بوابة الثانوية العامة المصرية - مش عارفه انهي كليه احسن !!

بوابة الثانوية العامة المصرية (https://www.thanwya.com/vb/index.php)

- أرشيف المنتدى (https://www.thanwya.com/vb/forumdisplay.php?f=513)

- - مش عارفه انهي كليه احسن !! (https://www.thanwya.com/vb/showthread.php?t=535243)

مش عارفه انهي كليه احسن !!

السلام عليكم و رحمده الله و بركاته
يا جماعه انا جايبه 93.56 % و انا اصلا كنت علمي علوم و حولت رياضه لظروف في البيت و انا مش عايزة ادخل هندسه و لا فنون عماره و مش عارفه ادخل ايه انا عايزه ادخل فنون عام تصوير او كليه تكون لغات زي السن كده بس المشكله ان ناس كتييييير بيقولولي ان تصوير صعب يلاقو شغل و انا عايزه اشتغل ان شاء الله و لو السن انا في الاسكندريه فكنت عايزة اعرف يعني ينفع اعد في مدينه جامعيه ولا الاحسن اخد بره المدينه الجامعيه مع مجموعه من البنات اصل انا من الاسكندريه
فيا ريت حد ينصحني و انا الصراحه مش عايزة ادخل اي كليه فيها رياضه زي (هندسه و عماره و الكليات دي ) و انا عارفه ان في ناس كتير هيقولولي ليه دخلتي علمي رياضه من الاول لو انتي مش عايزة الكليات دي فهي كانت ظروف اجبرتني عليها بس الحمد لله
انا عايزة حد ينصحني علشان انا مش عارفه افكر خالص :(
اسفه طولت عليكم

السن صحبتى دخلتها السنه اللى فاتت وبتقول كويسه جداااااااااااا

وفى بردو فنون جميله فيها اقسام حلوه اوووووووووى لو حابه بس دى بيكون ليها امتحانات قدرات

انتى ممكن تدخلى حاسبات افضل كتير لان السن من علمى بتكون فوق 96 للاسف

خشى حاسبات احسن
لو تصوير وكده كلها بقيت فوتوجرافرز من غير تعليم
يعنى مش ناقصة :p

الافضل كلية الفنون تطبيقبة ثم حاسبات ثم تربية قسم انجليزى او رياضة

خشى كلية اثار وتلحقيها

يا وردة الحنين .. أنت لم تختاري علمي رياضة وتم فرض الأمر عليكي .. ودلوقتي بتسألي رأي الأخرين وزي ما قرأت كل واحد بيقترح حاجة مختلفة (كويسة من وجهة نظره هو) .. امتى هتختاري بنفسك وتكون لك شخصيتك المستقلة؟
أنا رأيي أنك تدخلي أقسام الكليات الجامعية هنا في المنتدى وتقرأي وتكوني فكرة سريعة وتختاري بنفسك .. بنفسك فقط

اقتباس:

المشاركة الأصلية كتبت بواسطة bebo the one (المشاركة 5399424)

يا وردة الحنين .. أنت لم تختاري علمي رياضة وتم فرض الأمر عليكي .. ودلوقتي بتسألي رأي الأخرين وزي ما قرأت كل واحد بيقترح حاجة مختلفة (كويسة من وجهة نظره هو) .. امتى هتختاري بنفسك وتكون لك شخصيتك المستقلة؟
أنا رأيي أنك تدخلي أقسام الكليات الجامعية هنا في المنتدى وتقرأي وتكوني فكرة سريعة وتختاري بنفسك .. بنفسك فقط

رأي سليم:078111rg3:

يا بنتى كليه الهندسه افضل من الزيطه ديه كلها واحسن وبعد كده تلاقى شغل وانتى تقولى عاوزه اشتتتغل
يبقى الهندسه مبانى كهرباء افضل اليك وبلاش زيطه

اقتباس:

د.ساره السن صحبتى دخلتها السنه اللى فاتت وبتقول كويسه جداااااااااااا

وفى بردو فنون جميله فيها اقسام حلوه اوووووووووى لو حابه بس دى بيكون ليها امتحانات قدرات

شكرا يا د ساره انا عملت الامتحان بتاع القدرات و لسه هجيب النتيجه ان شاء الله و ان شاء الله ان بفكر في السن بجد

