|
ارجو الاجابه للضروره
انا عايزه اعرف مواصفات اللاب توب العملي للشغل في كليه هندسه و يا ريت في اسرع وقت مع العلم اني هكمل يا كهربا يا اتصالات انشاء الله
|
مش حاجة محددة يعنى
اى لاب حديث وخلاص ... اهتمى بكارت الشاشة والروسيسور والشغل عليه ف اول سنتين لا يذكر |
مفيش حاجة محددة و علي فكرة هو كماليات يعني مش حاجة اساسية خالص
|
لو انا عايزه اجيب اجيب ايه؟
|
هات نوت بوك ايسر او توشيبا طيب اخبار التابلت ايه يكون احسن
|
بصراحة هاتى لينوفو أو hp probook ,خصوصا اللينوفو مش بيسخن جامد تمام و المواصفات بما انك هتكملى اتصالات أو كهرباء يبقى البروسيسور i7 أو i5 , و رامات 4 أو 6 GB للعلم مش هتحتاجيه تقريبا فى اعدادى استنى أحسن لما الدولار ينزل شوية ربنا يسهل لأن الأسعار غليت جامد بسبب الدولار
|
لو قسم محتاج فيه برامج زي مدني او عمارة واوقات ميكانيكا والاقسام دي اللي فيها شغل برامج تقيل ديما ممكن تجيب لابتوب ومقاس الشاشة الوسط ال15 لايكون كبير متعب في الحركة والحجم والبطارية ولا صغير يتعب العين وغير عملي او ملائم لتطبيقات الجرافيك ...
المهم شوف هتدخل بعد اعدادي ايه وبناء عليه قرر بقى مواصفات الجهاز فلو دخلت عمارة ده اعلى جهاز ممكن كمواصفات هتجيبه لان شغلهم في الجرافيك عالي جدا ... مدني او ميكانيكا برامج اقل شوية بس امكانيات فوق متوسطة ... اقسام تانية اتصالات وغيرها امكانيات جيدة فوق العادية |
وبالنسبة للانواع فالافضل هما dell ده الافضل الحقيقة واثبت نفسه في الاسواق وليه قدرة على التحمل فوق الممتازة ويليه HP وبالرغم ان فيه بعض الموديلات في الفترة الاخيرة كان فيها مشاكل متعددة في ارتفاع الحرارة وكروت الشاشة وغيرها لكن فيه نوع نزل افضل من الاجيال القديمة اسمه probook وفيه توشيبا طبعا بس محتاجه تدوري كويس علشان تلاقي موديل مناسب للاستخدام ، وفيه حاجات تانية هيا الموديلات العالية منها نضيفة جدا زي Lenovo IdeaPad وبعض الماركات الشبيهة لكن مشكلتها في قطع الغيار والضمان لو حصل مشكلة في الجهاز مش زي dell&hp دول قطع غيارهم في كل مكان الحقيقة دلوقتي كسعر وكوجود في السوق ... عموما انتي لو كهرباء او اتصالات زي ماقولت مش هتحتاجي لجهاز يفوق عن i5 هيكون مناسب جدا ليكي ولو عايزة اي استفسار عن ماركة معينة او موديل هتجيبيه ابقي عرفينا وان شاء الله نقولك كل حاجة عنه وخلي بالك وانتي بتشتري لان السوق اليومين دول فيه غش كتير ... واهم حاجة تجيبي اللاب بضمان معتمد للوكيل في مصر لاي ماركة ... ويكون الكرتونة متبرشمة وقت الاستلام |
| جميع الأوقات بتوقيت GMT +2. الساعة الآن 05:43 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.