اعرف هو معهد حاسبات ومعلومات خاص زى كلية حاسبات و معلومات جامعة القاهرة او جامعة حكومية بالنسبة لاصحاب الشغل ولا مش معترف بى اوى و بيعتبروة معهد وانهم دخلو بفلسهم و الكلام دة و لو انت تعرف واحد من دفعات حديثة التخرج منها ممكن تقولى لقى شغل منه ولا لا واية مجالات الشغل منها ممكن الرد بسرعة

و عليكم السلام ..
المعهد و الجامعه سواء خاصه او حكوميه بيدوا تقريبا نفس المنهج ,, مش بتفرق غير فى حاجات بسيطه ..
بالنسبه لنقطه الشغل , لما بيطلب شغل عموما و فى الشغل النضيف خصوصا مش بيبصوا إنت متخرج منين على قد ما بيبصوا على كفاءتك و معرفتك إللى معاك , مش بتفرق معاهم خالص أنت خريج إيه و لو بصوا عليها ممكن ميدوهاش أى إهتمام لما يلاقوا إنك عارف حاجات تانيه كتير بجانب الشهاده ..

لكن عندى ليك نصيحتين : المعهد بيدى نفس المنهج , و لكن إحذر من الناس إللى فيه عشان معظمهم بيحبطوا إللى حوليهم و مبيكونوش عايزين يشتغلوا او يتعلموا ..

النصيحه التانيه : خليك على إتصال دائم بحاسبات إللى فى أى جامعه حكوميه و خليك على معرفه دائمه بنهجمهم و مستواهم و أنشطتهم , عشان ده هينفعك كتير جدا فى دراستك و بعد دراستك إن شاء الله =)

هي حاسبات ممكن تاخد من 91 ؟

شكرا على الرد بس انت بردو ما جوبتش مجال حاسباتومعلومات متوفر فى مصر ولا لاء واية مجال عملها فى مصر و المرتبات بتاعتها بتبدا من كام

الدراسة فى حاسبات ومعلومات القاهرة و خاصةً من جانب الدكاترة و المعيديين؟ لان كتير بيقولوا ان معظم اللى بيدرسوا فى حاسبات كاتره هندسة و مش فاهمين الدنيا ماشية ازاى.

eslam salah hussin

حاسبات مجال شغلها فى مصر كبير جدا , و بيزيد كل يوم عن التانى

kamarahmed

السنه إللى فاتت كان فيه ناس جايبه 93 و دخلت حاسبات القاهره ..
لو التنسيق السنه ديه أقل ممكن أكيد تخش حاسبات القاهره بالمجموع ده ..
و لو منفعش فإن شاء الله حتلاقى حاسبات فى أى جامعه تانيه

Markkonii Markkonii

الكلام ده غير صحيح ..
هو فيه فعلا بعض الدكاتره السيئن فى الشرح , و فيه بعض المواد الغير مهمه و المحطوطه للحشو فقط قبل التخصص ..
لكن بعد التخصص الموضوع بيفرق جدا , سواء فى المناهج او فى الدكاتره ..
و عموما فى كل كليه فى دكاتره و معيدين كويسين او سيئن , و هندسه أقرب مثال على كده
أنت بتتطلع من السنتين إللى فى الكليه ديه بكذا حاجه أهمهم إنك تكون عرفت برمجه مظبوط , و عرفت Problem Solving , و عرفت معلومات كتير عن التكنولوجى و عن الكومبيوتر عموما بحكم المجال

للمرة الثالثة ارجو الافادة كاملة ما هى مجالات العمل من حاسبات ومعلومات فى مصر و ماهى الشركات الى بتقبل خريجى حاسبات و معلومات و على سبل المثال و بتبدا المرتبات من كام يا ريت يا جماعة تجوبونى انا 0خايف بجد على مستقبلى لو دخلت الكلية دى و ناس كثير بتخوفنى ان ملهاش مجال عمل فى مصر)

شركات التكنولوجيا والبرمجة وكل الهيئات والمؤسسات والشركات اللى بتستخدم التكنولوجيا واجهزة الكمبيوتر فى شغلها محتاجينك والمرتب بيبدأ من 2000 وانت طالع