ممكن طالب فى الكلية يساعدنى ؟؟
 

السلام عليكم
انا ناوية ان شاء الله اقدم حاسبات و عاوزة اعرف بس .. الكلية دى حلوة ومستقبلها حلو ولا لا ؟؟
وايه هو احسن قسم فى الدراسة والشغل ؟؟
ومصاريفها قد ايه .. بالذات اللى فى جامعة عين شمس والقاهرة ؟؟
وشكررررا

ايوة طبعا كويسة ومستقبلها كويس جدا والناس شغالين خريجيها وزي الفل ,, مشكلتها بس فى عدم وجود نقابة بس محلولة ان شاء الله بمجرد انتخاب مجلس الشعب سيعرض القانون وسنضغط عالنواب عشان يوافقوا وتتعمل ان شاء الله نقابة مهندسي البرمجيات او الانضمام لنقابة المهندسين مالهاش حل تالت واحنا عددنا مش قليل احنا دلوقتي داخلين فى 50 ألف يعني لو ربعنا بس نزل وقفة قدام مجلس الشعب هيسد شارع القصر العيني ويعمل اعتصام :d

المصاريف رمزية 130 جنيه مصاريف جامعة الزقازيق ماعرفش عين شمس والقاهرة كام بس هتبقا فى الحدود دا برده ,, الكلية كلها بتتكلم عن هندسة البرمجيات ,, يعني صناعة البرامج لأي حاجة على وجه الكرة الارضية لكنها بتركز على برمجة الكمبيوتر لان دا خلاص بقا لغة العصر وكله دلوقتي بيستخدمه " الكمبيوتر يعني التابلت او اللاب او الموبايل إلخ " والشغل موجود وسوق العمل محتاج خريجين "شاطرين" والمرتبات كويسة جدا بتبدأي على 2000 دا لو مستواكي تعبان وعلى قدك انما لو شاطرة هتبدأي على 3000 وممكن اكتر وعلى حسب كل شركة ,, فيه شركات محلية ممكن تبدأي فيها على مرتب بسيط وشركات multi national دي زي فودافون وميكروسوفت الشركات العالمية يعني ودي مرتباتها بتبقى اعلى بشوية صغيرين من الشركات المحلية .

متشكرة اوى اوى اوى بجد ربنا يخليك :)
ناس كتير بيقولوا المجال ده للولاد احسن لانه اصعب بالنسبة للبنات
صحيح الكلام ده ؟؟

ههههههههه لا طبعا مين قال كدا بالعكس دا كلية حاسبات المفروض تبقا للبنات بدل هندسة لان كل شغلها ذهني بحت انما هندسة ذهني وبدني لو فيه نزول مواقع وكدا ,, فيه بنات كتير اشطر مني ويقدروا يشتغلوا احسن مني بس الميزة اللى معايا بس اننا اقدر اسافر القاهرة ليل ونهار هما لأ :)

وايه احسن قسم قى الكلية حاليا ؟؟

كله قريب من بعضه بس احسن اتنين من وجهة نظري cs=computer science و it=information technology