سؤال مهم جدا .. ومحتاج ردود بسرعة
 

بص انصحك انا بئا انك تحول من علم نفس وتاخد اقتصاد واحصاء لانى انا مقفل معظم المواد
وجايب فيه 36 وبيحصل فضايح فى التصحيح

انا مفيش اي مشكلة مع الرياضة بس المشكلة اني معرفش ازاكر احياء .. فاهمني ؟ ...بس انا نفسي اكمل علوم ......... و شكرا على رأيك و بالمناسبة انت جايب كام ؟

أولا: بص الأختيار بين رياضه وأحياء بيتوقف على اللى هيدرسهه\م ! لو أنت شايف نفسك جامد فى الرياضه, وأقصد جامد جامد يعنى خد رياضه وان شاء الله متقلقش منها لأنك لو غلط مثلا فى الناتج بتاخد درجات على الحل وأهم حاجه فيها الحل الكتير. أما بالنسبه للأحياء فمقدرش أفيدك كتير لأنى مكنتش علمى علوم بس هيا أكيد برضه صعبه, والرياضه فروعها كتير وبرضه صعبه, مفيش حاجه أسهل من التانيه. لكن فى النهايه بتتوقف السهوله على اللى هيدرسها.

ثانيا: بالنسبه لعلم النفس والاقتصاد, أنا بفضلك أنك تختار اقتصاد و احصاء, اذا كانت بقا علمى رياضه أو علوم لأنك باين من كلامك أنك كويس فى الرياضه برضه, لأن بصراحه على عكس الكلام اللى بيقولوه الناس ان كلع بيضمن ال 50 فى علم النفس والأجتماع ده غلط لأنه مش سهل ومحتاج حفظ والدرجة بتعتمد على اللى بيصحح, ومتسمعش كلام اللى بيقولك أن أى كلامك بتكتبه فيه بيبقا صح !! ده غلط طبعا ولازم الاجابه النموذجية. لأن أكتر ماده بعد العربى منزله المجاميع السنادى هيا علم النفس والاجتماع. وفى النهايه خليك فاكر أن كل ده بيتوقف عليك أنت. فكر كويس, وربنا معاك.

شكرا على رأيك و التفاؤل دا كويس جدا ........ و هاخد ان شاء الله بنصحيتك

خد اقتصاد وواحصا لى ضمانتي انا اسمع كلامي انا مقفله ومزاكرتوش في السنه كلها غير اسبوعين وكل اصحابي مقفلينه حتى اللي غلطان فيه

ghost_lionel andres mess
بلاش علم نفس، السنادى كان مجزرة ده غير ان السنة الجاية منهج جديد و علم النفس من المواد اللى بتتذاكر طول السنة و تعطلك عن مواد تانية ،
اقتصاد و احصا مذاكرته سهلة و بيتلم بسرعة ، يعنى تقدر تعتبر انك مأجل احياء بس لو اخدت اقتصاد و احصا

رأيى الشخصى :: لو بتحب الرياضة خش رياضة ،، الرياضة محتاجة حل و مذاكرة و مش صعبة اوى زى ما الناس بتتخيل

اقرب مثال :: العبد لله كان رياضة 2 و امتحنت امتحانات السنة اللى فاتت ( مكانتش سهلة ) و جبت 49/50 مع انى مش عبقرى رياضيات و على فكرة الغلطة مش بكتير فى الرياضيات يعنى انا كنت غلطان اكتر من غلتطين او 3 و نقصت درجة واحدة بس ..

لو عايز تعرف ميولك كويس سيبك من حكاية احياء او رياضة ،، شوف نفسك بتحب كلية ايه ... ركز على الكلية اللى تحبها و حدد هدفك و بناءا عليه اختار احياء او رياضة

ربنا معاك ،، بالتوفيق

عندك حق في الموضوع بتاع الدقهلية

و أنا في وجهة نظري الأحياء بالنسبة 98.7 هتبقي كويسة

نصيحة من اخت كبيرة ليكم خد مادة ادبية اقتاد واحصاء سهلة وجميلة ومذاركتها مريحة جدا وتقدر تقفل الامتحان بسهولة مش هتتعبك مفي المذاكرة زي علم النفس وقرفه

انت معاك مادتين ولا تضمن التقفيل ولو ضمنت ممكن ماتجيبش طب بسبب التنسيق
لو مش فارقة معاك طب من اسنان من صيدلة استمر فى الاحياء
لو عايز طب بشرى فقط حتى لو قفلت متضمنش التنسيق فى الحالة دى اضمن هندسة
وربنا يوفقك

خد اقتصاد واحصا
عن تجربة