اختيار الكلية
 

السلام عليكم
الف مبروك ليكم كلكم وياريت لو حد مجموعه كان اقل من اللي هو كان عايزه مايزعلش يقول الحمد لله انها جت علي قد كدة وخلينا دلوقتي نركز في اختيار الكلية الثانوية مش هي نهاية العالم لان التفوق الحقيقي بيبقي في الكلية لان ده اللي بيساعدك انك تلاقي شغل كويس بعد كدة
انا هقول لكل واحد حاول تركز وتعرف انت عايز تدخل كلية ايه بالظبط اسمع من اللي حواليك وخد رايهم بس انت لواحدك حدد لان اختيارك محدش هيتحمل مسئوليته غيرك انا دخلت طب لانها كانت في نظري اكتر حاجة مناسبة ليا ولو كنت مثلا عايز كلية معينة بس مجموعك ماجبهاش اوعي تقفل بقي من الكلية اللي جاتلك لا بالعكس تفاعل مع كليتك وحاول تتفوق فيها وياما ناس دخلوا كليات مكانوش عايزينها وتفوقوا فيها وحبوها مش احسن من انك تدخل الكلية اللي كنت عايزها في الاول وتفشل فيها مثلا

عندك حق أنا أتصدمت لما عرفت أني جيبه 80% ولحد الأن أنا زعلانه من مجموعي مش عرفه أدخل كليه أيه بقي كل الكليات ذي بعض مش عارفه أعمل أيه فيريت تقوليلي أعمل أيه علي العلم أنا أدبي

يا جماعة قدر الله وما شاء فعل فعلا احمدوا ربكم يمكن كان لو اللى جاب مجموع ذى ما هوا عايز وجاب اقل يمكن ملهوش خير وكان هيحصل حاجة تانية قولوا الحمد لله قدر الله وما شاء فعل واهم حاجة تركزوا ففيه الوقتى هيا الكلية ان شاء الله http://t1.gstatic.com/images?q=tbn:A...GH5HZ1V7R9oOcd

لا ماتزعليش اصلا خلاص اللي حصل حصل الزعل مالهوش اي فايدة دلوقتي
حاولي تشوفي ايه الكليات اللي مجموعك ممكن يجيبها والحمد لله التنسيق السنة دي نازل شوية يعني فرصتك هتبقي اكبر وفكري كويس في كل كلية واي واحدة انتي ممكن تتفوقي فيها لا اكيد مش كل الكليات زي بعضها انتي هتدخلي مرحلة جديدة من حياتك فعايزينها تكون في المكان الانسب ليكي ربنا يوفقك :)

الحمد لله علي كل شي وأكيد ربنا هيقدم ليا الخير وهيبعد عني أي شر طب ممكن تقوليلي أه الكليات اللي هتجيلي بمجموعي 80%

ممكن تجارة او تربية طفولة

يعني أيه تربيه طفولي

يادكتورة مرام ازيك عاملة ايه ؟؟؟
ياريت توعينا كده سنة اولى طب دى نظامها ايه الواحد مقلق كده
انتى فاكرانى ؟؟ انا كنت رديت عليكى مرة وقلت انا نفسى اجيب زيك :)
الحمد لله انا جبت 100.1% :)

يعني مدرسة في حضانة

انا الحمد لله كويسة الف الف مبروك بجد فرحتلك خالص
لا اولي طب ده بقي موضوع كبير بس اهم نصيحة هقولهالك وياريت تفتكرها علي طول وانت في الكلية انك تمسك اعصابك من اللي هتشوفه وابدا كدة بعزيمة انك تتفوق في الكلية زي ماطول عمرك متفوق في الاول هتلاقي نفسك مش فاهم حاجة بس عادي ده مش معناه انك فاشل ده الطبيعي المهم انك تجتهد لو اجتهدت من الاول ومشيت مع المواد كدة بالراحة هتلاقي نفسك ابتديت تفهم وبعد حوالي شهر او شهرين هتلاقي نفسك خلاص اتعودت وبقيت ماشي كويس في الكلية