ممكن حد يرتبلي الكليات دي من حيث الافضل
 

حد يرتبلي كليات الهندسة دي من حيث الافضل

هندسة القاهرة-هندسة اسكندرية-هندسة عين شمس

عشان ارتبهم فى الرغبات "لاننى عايز ارتب من الافضل للأسوء":stickjo4:

بص هو مفيش حد يقدر يرتبهملك من الافضل للاسوأ لسبب ان ال 3 كليات دول هما ال 3 كليات اللى معترف بيهم برا بالنسبه لكل الهندسات فاكيد ال3 دول احسن هندسات فترتيبهم بالنسبه لاى حد حيبقى صعب لان محدش حيعرف مميزات وعيوب ال 3 كليات دول الا لما يكون درس فيهم
فالافضل انك تسأل واحد من كل كليه عن مميزاتها وعيوبها وأسلوب الدراسه فيها والدكاتره وكده وتحدد موقفك بناء على كلام كل واحد فيهم _ طالما انت مش محدد انت عايز انهى واحده فيهم

دى حاجه والحاجه التانيه برده متحسبهاش بمجموع الكليه اللى بتاخده مثلا القاهره بتاخد اعلى من اسكندريه تبقى احسن منها وهكذا .. أكيد ده غلط لان المجموع ده بيتحدد حسب العدد اللى عايزاه الكليه وده بيختلف من كليه للتانيه

نصيحه ابعد خالص عن عين شمس .................القاهره ممتازه جدا واسكندريه برضه وف كليات تانى قمه برضه مش دول بس يعنى

بس اهم حاجه تبعد عن عين شمس

معتقدش ان ترتيب الافضل للأسوء هينفعك دلوقتى بيتهيألى التريب بقى حسب الموقع الجغرافى

فاهمك يا كبير
ماهو لو مجاليش حاجة من اللى انا عاملها فى الجغرافي دا هيجيلي كلية من اللى بعدهم وانا حاطط التلاتة دول

من وجهة نظري
هندسة القاهرة
هندسة عين شمس
هندسة الاسكندرية

ليه هندسة عين شمس احلى من اسكندرية :slap1qk6:

من ناحية الصعوبة و الاقوى عين شمس
الامتع ف الدراسة الاسكندرية
الصيت الاكبر القاهرة

بشهادة اللي اتخرجوا من التلاتة ( قرايبي )

عين شمس ان شاء الله ^_^

والله لو انت جالك محافظة تانية و قاعد فى الاسكندية يبقى مبروك عليك هندسة الاسكندرية يا بشمهندس :) لكن لو انت فى القاهرة زى حالاتى التحويل الجغرافى 95% بيوديك هندسة المطرية ولا القاهرة ولا عين شمس و دة مش كلامى دة كلام ناس اعرفها حولت السنة الى فااتت و ساكنين جنب هندسة عين شمس و ودوهم مطرية بردوة و مينفعش تحول على عين شمس او القاهرة الا نظام ال credit hour بالتوفيق يا باشا

ايه ال credit hour

دة قسم جديد فى هندسة القاهرة و عين شمس الدراسة فية بفلوووس طبعا 11 الف فى السنة بس لازم عشان تدخلو تكون جايب الحد الادنى للهندسة فى السنة بتاعتك المبنى بتاعو جديد و نضيف طبعا و العدد فية اقل و الدراسة كلها english فية ناس بتفضلو عن العادى بس انا من رائى لو جالك فرصة تخش العادى لية تكلف اهلك مبالغ اضافية و ربنا يكرمنا كلنا بالى فية الخير

ليه يا كبير هو احنا داخلين جامعة خاصة :d

هوا ميعتبرش خاص اوى اسمك بردوة فى هندسة عين شمس او القاهرة اهو اى حاجة بيلموا فلوس بيها :)

لا يا كبير خلينا فى العادي بلا credit hour بلا بتنجان :d

هندسة المنصورة :d