|
محتااااااااااااااااااار جداً ساعدوني
يا جماعة انا كان نفسي ف طب بشري وكنت طول عمري اكره اسنان و صيدلة جداً , وقدر الله ان مجموعي صعب يجيب بشري و قدامي اسنان و صيدلة. و من وجهة نظري انا بكره صيدلة عشان بحس ان الصيدلي بقال ملهوش لازمة اما اسنان بكرها جداً عشا شغلة مقرفة جداً جداً ده غير انها روتينية و ناس كتير بيقولولي ادخل اسنان عشان اعلى فالمركز الاجتماعي و فالماديات و ناس بتقولي صيدلة انضف و بردوا اسموه دكتور .. انا فعلاً زهقت و مش قادر افكر ياريت حد يساعدني .. شكراً.. |
طب اسنان....
|
يا جماعة مفيش حاجة اسمها كلية مقرفة
يبقى بالمنطق دة نلغى طب المسالك البولية و الجراحة و نسا و توليد و خلافه المفروض الى داخل كلية طبية دة يبقى هدفه بالمقام الأول إنه يفيد المرضى و يعالجهم و بعد كدة تأتى مصلحته الشخصية لأن الطب مهنة مقدسة لو كل واحد بعد عن أسنان علشان شايف شغلها مقرف يبقى مش هانلاقى ولا طبيب أسنان لما نلاقى ضرس عايز يتخلع ولا حشو محتاج يتعمل لتفادى ألم رهيب جربته أنا بنفسى طب أسنان : كلية راقية و عالية المستوى و جانبها المادى ممتاز لو هانفاضل بين طب أسنان و صيدلة يبقى أسنان بدون أدنى نقاش |
اقتباس:
مين اللي بيتكلم عن طب المسالك مانا الحاج طب مسالك وانا وراه دا من غيرها مفيش حد حيخلف (ِمش حيعرف ) :d |
اقتباس:
إنما بتكلم مادام هانتعامل بمبدأ شغلانة مقرفة ولا لا يبقى نص فروع الطب هاتتلغى و مش هاتلاقى حد يدرسها الى عايز يطلع دكتور آخر حاجة يفكر فيها إن شغلته مقرفة ولا لا :) |
اقتباس:
|
لو حد عندوا اراء تاني ياريت يقول يا جماعة ده مستقبل
|
اقتباس:
ما هو مثلاً طب فيها جراحة .. ما هو الجراح بيفتح بطن المريض و يشتغل فى الأعضاء البشرية عملى !! طيب طب نسا و توليد ؟؟ المسالك البولية ؟؟ أطفال ؟؟ طيب التشريح ؟؟ ماظنش يعنى إن المجالات دى كلها " نظيفة " يعنى معيار اختيار الكلية هو : مستقبلك هايبقى بعدها أزاى ؟؟ جانبها المادى كويس ؟؟ أية الخدمات الى هاتقدر تقدمها للمجتمع و للمرضى ؟؟ الصيدلى كتيره بيبقى واقف فى صيدلية واحد ييجى يطلب منه الدواء و يدوهوله و خلاص .. مايفرقش كتير فى رأيى عن أى سوبر ماركت بس الفرق إن الصيدلى عارف أسامى الأدوية لا أكثر و لا أقل .. مع كامل احترامى لبتوع صيدلة طبعاً إنما طب أسنان أنت بتعالج مجال بيسبب آلام رهيبة لناس كتيرة جداً .. و شغل عايز دقة .. الطبيب بيفتح عيادة محترمة و لو شاطر بيلاقى الجانب المادى بتاعها ممتازة دة غير إنه بيخدم مرضى كتير مش مجرد بيبيع دواء للمريض كدة و خلاص أية بقى القرف الى فيها ؟! أنت بتفتح فم المريض و تشوف أسنانه عاملة أزاى .. لو في عصب مكشوف أو حاجة محتاجة حشو أو ضرس يتخلع و يتعمل و خلاص .. ماظنش إنها مقرفة مثلاً إلا لو اعتبرنا الجراحة و فتح بطن المريض مجال مقرف مثلاً .. فى رأيى أسنان أرحم شغلانة منظمة و محترمة من كافة الجوانب .. و بكل صراحة أنا كنت ناوى عليها أصلاً من الأول لكن لولا إنى جيبت مجموع بشرى السنة دى كنت دخلتها فباختصار المقارنة الصعبة فعلاً هى الى بين طب بشرى و طب أسنان لكن لو مجال المقارنة بين أسنان و الصيدلة يبقى مش محتاجة مقارنة هى أسنان بدون أدنى نقاش صيدلة بصراحة ممكن أقول إنها كويسة للبنات إنما غير كدة صدقنى خيار بعيد لو ماجبتش لا بشرى و لا أسنان بس انت جايب أسنان الحمدلله و عموماً برضة دة قرارك أكيد و فى رأيى صلى صلاة استخارة هاتلاقى الدعاء بتاعها و طريقة تأديتها فى أكثر من كتاب و إن شاء الله ربنا يهديك للقرار الأنسب |
اقتباس:
صح ولا اية رأيك انا محتار جداً والله |
....................
