المجموع التكرارى 2013
 

إيه هو المجموع التكرارى ال نزل فى المواقع ده و إيه علاقته بالتنسيق ؟؟؟؟

فين دا وموقع ايه ؟؟؟

دا كلام هبل اللى فى اللينك دا والدليل على كدا ان اصلا صيدله كانت 98 السنة اللى فاتت مش 96.6 يعنى بيكتبوا اى كلام فى اى كلام وخلاص

طيب يا سيدي اعتبرها غلطه سهو يا رب يكون التسيق كده انا مدرستي مفيش حد فيها عدى 100% مع ان السنه اللي فاتت كانوا اللي جابوا 100% اكتر من 12 واحد من مدرستنا بس .... اللي جابوا 98.5% في تانية نزل 96% السنه دي بالمستوى الاول في مدرستي كان جايب 204 في تانيه في تالته معداش 100% و جاب 409.5 بالمستوى الرفيع و هو الاول برده يعني ان ماكنش التنسيق هينزل بصفه عامه .. هينزل على اققل تقدير في محافظتي الدقهليه
و ده اللينك بتاع الخبر الاصلي في صدى البلد مع العلم ان المؤشرات واحده في كل المواقع يعني مش متفوته ولا حاجه باختصار و يارب ماكنش غلطان يا رب انهما دارسينها وحاسبينها
http://www.el-balad.com/558682#.UedcMW3SlGM
نفس التوقعات على التحرير و صدى البلد و الجمهورية النهارده و الوفد يارب ماكنش غلطان يا دكتور يا رب احنا بنتعلق بنص درجه و ربنا عارف اللي احنا فيه و معلش اعزرنا اكيد حضرتك كنت زينا لما كنت في ثانوي و لا انا غلطان

ما تقلقش هو التنسيق هينزل بس صدقنى مش بالطريقة دى
انت جايب كام وانت علوم ولا رياضه ؟

انا علوم و جايب 97.9 بس هعمل تظلم و باذن الله هاخد 4 درجات انشاء الله يارب

دكتور محمد قصده انك متعلقش كلامك علي توقعات وهمية عشان متتصدمش في الاخر لانه من دفعة السنة اللي فاتت وكان بيشوف نفس الكلام في الجرايد ان التنسيق نازل وف الاخر كان ارتفاع صاروخي اهم حاجة نؤمن بالله ويكون فيه تفاؤل وبلاش نصدق اي حاجة كده وخلاص

منا فاهم و الله بس السنه اللي فاتت التنسيق على اقوي عشان قللوا اعداد المقبولين بيتهيألي

ربنا معاك وتلحق اللى بتتمناه

فعلا هو دا اللى قصدى عليه
وتقليل الاعداد دا بيكون كل سنة لان دا قانون ان الاعداد بتقل كل سنه 12.5% وقالولنا هيلغوه السنة اللى فاتت عشان المجاميع عاليه وطلعوا كدابين فى الاخر

يا رب طب اسنان

طيب يا جماعه انا 98.66 ممكن أجيب بشرى ولا صعبه ؟؟؟؟؟

يا جماااااااااااااااااااااااااااااااااعة الخبر ده نازل في كل الجرايد النهارده

ان شاء يكون خير للكل
جريدة الجمهورية
http://www.algomhuria.net.eg/algomhu...e/detail07.asp

97.7% للطب و96% للأسنان و90% للهندسة
أولي تنسيق الجامعات.. الأحد
كتب مجدي طنطاوي:
يستقبل مكتب التنسيق الرئيسي وفروعه بالمحافظات الأحد القادم طلاب المرحلة الأولي الناجحين في الثانوية العامة لبدء تسجيل رغباتهم علي الحاسب الآلي من خلال موقعي التنسيق الإلكتروني وبوابة الحكومة الإلكترونية.
شهد العام الحالي انخفاض الحد الأدني للقبول بالكليات عن الأعوام الماضية بنسبة تتراوح من 2 إلي 2.5% عن العام الماضي بواقع من 8 - 10 درجات وتؤكد المؤشرات الأولية أن القبول بالطب سيكون بمجموع 97.7% باجمالي درجات 400 درجة و397 للأسنان و395 للصيدلة ووصل الحد الأدني للقبول بكليات الهندسة إلي 90% ويتبقي لطلاب المرحلة الثانية أماكن من كليات القمة سواء الهندسة أو الاقتصاد والإعلام.

ان شاء الله تلحق
بالنسبه للخبر دا الولد اللى فى الروضه ما يصدقوش لان دا كلام هبل