انا جايب 92.56 ضرورى استفسار
 

ياجماعه انا جايب 92.56 وانا بحب البرمجه ولغات الجافا جدا

هل فى امل الحق حاسبات ياريت تطمنونى وكل الناس تشارك عشان

انا بجد تعبت من التفكير

ياجماعه انتوا فين عاوز اجابه ضرورى بقى كلوا يشارك

نفسى اسأل مره وتردوا على طول عشان خاطرى :)

طيب ده تنسيق حاسبات السنة اللى فاتت كل كلياتها على مستوى الجمهورية من موقع الحكومة الرسمى - مع العلم ان تنسيق السنة اللى فاتت كان عالى جداااااا والمجاميع كانت عالية جداااا - بعكس السنة دى اللى من المُتوقع فيها ان التنسيق هينزل ع الأقل 1 % عن السنة اللى فاتت ::

بنها 385.5 بنسبة 94 %

الفيوم 385 بنسبة 93.9 %

المنصورة 384.5 بنسبة 93.8 %

عين شمس والقاهرة 384 بنسبة 93.7

المنوفية 383.5 بنسبة 93.5 %

الزقازيق 383 بنسبة 93.4 %

حلوان والمنيا واسيوط 382.5 بنسبة 93.3 %

بنى سويف والاسماعيلية 381.5 بنسبة 93 %

يعنى لو انت من القاهرة ممكن ان شاء الله تلحق لوالتنسيق نزل ولو ملحقتش حتا القاهرة ممكن تدخل أقاليم وبعد كده تحول عادى ,, ربنا يوفقك

انتى تتوقعى كده ياياسمين اصل توقعات الجرايد ان شعبة الرياضه التنسيق فيها مش هينزل يمكن يعلى وده اللى قالقنى وفى نفس الوقت مستغربه

هتدخل حاسبات بإذن الله.

لإن الحد الأدني لحاسبات هيكون من 92% إلي 92.5% يعني هتدخل بالظبط.

بس أتوقع ممكن تدخل بني سويف أو الإسماعيلية.

نصيحتي ليك حاول تحول عين شمس ، فهي أقوي كلية حاسبات ومعلومات في مصر.

وكذلك إبدأ من دلوقتي c وبعدين إدخل علي c++

ان شاء الله هتلحق
بس ادعى ربنا

ياجماعه ردوا عليا ضروى بعد تنسيق الهندسه مقل نص درجه بس تفتكروا هلحق ولا اييه طمنوى ياريت

ياجماعه كل اللى شايف البوست ياريت يشارك بخبرته عاوز اطمن

[b]جريدة الجمهورية غدأ 28/7/2013[/b]
بعد رفض عمداء الأسنان زيادة الأعداد : تأجيل نتيجة التنسيق للغد
أماكن خالية بالصيدلة والعلاج الطبيعي والهندسة والإعلام والاقتصاد والألسن
كلاكيت آخر مرة:403 للطب والقاهرة وعين شمس في المؤخرة
كتب مجدي طنطاوي:
قرر الدكتور أحمد فرحات رئيس قطاع التعليم العالي تأجيل إعلان نتيجة المرحلة الأولي لتنسيق الطلاب الناجحين في الثانوية العامة حتي غد الاثنين بسبب رفض كليات طب الفم والأسنان زيادة الأعداد عن ألفي طالب وطالبة للحد من ارتفاع المجاميع.
كانت اللجنة العليا للتنسيق قد عقدت أمس اجتماعاً مع عمداء هذه الكليات لبحث أسباب رفضهم لزيادة الأعداد والبحث عن حلول لتذليل العقبات أمام هذه الكليات سواء من ناحية المدرجات أو المعامل أو أعضاء هيئات التدريس.
تؤكد المؤشرات الصادرة عن مركز تسجيل رغبات الطلاب أنه لأول مرة في تنسيق الثانوية العامة تتبقي أماكن خالية أمام المرحلة الثانية للتنسيق بكليات الصيدلة والعلاج الطبيعي كما يتبقي نحو "331" مكاناً خالياً بالهندسة وأماكن كثيرة لكلية التخطيط العمراني بالاضافة لكليات الحاسبات والمعلومات والإعلام والاقتصاد والعلوم السياسية والألسن للشعبة العلمية "رياضة وعلوم" حسب التخصص.
وبهذا يتأكد الحد الأدني للطب سوف يقف عند 403 درجات وغالباً ما تكون طب القاهرة وعين شمس في المؤخرة بسبب عدد الأعداد التي تستوعبها هذه الكليات بينما تسجل كليات الاقتصاد والإعلام والألسن حداً أدني للمرحلة الأولي أمام طلاب الشعبة الأدبية.
أكد سيد عطا وكيل وزارة التعليم العالي لشئون التنسيق بدء تسجيل رغبات الطلاب للمرحلة الثانية من الثانوية العامة من الأربعاء وحتي الأحد القادم وذلك عبر موقع التنسيق الإلكتروني حيث يتم فتح معامل الحاسب بالجامعات ومكتب التنسيق الرئيسي وفروعه وذلك من التاسعة صباحاً وحتي الرابعة عصراً علي أن يظل الموقع مفتوحاً علي مدي 24 ساعة للطلاب الراغبين في تسجيل وتعديل رغباتهم طوال أيام المرحلة وذلك من خلال الحاسبات الآلية الخاصة المتصلة بشبكة الإنترنت.

تعتقد الكلام ده صح يااحمد !!!!!!

لالالالالا سيبك من كلام الجراااايد خالص , انا اليومين اللى فاتو ركزتلو اكتشفت انه كلام فارغ وتوقعات ملهاش اساس عشان يجذبوا القراء للموقع مش اكتر اللى يقولك الحد الادنى هيرتفع واللى يقول الحد الادنى هيثبت ,, مثال :
جريدة الوطن كاتية مثلا توقعات للتنسيق قايلة فيها ان كلية الألسن هتاخد من 95 % مع ان السنة اللى فاتت واخدة من 92 % , والخبر ده موجود هنا ف القسم على فكرة فى واحد حاطه
كلام فاضى
من الاخر الواحد مياخدش اى كلام تقراه ف الجرايد كلام معتمد اللى ما يكون قايله الوزير او المجلس الأعلى للتنسيق , يعنى كلام رسمى ,, غير كده يبقا كلام على ورق ,,

غريبة اوووى دى . مع ان كليات القمة دى تقريبا بتخلص كلها ف المرحلة الاولى

اقولكم ع حاجة ,, بكرا نعرف اخر كلام عشان نتيجة المرحلة الاولى بكرا بدل اللعب الإعصاب ده

ياجماعه كلواا يشارك الموضوع مشاهدته تعدت ال 200 ومفيش مشاركات كتير كلوا يشارك برأيه ياريت