|
اقتباس:
خريج طب بشرى بيبقى مكانته الاجتماعية أكبر شوية دة غير إنها عدة تخصصات مختلفة يعنى متشعبة و دة يديها متعة أكبر شوية لو بتحب تتشعب فى دراستك .. بس عايزة طول بال رهيب و مزاكرة ضرب نار ( طبعاً كل الكليات عايزة مذاكرة بس طب زيادة عن حبتين علشان مناهجها أكبر .. خاصة طب المنصورة ) و فيها ضغط شوية بس لو قدرت تاخد نيابة فى الجامعة مستقبلك الاجتماعى و قدرت تفتح عيادة فى نفس الوقت مستقبلك بعدها هايبقى ممتاز طب أسنان كلية راقية و محترمة و عالية جداً و جانبها المادى ممتاز حتى لو ماتعينتش فى الجامعة تفتحلك عيادة و لو شاطر هايبقى وضعك المادى فوق الامتياز و الإقبال عليها كبير بسبب كثرة آلام الأسنان بصفة عامة دة .. و الكلية سنوات الدراسة فيها أقل من بشرى سنة واحدة يعنى لعلمك مش فرق كبير يعنى يخليك تسيب بشرى و تروح أسنان و الناس الى بتقول إنها مجرد حشو و خلع و خلاص غير صحيح .. لو جالك ألم فى ضرسك - ربنا يحفظك من كل سوء إن شاء الله - هاتعرف قد أية آلام الضروس رهيبة و أية أهمية طبيب الأسنان فى تخفيف آلام المرضى و دى أنا نفسى جربتها صدقنى .. و أنا متفق معاك فيها دة الى اتوصلتله من القراءة بين الأثنين و أنا شايف المقارنة بينهم صعبة بصراحة لكن الأمر يرجع للميول بقى فى الحالة دى .. لأن الأثنين فى رأيى طب و مستقبلهم ممتاز و مكانتك الاجتماعية محترمة ز دور طبيب الأسنان لا يقل عن بشرى .. لكن بشرى تخصصاته أكثر شوية |
انت مجموعك كام
|
اقتباس:
|
يبني انت متقارنش بين صيدلة واسنان يا حبي
اكثر آلام صعوبة ومتقدرش تتحمل الألم هو ألم الأسنان تخيل كدا لو ضرسك بيوجعك وبطنك بتوجعك " قارن بين الوجعين كدا ومتؤكد إنك هتقول ألم الأسنان محدش بيقدر يتحمله " وحكاية القرف اللى انت بتقول فيها دى كلام فاضى منك ولو انت قرفان انت كدا كدا بتلبس جوندى واقى وانت بتعالج أسنان المريض فمفيش قرف خالص يا كبير انا شايف ان ألم الأسنان + ألم البول محدش بيقدر يتحملهم ودول اصعب ألام الإنسان يصعب عليه تحملهااااااااا خش أسنان يبني واتكل على الله وفكك من الصيدلة لان بحس ان الصيدلي دا بياع الا لو مشتغلتش فى شركة اما لو شغال فى شركة تصنيع أدوية فانت هتصنع ادوية والشركة تبيع وبما ان اى صيدلي بيفتح صيدلية فالشركة بتديله ادوية يبيعها فى الصيدلية بتاعته ولازم الصيدلية دى تكون ليها تصريح يعنى مش اى حد يفتح صيدلي الا الصيدلي فقط ولو الصيدلي دا شغال فى شركة تصنيع الادوية ومش فاضى يقعد فى الصيدلية فبيجيب حد يقف فى الصيدلية يبيع وهو يصنع ادوية...... لكن المقارنة بين الصيدلة والاسنان دى مقارنة اى كلام لان طب الاسنان مطلوبة وهى احلى من الصيدلة بكتير اما الصيادلة دول كتيييييييييييييييير انا لو منك هخش علاطول طب اسنان يا كبيــر باركلى بقى ... انا على وشك الدخول كلية الهندسة إن شاء الله" أنا جايب 393 من 410 بنسبة 95.85 % " انا شوفت فى جدول كدا مكتوب فيه ان عدد اللى جايبين مجموع 393 فأكثر هم 9,695 طالب فقط لو تعرف تجيبلي ترتيبي على شعبة علمى رياضيات عشان اتأكد بس تبقى وحششششششششش بجد |
اسنان احسن من صيدله كتير بس كل واحد و اللى يتمناه بقى
|
| جميع الأوقات بتوقيت GMT +2. الساعة الآن 11:49 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.