بوابة الثانوية العامة المصرية

بوابة الثانوية العامة المصرية (https://www.thanwya.com/vb/index.php)
-   أرشيف المنتدى (https://www.thanwya.com/vb/forumdisplay.php?f=513)
-   -   طلـب مسـاعـده .. ضـروري (https://www.thanwya.com/vb/showthread.php?t=534834)

Amr Almagic 22-07-2013 08:44 AM

طلـب مسـاعـده .. ضـروري
 
السلام عليـكم ورحمـة الله

ياجمـاعـه أنـا جبت 63% للأسف لأنـي عملت حادثة موووت قبل الأمتحانات بشهـر ومكنتش عارف حاجه في المواد بس الحمد لله علي كل شئ .. المهــم دلوقتي أنا مش عارف أدخل إيه بالمجموع الفظيـع دا ؟ .. ياريت تساعدوني بالله عليكـوا مع العلم إني عايـز أدخل خاص لأن كده كده مجموعي مش هيجيب حاجه حكومـي ، أنـا دمـاغي رايـحـه لعلـوم حاسـب لإني شبـه كويس في الكمبيوتـر فهـل في معاهـد ممكـن تاخـد من المجموع بتاعـي دا ؟ ، يـاريـت ياجمـاعـه تقفـو جمبـي أنا حاسس إني ضايع والمشكله إني متكسر ومتبهدل مش عارف أروح يمين ولا شمال ! :(

Amr Almagic 22-07-2013 09:04 AM

و هل ممكـن ألحـق أي معهـد هنـدسـه بأي فلـوس .. رجاء المساعـده

Amr Almagic 22-07-2013 06:48 PM

للـرفـع .. يا جمـاعـه بالله عليكـوا تساعدونــي :(

Amr Almagic 23-07-2013 12:36 AM

للـرفــع .. 80 مشـاهـده ومحدش عايــز يرد ؟؟؟

doniaanawbs 23-07-2013 12:46 AM

طيب انا معرفش حاجه عن الموضوه ومش هعرف اساعدك

بس لما بتزنق فى سؤال مش عرفاه بتصل بمكت التنسيق 19468 بس كلمهم الصبح

Amr Almagic 23-07-2013 08:39 PM

طبعـآ شكـرآ لردكـ .. بس هو أنـا كـده كـده مرحلـه تالتـه فهـل مكتـب التنسيـق هيقـدر يفيدني دلوقتـي ؟؟

bebo the one 23-07-2013 08:43 PM

أولا ربنا يشفيك ويعافيك .. الحمد لله على كل شيئ .. وإن شاء الله المستقبل لك يكون أفضل

سؤال بس أنت علمي علوم أم رياضة أم أدبي؟

Amr Almagic 24-07-2013 02:10 AM

شكـرآ لردكـ .. أنـا علمـي ريـاضــه :(

mmmm9 24-07-2013 02:29 AM

هو انت ممكن تروح فنون تطبيقية خاص او جامعة عمالية سنتين و تحول هندسة لو جبت تقدير حلو فب السنتين دول او فكر في حربية

Amr Almagic 24-07-2013 12:12 PM

شكـرآ لردكـ .. بس هو أنا لسـه هستني سنتين كمـان و ياعالم هدخل في الأخر هندسه ولا لأ .. وبعديـن أنا دماغي مش في الحربيـه خالص :(

مهاب احمد محمد 24-07-2013 01:02 PM

بص هندسة خاص شيلها من دماغك خالص علشان تعرف تفكر وانسي اي حاجة ليها علاقة بهندسة زي تخطيط عمراني خاص او كدة خليك تجارة وكمبيوتر بس كولو خاص طبعا

Amr Almagic 24-07-2013 02:24 PM

شكـرآ لردكـ .. أنا معاك إن هندسه خاص شبه مستحيلـه .. أنا أصلآ دلوقتي عايز أدخل علوم حاسب بس المشكله هنا إني مش عارف أدخل معهـد إيه مع العلم إن الفلوس مش مشكله بس تكون الشهاده معتمده والدراسه كويس والمعهد كويس !

Dr.Mohamed Attia 24-07-2013 02:34 PM

اقتباس:

المشاركة الأصلية كتبت بواسطة مهاب احمد محمد (المشاركة 5400557)
بص هندسة خاص شيلها من دماغك خالص علشان تعرف تفكر وانسي اي حاجة ليها علاقة بهندسة زي تخطيط عمراني خاص او كدة خليك تجارة وكمبيوتر بس كولو خاص طبعا


انت جاى هنا تعقد الناس ما براحة على الناس شويه الله يكرمك

Dr.Mohamed Attia 24-07-2013 02:35 PM

انت ممكن تلحق على فكرة كان فيه جامعة الدلتا كانت بتاخد من 63 تقريبا هندسه و ممكن تلحق حاسبات فى مكان كويس بس فلوسه هتكون عاليه شويه

Amr Almagic 24-07-2013 02:46 PM

شكـرآ لردكـ يا دكتـور .. طيب بالله عليـك لو تقدر تجبـلي معلـومـات عن جامعة الدلتـا أكـون شاكـر .. المشكلـه يا دكتـور في إنـي أدخل معهـد علـوم حاسب فين ؟ .. مش عارف أدخل معهـد إيه ومش شرط الفلوس بس الدراسه والشهاده المعتمده .. وشكرآ لأهتـمـام حضرتـك


جميع الأوقات بتوقيت GMT +2. الساعة الآن 04:20 AM.

Powered by vBulletin® Version 3.8.11
Copyright ©2000 - 2025, Jelsoft Enterprises Ltd.