دكاترة طب بيطرى
 

السلام عليكم :

عايزة اسأل هو انا لو بخاف من الحيوانات جداااا ممكن ادخل طب بيطرى واتعود ولا الموضوع هيبقى اصعب ؟؟

شكرا...

الحياة العامة شيئ ودخول الكلية شيئ تاني .. يعني أي طالبة في سنك بتخاف من منظر الدم وتترعب لو شافت جثة مثلا .. ولكن لو دخلتي الطب هيبقى شيئ طبيعي ومألوف - تدريجيا طبعا -
ونفس الشيئ بالنسبة لطب بيطري هتتعودي على التعامل مع الحيوانات لغاية لما يبقى شيئ طبيعي
على فكرة التعامل مع الأسود والنمور والدببة وفرس النهر والأفيال وخلافه - في حديقة الحيوان مثلا - بيبقى بعد تخدير الحيوان فلا تخافي اطلاقا :d

اه بس انا تقريبا عندى فوبيا منهم انا بخاف اصلا حتى لو الحيوان ميت انى احط ايدى على الريش مثلا
لو جلد مثلا مش بخاف يعنى انا بخاف من الكتاكيت والعصافير والحاجات دى كلها ده بقى طبيعى ادخل طب بيطرى ولا لأ ؟

هو فيه تعامل مع اسود ونمور :d طمنتنى

انا رايحة تانية ..سيبك من الكلام ده الواقع حاجة تانية خااااالص مش هيبقى فيه تعامل مباشر مع الحيوان متخافيش
يابنتى الكلية حاجة تانية غير اللى الناس بتقوله ده ..انا وقت التنسيق مكنتش طايقاها ودلوقتى بحبها اووووووووووووووووووووى ..ربنا يوفقك يارب ..هتعرفى قيمة الكلية بعد كدة ..كل المجالات هتلاقيها فى الكلية :) :)

بجد ربنا يكرمك

انا والله مضايقة جداااا :(كل الناس بتقولى علشان بخاف وكده ابعدى عن الكلية دى وكمان ناس كتير قالتلى فرص الشغل للبنات صعبة اوى وكمان مجال شغلها مش كبير واخرك مندوبة ادوية عايزة اعرف الكلام ده صح ولا لأ

جزاكى الله خيرا :)

ههههههههههههه انا مبخافش فى حياتى من حاجة اد الحيوانات برده

ايه ده طب حضرتك فى طب بيطرى ازاى ؟؟

يعنى موضوع الخوف ده عادى ؟؟ :d

وعايزة اعرف هو فيه تعامل مع الكلاب ولا لأ :(

هى الدراسة ممتعة ولا ايه نظامها ؟؟

وحضرتك شايف هى افضل ولا علوم ؟؟

معلش سألت كتير

عادى فى طب بيطرى زى الناس :d
بصى اولا مفيش اصلا تعامل مع اى حيوانات فى اول 3 سنين غير جثث الحصان بس :cool:
لان اول 3 سنين بتاخدى اساسيات الطب اللى اسمها برى كلينك
بعد كدة اخر سنتين فيهم التعامل بقى بس مش بيكون كتير لان دوول الكلينكال ولازم تشوفى وتحتكى بحالات وكدة
اه طبعا فيه تعامل مع جميع الحيوانات بس بعد كدة وهتكونى اتعودتى خلاص وبعدين انتى مش بتدرسى طب وامراض مش هتفضلى عايشه مع الحاله ولا المريض طول الدراسه
والدراسه ممتعه جدا بس صعبه وتقيله

احسن من علوم مليون مره كفايه انى طبيب:)

ولا يهمك اسألى براحتك
بس انتى جايبه كام بقى ؟؟؟

اه بس انا مستحيل اعرف اتعامل ابدا مع الحيوانات وخصوصا الكلاب دى :( بس اعتقد جثث الحصان دى عادى :d

طب بعد كده مجالات الشغل بتبقى ايه ؟؟ انا سمعت مندوبة ادوية الكلام ده صح ؟؟

انا جايبة 96.3 % وللأسف مش هلحق صيدلة ولا علاج طبيعى

انتى كدة ممكن تلحقى طب بيطرى لكن صيدله صعب شويه

مفيش حاجة مستحيل هتتعودى وهتعرفى

فيه مجالات كتير جدا غير المندوبين هشرحلك كل حاجة بس لما نتيجة التنسيق تظهر ان شاء الله

انا كنت عايزة اعرف قبل التنسيق علشان لسه مترددة مش عرفة اكتبها هى الاول ولا علوم

هو انا انش اء الله هيجيلى بيطرى علشان ترتيبى 18100 وبعدين قالوا ان بيطرى هينزل مرحلة تانية

جزالك الله خيرا ...معلش تعبتك

لا ما اعتقدش انه ينزل مرحلة تانيه

وبراحتك اكتبى اللى انتى عاوزاه

و لو عوزتى تسألى عن اى حاجة تانيه انا معاكى

جزاك الله خيرا ....ربنا يكرمك ان شاء الله :)