|
استفسار عن صيدلة
السلام عليكم ورحمة الله و بركاته انا خلصت ثانوية عامة السنادى و جبت الحمد لله 99.02 وانا دخلت علمى علوم مخصوص علشان ادخل صيدلة لكن لما قرأت عن مجالات العمل للصيدلى جالى احباط لأنى كان نفسى اشتغل فى مجال تصنيع الدواء مش بيعه فقط لكن عرفت انه صعب الحصول على وظيفة فى مصانع تصنيع الادوية لانى عرفت انه لازم واسطة فعايزة اعرف هل فى مجالات اخرى للعمل مناسبة للبنات لانى دلوقتى بجد محتارة والتنسيق يوم الاحد ومش عارفة اكتب صيدلة ولا لأ وكل لما اقول لحد انا ناوية ادخل صيدلة يقولى فكرى شويه طب احسن بس انا مش بحب طب وفى نفس الوقت خايفة لو دخلت صيدلة اندم لانى شوفت ناس كتير كانوا جايبين مجموع يدخلهم طب و دخلوا صيدلة وندموا علشان كده انا عايزة اختار صح من الاول علشان مندمش فياريت تنصحونى وتقولولى عيوب و مزايا الكلية ومجالات العمل |
|
مادام مقفول/ه منها من الاول يبقى مش هتحبها
اى كليه فيها الحلو و الوحش انا كنت من الناس اللى عايزين طب بس دخلوا صيدله و الحمد لله مبسوط فيها جدا |
انا مش عارفه اقولك ايه بس كل الى اقدر اقولهولك الى حباها هى الى تدخليها
لانى انا كنت بتمنى انى ادخل طب لكن الحمد لله قدر لى ربى ان ادخل صيدلة وصراحة انا لغايه دلوقت مش حباها ووالحياه ماشه عادى يعنى مفيش حاجة بنجح وبعدى بس والحمد لله |
صيدله جميييله والله واكيد كل كليه وليها مزايا وعيوب فانتى شوفى الكليه اللى مرتحالها وادخليها ...
|
طالما انتى داخله علوم علشان صيدلة يبقى انتى حباها بجد كملى ذى مانتى وربنا يوفقك
|
اكيد دلوقتى حضرتك بقيتى خلاص فى الكليه
بس كليه صيدله كليه من افضل الكليات وهتحبيها جدا |
ياريت تطمنينا يا دكتورة حضرتك دختلي إيه
ويارب تكوني دخلتي صيدلة عشان بجد كلية الصيدلة كلية محترمة جدا ومجالات العمل كتير فيها بشرط إنك تكوني حباها وموهوبة فيها والموهبة بتيجي مع الممارسة والإلتزام والعمل الجاد في الكلية اي استفسار تحتاجوه إحنا اسرة ادرينالين بكلية الصيدلة جامعة طنطا والأكونت علي الفيس بوك Adrenaline Family-FPTU |
شكرا على ردودكم
دخلت كلية صيدلة عين شمس |
اهلا بيك فى صيدلة عين شمس لو احتاجت اى حاجة انا ممكن اساعدك ان شاء الله
مادام كنت عايز صيدلة اصلا يبقى ان شاء الله هتقدر تبدع فيها و مش هتندم ربنا معاك |
| جميع الأوقات بتوقيت GMT +2. الساعة الآن 08:58 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.