عرفت اللى فيهاiiii;;;;
 

طبعا فى البدايه احب اقول انى سعيد جدا بعد ما اشتركت فى الموقع دا وبقيت واحد من اسره انا سعيد بيها جداا وبحب استمع لارءها فى كل المواضيع هنا فى المنتدى


طبعا مش انا لوحدى اللى عرفت ايه اللى فيها وطبعا اقصد امتحانات الثانويه العامه لكن اظن مصر كلها عرفت
لدرجة ان الثانويه العامه من بعد الامتحانات دى (وبصراحه اقصد الفيزياء والرياضه 2 )
اصبحت اسوا مرحله تعليميه هتمر على الواحد طول دراسته


لكن المشكله مش من السنه دى وكلنا عارفين كدا لان من زمان والثانويه العامه لها اسم مشهوره بيه وهى(كابوس البيت المصرى)
وتسمع بقى عن حاله طوارئ فى كل بيت وحتى قدام الجان تلاقى عربيات شرطه وغيرها وجهات امنيه مهتمه وكئن الطلبه دول داخلين حرب


للاسف بعبع الثنويه العامه احنا اللى خلقناه بادينا وبايدنا نصرفه يعنى كاننا حضرنا عفريت واحنا اللى لازم نصرفه


ممكن واحد يفكر ويقول يعنى نلغى الثانويه العامه وبكده نكون صرفنا العفريت

بس بصراحه اظن ان مش ده الحل خالص وبصراحه انا كمان مش لاقى حل
طيب الاقى حل ازاى والمناهج بقالها عشرين سنه متغيرتش ويقولك لجنة تطوير التعليم الثانوى وتلاقى اسماء لجنة التطوير فى اول صفحه فى الكتاب وتيجى تقارن بيه وبين اى سنه فاتت تلاقيهم واحد ممكن تلاقى حذف او اضافه لكن السؤال
هل هو ده التطوير الى ينفع علشان نطلع طلبه ثانويه عامه فاهمين مش حافظين زى ما بيقولوا


معتقدش دا بصراحه لكن نسيبنا من الكتب ونشوف طريقة التدريس
انا عاوزك تسال نفسك انت بتفهم كام فى الميه من اللى بتدرسه
طيب كام حصه عملى بتاخدها فى السنه
طيب مدرس الفصل بهتم بحصصه ولا مطنشه ولا هو اصلا مبيشرحش
طيب اظن ان فيه معامل كمبيوتر زرتها كام مره فى السنه
والمكتبه وغيرها ............. عارفين قليل قوى اللى تلاقيه ممكن يكون عمل دا كله او حتى مش موجود اصلا اللى بيعمل دا:eek:

طيب الكتب وحشه وزاكرناها ومش فاهمين حاجه من اى مدرس لانهم اصلا مش فاهمين اللى بيدرسوه او مش عارفين ازاى يدرسوه لانهم ما اتعلموش ازاى يدرسواا الماده هما اتعلموا الماده بس .....

يعنى المناهج وحشه وطريقة التدرس كذلك وكمان الا متحانات تيجى وحشه هى دى الفزوره اللى ملهاش حل .........

انا فى موضوعى معرضتش حل لكن عرضت اللى انا شايفه غلط فى نظام الثانويه ويمكن عرضى للحل هيكون بعد ردودكم لان الحل مش لازم يكون فردى فى موضوع زى ده احنا فينا اللى خلص ثانويه لسه مبقالوش يومين والحمد لله انا واحد منهم لكن اظن احنا مش عاوزين غيرنا يجربوا اللى جربناه


ايه رايك فى الثنويه العامه هنا فى مص هل هى فعلا مازالت صالحه للعمل والانتاج ولا خلاص بقت ملهاش لازمه؟


هل الثانويه العامه من وجهة نظرك هتفيدك لما هتدخل الجامعه يعنى من الناحيه العلميه او الثقافيه؟


ايه حلك لمشكلة الثانويه العامه؟



فى النهايه منتظر ردودكم وفى الاخر كلنا هنعرف ايه اللى فيهاiiiiiiiiiiiiiiiiiiiiiiiiiiiiiiiiiii::::::::::: :::??????????

ملهاش حل متتعبش نفسك

اهو قالهالك من الاخر الحكايه ملهاش حل ابدا الا بقى لما ربنا يرحمنا ويحصل اللى فى بالى
اعوا معايا و قولوا يااااااااااااااارب
فى رعايه الله

الحل ان الشعب نفسه يتغير كله عايز يدخل يااما طب ياصيدله ياهندسه ليه طيب حتي لو واحد ملهوش في الطب وبيحب الحقوق مثلا يقولك لا انا ادخل طب علشان مجموعي كبير النظام كله فاشل حكومه وشعب كمان

شكرا على مروركم على الموضوع ويمكن يكون فعلا الحل فى تغيير المنظومه زى ما تفضلتى وقلتى لكن امتى ده نا خايف لاكبر والاقيللى ابن فى ثانويه عامه يتزل ويزلنى معاه الواحد ما صدق انه خلصها ههههه شكرا على مروكم يا جماعه......