آستفسـار بخصوص تجارة - قسم اقتصاد
 

انك تدرسي وتاخدي معلومات تفيدك لمستقبلك دي حاجة حلوة مافيهاش كلام

بس انك تتخرجي وتلاقي شغل للى انتى درستيه دا هيا دي اللى فيها الكلام

ادارة اعمال محتاجة كورسات بالعبيط عشان تلاقيله شغل (محترم)

اقتصاد انا في رأيي المتواضع مجرد اسم .. هوا هاتدرسي اه دراسة كويسة ولذيذة وهاتحبيها لو دماغك بتحب الاقتصاد زيي كدا بس اخرها ايه ؟!! ولا حاجة .. تخصص اقتصاد في كلية تجارة حاجة .. وشعبة اقتصاد في كلية اقتصاد وعلوم سياسية حاجة تانية خالص

عشان كدا تلاقي كتير اوي من الناس بتخش محاسبة .. بالرغم من ان عدد خريجين المحاسبة بيبقوا كتير جدا بس سبحان الله تلاقي الرزق موجود وبيشتغلوا

طيب معلش من فضلك أنا نازلي ف التنسيق الدراسة في كلية الدراسات الاقتصادية والعلوم السياسية جامعة بني سويف ودي كلية جديدة انما هاياخدو نفس مناهج ج القاهرة والدكاترة كمان من هناك .. أنا بافكر ادخل شعبة الاقتصاد انجلش والتخصص من تاني سنة. أنت ايه رأيك هل ليها مستقبل ولا هايبدوا تجلرة انجلش عليا .. ولا أفضل ادخل حاسبات؟

سؤالك في كذا اتجاه ومش عارف اجاوب على ايه بالظبط .. حدد انت محتاج ايه بالظبط وانا اقولك

طيب بشكل أكثر تحديدا : ايهما أفضل في المستقبل: شعبة اقتصاد انجلش في كلية دراسات اقتصادية ج بني سويف (علما ان دي هاتكون اول دفعة لكن بنفس مناهج اقتصاد القاهرة) - ولا - مستقبل تجارة انجلش في أي جامعة.

نفس الوضع تقريـباً .. انا معايا ناس في الشغل خريجة اقتصاد القاهرة وشغاله نفس الشغل اللى انا بشتغله

تمام .. اشكرك جدا.