|
أنا الحزنان
أنا الحزنان أنا المعكوك أنا المدعوك أنا اللي مش لاقيلي في الصبر لي حيلة سنيني قليلة وطويلة وغصب عني بقول حاضر همومي شايلها فوق كتفي وبستحمل وعالآخر وألاقي حبايبي يرموني بالجزمة ( كتك نيلة ) ياليل ... أنا السهران ... أنا الهيمان أنا اللي في عز نوم الكل بداري جوا قلبي الذل وأجيلك أرمي فيك أحزان ما أنا العاشق وأنا الولهان أنا الصبي .. مش أجنبي ... أنا الإنسان بكذب نفسي لو قلت أنا كرهتك معنتش عاوز أرسمك وأشوف صورتك لكن خلاص ..... دا أنا كنت برمي في الحواري حكاوي وليا مع كل دار قصة ولسه قهاوي مراسيلي فرشت بحر !! عملت منه معديّة لغيط عينك وصلت بألف سلامة وتحية لقيتك قبر !!!!!!!!!!! خلاص اسمي بعنواني بملحمتي بقوا ذكري دفنتي الحب بعيونك علي فكرة وبتقولي إن أنا ناضح ..... مقبولة منك يا نور عيني ما دمتي البدر في ألف رسالة ورسالة بلاقي حكاية متقالة وأنا ناصح يهنيكي ، يخليكي ، ويمشي الدمع من عيني ويسقيكي أتاري النبع رويان ، وفيه الحواديت تلاقي حكاية في حكاية وألف رواية يوم صابح ماهنش عليا أبكيكي .. وجيت أعتذر ليكي لقتني وحدي في همومي ، والظاهر إن انا الجارح مبقولش إني أسطورة ولا روميو ولا قيس ولا عنتر ولا اسمي علي العشاق في يوم يخطر انا بس ولد حزنان يمكن مشفش نهار ويكتب شعره عالميه وينساه وبنحت بدمه اسمك عالصخور ويجري بعيد ويهواه بحارب فيكي كل الآه وياما عشانك اتمنيت واستنيت وألف رصيف بيحكيلك ..حكاية سهدي مع ليلك وكام خطوة أنا مشتها عشان نظره في عيونك أمانة تفتحي سجونك ما أنا المسجون وأنا السجان أنا الحزنان ...! بشوفك من بعيد أفرح أحس إن قلبي من الذهول يصرخ وعاوز يكسر ضلوعي ويلحق طيف عبور عطرك ساعتها هموت وميهمش مادام شوفتك !! وأنا عارف .. لكن خاايف يجي اليوم اللي أبقي حكاية تحكيها لعشائك وأبقي بينكو أضحوكة أو نكته وتفتخري إنك حرقتي قلبي بأشواقك .. وأبقي زي حدوته علي الهامش .. صبي فيا أنا عايش ... وبعدي مهش عايش حبني مووت ....... فوق الموت ,, وحطم في الدروب حلمه وجاني اترجاني أستناه وأنا بكل فخامة وبعزة قلتله ( يحنن عليك الله ) زمانه في همه مدبوح ومجروح ويكتب فيا أشعاره وبيقولي أنا الحزنان ........... . . By Mee |
شكرا لحضرتك
وبنيات افكارك ------------------ حفظ الله مصر واهلها وبارك في شعبها الكريم -------------- |
كلمات جميله
شكرا |
كلمات جامده ورائعه بجد
سلمت وسلمت ايد حضرتك تحياتي |
كلمات رائعة بالفعل أعجبنى أسلوبك كثيرا دمت بكل الخير وفى انتظار جديدك |
اقتباس:
أشكرك لمرورك أستاذي الفاضل .. جزاك الله خيرااا |
اقتباس:
مرورك هو الأجمل أشكرك لمرورك جزاك الله خيراا |
اقتباس:
أسعدني مرور حضرتك الرائع جزاك الله خيرااااا |
اقتباس:
مرورك هو الأروع أستاذ ( فاروق ) أشكرك لمرورك في الموضوع جزاك الله خيرا |
كلمات اكثر من رائعه سلمت يداك
في انتظار جديدك |
اقتباس:
الأروع هو مرورك ... جزاك الله خيراا |
راااااااااااااااااااااااائعه بكل المقايييس بتعجبنى طريقتك البسيطه اوى فى انتظار جديدك بكل شوق فى حفظ الله |
اقتباس:
الأروع هو مرورك أستاذ سليفانو .. وما أنا الا قطرة في بحر أشعارك .. أشكرك لمرورك الذي أسعدني جزاك الله خيرا |
| جميع الأوقات بتوقيت GMT +2. الساعة الآن 09:30 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.