|
تنصحوني بايه عشان محتارة اوي :(
انا دلوقتي جايبة 386ونص علمي رياضة يعني ف اخر المرحلة الاولى ويمكن ولا الحق هندسة ولا الحق تخطيط عمراني ومش عارفة بئى اكتب بعديهم حاسبات ولا المعاهد الخاصة بتاعت هندسة انا حسة ان حاسبات ملهاش مستقبل جامد يعني للبنات وحسة ان مش بعد تعب طول السنة ف الاخر ادخلها والمعاهد بابا بيقولي اكتبها بس ماما خايفة عليا عشان معظمها ف اكتوبر وانا م الفيوم فالسفر ك شوية مش مستحب يعني بس انا نفسي ف هندسة ومش عارفة بئى اكتب حاسبات مع اني شايفة ناس هنا ف حاسبات ومرتاحين جدا فيها وبيقولولي كلية جميلة جدا بس انا نفسي ف هندسة وبردو مش عايزة اتبهدل موصلات وكدة فاتنصحوني بايه بئى :/ :/ |
إن شاء الله هندسة بس شوف ترتيبك كام على علمى رياضيات ولو من ضمن ال 17 الف يبقي إن شاء الله هتخش هندسة فى اى حتة بقى المهم تخش هندسة
اصل انا سمعت ان الهندسة هتاخد 17 الف طالب |
انا ترتيبي 16511 بس بردو لازم احط كل الاحتمالات تنصحني بايه بئى
|
يانااااااااااااااااااس
|
اسمعيها منى يا انسه كلية حاسبات ومعلومات هى كلية المستقبل :)
|
انتى بتهزرى اكيد
يعنى انتى عجباكى المعاهد الخاصة اللى شهاداتها فوق المتوسط و مش بتشغل فى دول كتير و مش عجباكى حاسبات اللى ناس كتير اوى و خاصة البنات بيسيب هندسة و يدخلوها حاسبات مستقبلها احسن من هندسة اصلاا و عن تجربة عندى قريبتى متخرجة منها و حلوة اكتر كمان للبنات انتى بتتكلمى فى ايه مفيش مجال للنقاش |
ماشي ياجماعة شكرا ليكو جدا وان شاء الله هكتب حاسبات :)
|
ياحبيبتي هتجيلك هندسه ان ش الله لانك كدا مرحله اولي وترتيبك كويس بس هتجيلك اقل حاجة الكترونيات منوف او هندسه الطاقه ف اسوان وهتحولي عادي وبالتوفيق ان ش الله مش تقلقي
|
| جميع الأوقات بتوقيت GMT +2. الساعة الآن 06:49 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.