بخصوص حاسبات و معلومات
 

السلام عليكم و رحمة الله و بركاته

انا جايب 93.2 يعنى 382 فهل هقدر ادخل حاسبات و معلومات

و يا ريت اعرف ايه هى افضل جامعة لحاسبات و معلومات عين شمس ولا قاهرة ولا حلوان مع العلم انى ساكن فى شارع الهرم يعنى بسهولة جدا اروح جامعة القاهرة

و لو محصلتش قاهرة لانها السنة اللى فاتت كانت من 384 و عين شمس كمان نفس الكلام هل التحويل بيكون سهل و بسرعة ولا ممكن استنى سنة كاملة؟

و يا ريت شرح عن طريقة التحويل لكلية مناظرة او رابط للشرح ده.

حضرتك ممكن متلحقش القاهره او عين شمس بيكونوا عالين فى ظل ان الحد الادنى زاد درجه ممكن تلحق حلوان وهيا ساعات معتمده شغاله يعنى مش وحشه والتحويل مش هتعرف تحول الا بعد سنه ومش سهل كمان لو عندك واسطه ممكن بعد سنه عشان فى النطاق الجغرافى وممكن متلحقش حلوان وتخش اقاليم وتعمل تحويل مناظر وساعتها هتظهرلك حلوان بس لانها بتكون كل سنه اقل مجموع

التحويل مش بعد سنة ولا حاجة هو بعد اسبوع حسب قواعد تقليل الاغتراب

يا باشا لو جتلك اقاليم مش هينفع تحول الا لجامعه حلوان ثانيا ممكن تجيلك القاهره يمكن تنزل والله واعلم انما تخش القاهره وهيا اعلى ديه استحاله وكمان ممكن متعرفش بعد سنه كمان تحول على حسب جامعه القاهره هتقبل ولا لأ ثانيا القاهره وحلوان زى البعض متقلقش بالعكس حلوان فيها قسم ملوش حل هندسه البرمجيات بس خاص ب 7 الاف جنيه موجود فى حلوان وبس بس مستقبله ملوش حل اصلا والساعات المعتمد ده نظام امريكى وبتكون شهادتك معتمده ونظام حلو جدا ومميزاته انك لو شايل اكتر من 3 مواد متعدش السنه وتمتحن فيهم فى حاجه اسمها سمر كورس وديه ميزه وانت سبها على ربنا ومتقلقش حلوان حلوه والقاهره حلوه ومش شايف اى فرق فى الاتنين

كلام جميل جدا لكن بالنسبة لان الاقسام الخاصة بتبدأ تخصص من اول سنة طب هل انا لو رحت أقاليم اول سنة مش هينفع ادخل الأقسام الخاصة؟؟؟

و يا ريت اعرف هل انا بمجموعى ده هضمن حتى اقاليم ولا فى احتمال كبير ان الحد الادنى يزيد عن السنة اللى فاتت؟

و يا ريت تيجيبولى طريقة التحويل للكليات المناظرة؟

يا ريت بسرعة الاجابة لان القلق هيخلص عليا خلاص:(

القسم الخاص ده من اولى وبس وفى حلوان وبس انما لو دخلت اقاليم هتحول لحلوان وبس وينفع تخش ساعتها ومفيش مشكله فى انك تخش اقاليم وتحول تحويل مناظر وهيحولك لحلوان واستحاله تخش اقاليم سنه واحده لان فيه تحويل نت وتحويل ورقى متقلقش هتحول ان شاء الله ومجموعك بأذن الله بنسبه 90 % هتلحق اقاليم وطريقه تحويل المناظر هتظهر تقريبا بعد نتيجه المرحله التانيه

يعنى الموضوع سهل و مش لازم افضل فى اقاليم سنة و ان شاء الله ادخل حلوان و ان شاء الله مجموعى هيكفى لاقاليم

شكرا جزيلا على تعبك بجد عملت الواجب معايا:078111rg3:

العفو ويا رب تتدخل الكليه بأذن الله