اقتباس:

Dr.Mohamed Attia انتى ممكن تدخلى حاسبات افضل كتير لان السن من علمى بتكون فوق 96 للاسف

مش عارفه انا هستنى التنسيق بس لا مش حابه حاسبات و معلومات ما هي دي المشكله كليات كتير من علمى رياضه مش حاباها

اقتباس:

MR.007 خشى حاسبات احسن
لو تصوير وكده كلها بقيت فوتوجرافرز من غير تعليم
يعنى مش ناقصة

ما هو علشان كده انا متردده في موضوع التصوير و اكتر علشان الشغل مع اني حابه التخصص ده

اقتباس:

الجندى55555 الافضل كلية الفنون تطبيقبة ثم حاسبات ثم تربية قسم انجليزى او رياضة

شكرا ليك على الاقتراحات بس تربيه دي تقدر تقول (سمي و موتي ) :d

اقتباس:

eng ahmed nassar خشى كلية اثار وتلحقيها

هههههههههههه اثار يا بشمهندس احمد انا كنت علمى علوووم يعني صعبه اوي بس شكرا على مساعدتك ^_^

اقتباس:

bebo the one يا وردة الحنين .. أنت لم تختاري علمي رياضة وتم فرض الأمر عليكي .. ودلوقتي بتسألي رأي الأخرين وزي ما قرأت كل واحد بيقترح حاجة مختلفة (كويسة من وجهة نظره هو) .. امتى هتختاري بنفسك وتكون لك شخصيتك المستقلة؟
أنا رأيي أنك تدخلي أقسام الكليات الجامعية هنا في المنتدى وتقرأي وتكوني فكرة سريعة وتختاري بنفسك .. بنفسك فقط

على فكره انا فكرت كتيير اوي كده و انت عندك حق و دي حاجه مدايقاني اوي اوي و علشان كده انا التصوير و الالسن دول حاجات بحبها بس في البيت رافضينها و انا مش هسيبهم يتحكمو فيا اكتر من كده و كمان كل ما اسئل حد من عائلتي يقولولي هندسه هندسه او فنون جميله عماره فمش لاقيه حد ينصحني منهم فقلت اسئل هنا عن الاحسن من الكليات دي ممكن حد ينصحني بموضوعيه و انا بعمل الي حضرتك قلت عليه بدور على الكليات و بحاول اعرف عنهم اكتر ...... و شكرا جدا على كلامك و ان شاء الله هعمل بنصيحتك

اقتباس:

yassena يا بنتى كليه الهندسه افضل من الزيطه ديه كلها واحسن وبعد كده تلاقى شغل وانتى تقولى عاوزه اشتتتغل
يبقى الهندسه مبانى كهرباء افضل اليك وبلاش زيطه

ما هي كليه هندسه دي هي الي عاملالي مشكله من الاول :d مش بحب الكليه دي خالص
و كمان ايه الفايده لما ادخلها و افشل فيها ؟؟!!!
بس شكرا على نصيحتك :)

شكرا ياجماعه على كل النصايح الي قدمتوهالي و اسفه على الازعاج و ان شاء الله هحاول اعمل بنصايحكم على قد ما اقدر :078111rg3:;)

اعملى اختبابر قدرات وادخلى فنون عمارة
او مجموعك هيجيب حاسبات لو انتى عايزه حاسبات
مجموعك كويس ما شاء الله

اقتباس:

المشاركة الأصلية كتبت بواسطة MR.007 (المشاركة 5399012)

خشى حاسبات احسن
لو تصوير وكده كلها بقيت فوتوجرافرز من غير تعليم
يعنى مش ناقصة :p

انا عايزة اصلح معلومة بس هو تصوير في فنون جميلة مش تصوير فوتوغرافي هو تصوير زيتي اي عمل لوحات زيتية او تصوير جداري جداريات يعني اللي بتكون موجودة في الشارع:blush:

انا عارفه موضوع التصوير ده انا كان قصدي على الشغل بس مش اكتر

انا عملت القدرات بتاع الفنون و العماره و الحمد لله جبت لائق في الاتنين
بس حاسبات صعبه انا مش بحب شغل الكمبيوتر
شكرا :)