ممكن مساعده فى معاهد الهندسه
 

انا عايز اعرف لو دخلت معهد هندسه زى اللى فى مدينه العبور والمقطم والسلام وكده دول معاهد معتمده ولا لا ؟؟ وبعدها هبقى فى نقابه المهندسيين ولا ايه ؟؟ وهل بتفرق من معهد للاخر ولا لا

الاتنين معتمدين وخلى بالك معدتش بتفرق من كلية الى التانية
ولى جكومة ولى حاص ولى معهد والتانى
لانك عما بتشتغل بيدوك تدريب ودا هو الحكم بينك وبين اى حد تانى
وكل معتمد ماتخفش
الاتني معتمدين

طب ينفع احول من معهد الى اثانى يعنى مثلا ادخل اللى فى السلام وبعد كده احول فى المعهد العالى اللى فى العاشر من رمضان ولا لا ؟؟؟

حضرتك ممكن الواد لو دخل معهد بعد سنه يحول كليه عادى ولا ايه النظام

ممكن تحول لاى معهد اخر عادى
امال تحول كلية الصراحة معرفش

اولا الف مليوم مبروك لحضرتك ربنا يكملها ع خير وتدخل المكان اللى نفسك فية
بص هوضحلك كام نقطة كدا
1- مش كل معاهد الهندسة ذى بعضها المعاهد مختلفة من حيث المجموع والمصاريف والسمعة والتخصصات
والدرجة العلمية

2- لو هتفكر فى معهد خاص يبقى عليك وعلى معهد هندسة تكنولوجيا الطيران بامبابة للمميزات الاتية :
( وتقدر تتأكد من كلامى اللى جاااى دا بنفسك )

* المعهد معتمد من وزارة التعليم العالى
* تم تخريج منة 3 دفعات قبل كدا والسنادى الدفعة الرابعة يعنى صرح تعليم قديم من حوالى 20 سنة
* مصاريفة معقولة جدا 11,000 < المصاريف < 13,000 الف ف السنة
* لو فى تقدير كويس بيتعمل خصم 20% سنويا
* المعهد سمعتة كويسة جدا يعنى سورى مش بيلم اى مجموع وخلاص واى طلبة والسلام ذى معظم
المعاهد التانية المعهد دا كل سنة بياخد مش اقل من 89% والسنة اللى فاتت اخدت من 90%
* المعهد بة 6 تخصصات هى ( طيران - اتصالات - ميكانيكا - كهرباء - مدنى - عمارة )
* المعهد بيقدم كورس ال Basic بأسعار رمزية جدا لابناء المعهد رغم ان سعرها برة مش اقل من 15,000
الف
* والاقى بقى من كل دا ان المعهد تحت اشراف تام وكامل لكلية الهندسة جامعة القاهرة و 90% من
الدكاترة مشتركة هنا وهناك على سبيل المثال
د / سمير طوسون د / مدحت المسيرى د/ منال عوض يعنى كأنك فى هندسة القاهرة بالظبط
* معهد هندسة تكنولوجيا الطيران على قمة معاهد الهندسة على مر السنين

مهو حضرتك للاسف انا مكنتش بذاكر فى الثانويه ومجموعى 83% فعايز معهد فى حدود المجموع ده ويكون كويس وبعد اول سنه فى المعهد احول لمعهد حلو كويس سمعته كويسه زى اللى حضرتك بتقول عليه او المعهد التكنولوجى اللى فى العاشر من رمضان ف اعمل ايه دلوقتى ؟

معظم الكليات تنسيقها اعلى من معظم المعاهد يعنى من معهد لكلية صعب لكن من كلية لمعهد سهل
( طبعا مش قاعدة عامة كل قاعدة وليها شواذها )

ثم الدولة ما صدقت رجلك مشيت فى سكة الخاص مش سهل تدخل الحكومى تانى
هما بيشجعوا التعليم الخاص ومش من السهل يفرطوا ف ذبون متريش ومرتاح مدياً ( من وجهة نظرهم )

عشان كدا نصيحتى لاى حد ناوى على خاص يفكر كويس جدا
ولو محتار ما بين حكومى وخاص ومش عارف تعمل اية فى الرغبات ( 48 رغبة )
حاول تكتب اول 20 رغبة كليات وبعدين انزل بالمعاهد لكن متكتبش معاهد من البداية لان التنسيق لو شايفك كاتب معهد خاص هيدخلك المعهد الخاص حتى ولو كان تحتها على طول كلية حكومة وتنسيقك يجيب الاتنين طبعا دا كلام لسة شوية علية انت كدا مرحلة تانية يعنى ممكن اخر الاسبوع اللى بعد دا

يعنى حضلرتك انا عايز احول من خاص الى خاص بعد اول سنه مش الى حكومه وايه المعاهد المعتمده الحلوه واللى ممكن احول منها بعد اول سنه الى معهد حلو فى حدود مجموعى ؟

حيث كدا انا هقولك المعاهد الاقرب لمجموعك ( مترتبة من الاقوى للاقل قوة )
* معهد العاشر من رمضان
* معهد الاهرامات العالى ( اكتوبر )
* اكاديمية الشروق ( 15 مايو )
* اكاديمية المعادى ( المعادى ع الكورنيش )
* اكاديمية طيبة ( معهد عالى هندسة )
* اكاديمية اخبار اليوم ( اكتوبر ) ( بس دى تخصصاتها هندسة فى مجال الطباعة والنشر والصحافة وكدا ...)
* الاكاديمية الدولية للهندسة وعلوم الاعلام ( اكتوبر ) ( دى متخصصة فى الهندسة الصوتية والبرمجيات وقنوات الراديووو والصوتيات والحاجات دى )
ميزيتها انها بتاخد مجموع قليل اوى ( حاجة وسبعين مثلا) بس مشكلتها ان مصاريفها غالية جدا تعدى ال 17الف

ان ممكن طبعا تحلو من خاص لخاص بعد اول سنة بس يكون مجموعك سنة التخرج ( اللى هىّ السنادى )
اعلى من تنسيق المعهد
خد بالك مجموعك سنة التخرج مش سنة التحويل
لان التنسيق بيطلع وينزل كل سنة
يعنى لو السنادى مجموعك يجيب معهد معين ممكن تحول لة السنة اللى جاية حتى ولو السنة الجاية التنسيق ارتفع والمعهد اخد اكتر من المجموع اللى انت جايبة المهم السنادى
ربنا معاك ويسندك

طب ما انا لو مجموعى جايبه السنه دى كنت دخلته علطول ؟ يعنى افهم من حضرتك انا انا مثلا جايب 83% ودخلت معهد بياخد 83% وبعد سنه فى المعهد ده عايز احول الى معهد كان بياخد فى سنه التخرج بتعتى 85% كده مينفعش احول فيه ؟؟

يا جماعه اى حد فاهم فى موضوع المعاهد ده يفيدنى