|
نصيحة لوجه الله ... إياك تكون عنيد
السلام عليكم كل عام وانتم بخير ، رمضان مبارك عليكم إن شاء الله انا كتبت الموضوع ده بدافع إنساني بحت ، عشان محدش يقع في الخطأ الشنيع اللي وقعت فيه ويدوق تجربة مريرة زي اللي انا دقتها وكان خطأها الأول والأخير : التنسيق ، وحكايتي كالآتي : السنة اللي فاتت ، أنا كنت علمي رياضة وجبت مجموع 386.5 كنت عايز أدخل هندسة ، بس الأمل أصبح ضعيف إن مكانش معدوم :o في التنسيق بقى : كتبت كل كليات هندسة في الأول إلا كلية واحدة : هندسة إلكترونيات منوف ! :mad: قلت لاهلي : دي تخصص مش عايزه ، جامعة فريدة مينفعش احول منها ، ودي آخر كلية ممكن أفكر اروحها في كليات مصر كلها :028ja7: لم أضع كلية حاسبات ومعلومات لاني مكنتش عايزها ، حطيت كلية علوم بعدها المهم النتيجة طلعت واجتلي كلية علوم القاهرة (أنا من القاهرة) قلت الحمد لله خير وبركة انا بحب كلية علوم برضه :cool: المهم شفت تنسيق الكليات فلقيت : هندسة الكترونيات منوف - 386.5 :av4056bb7jp3: :av4056bb7jp3: بعد ما أهلي عرفوا ، بدأ الشد والجذب والضغط والنفخ ، بالإضافة إلى غسيل الدماغ واسلوب الاقناع من طرف أبويا :slap1qk6: الخلاصة إني حوّلت هندسة منوف وتحويلي اتقبل :slap1qk6: تخيّلوا معايا : تصحي كل يوم الفجر ، تصلي الفجر وتجهّز حاجتك وتنزل الساعة 6 أو 6.15 بالكتير تركب القطار ، توصل الكلية بعد ساعتين ونصف من خروجك من بيتك مش بتلحق محاضرة 9 من أولها أبداً ، وأحيان كتير الباب بيتقفل ومش بتعرف تدخل تخلّص محاضراتك الساعة 3 أو 4.30 ، تروّح في قطار 5.30 (القطار الوحيد بعدها ) توصل بيتك الساعة 8 أو 7.30 على أفضل تقدير خمس ساعات يومياً في المواصلات بس ! :mad: بعد السفر ده كله لازم تستريح :rolleyes: يادوب تفتح الكمبيوتر ساعة تكون فرفرت ، تنام وتصحى لتاني يوم الفجر :cool: مكانش في مجال للمذاكرة ، مكانش في مجال لاي نشاط في الحياة أغلب الأيام مكنتش بنام كويس ، خصوصاً لو كنت مضطر انزل اجيب حاجة بعد رجوعي كانت سنة صعبة جداً ، محدش يسأل جبت تقديرات ازاي ، تقديري العام حتى الآن جيد مرتفع :) والسبب في كل اللي حصل ده : إنّي كنت عنيد فكّر كويس ، متركبش دماغك في أي هوى من أهواء نفسك ، هدفك رقم واحد قدّام عينك (قدّام كلمة عربية فصيحة) إدخل الكلية اللي بتحبها ، أو اختار أي سكة تقرّبك منها ، اسمع كلام أهلك فيما لا يتعارض بالكامل مع هدفك وربنا يوفقكم جميعاً :) |
|
فعلا العناد وحش
انا بردو كنت ملاحظة ان حضرتك مكنتش بتدخل المنتدى خاااااااااااالص السنة اللى فاتت :) ان شاء الله خير وربنا يوفقك ورمضان كريم وكل سنة وانت طيب :d |
اقتباس:
لكن الحمد لله مشلتش ولا مادة حتى الآن ، الترم التاني لسه مطلعتش نتيجة ، حاسس اني ممكن اشيل مادة كفاءة يعني :rolleyes: ربنا يستر وحضرتك بخير :) |
شكرا على النصيحة
|
جزاكمـ آلله كل خيييييييييييييييييييير
|
شكرا ع النصيحة وجزاكم الله خيرا
طب سؤال حضرتك ازاي (هندسة-علوم) ف التنسيق don't mix |
اقتباس:
ففي البداية مجاتليش هندسة وجاتلي علوم بس :) |
اقتباس:
|
اقتباس:
|
جزاك الله خيرا على النصيحة :)
|
| جميع الأوقات بتوقيت GMT +2. الساعة الآن 05:31 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.