بوابة الثانوية العامة المصرية - التنسيق مفتحولى ومش فى شريحتى ده ايه ؟

بوابة الثانوية العامة المصرية (https://www.thanwya.com/vb/index.php)

- أرشيف المنتدى (https://www.thanwya.com/vb/forumdisplay.php?f=513)

- - التنسيق مفتحولى ومش فى شريحتى ده ايه ؟ (https://www.thanwya.com/vb/showthread.php?t=537148)

التنسيق مفتحولى ومش فى شريحتى ده ايه ؟

السلام عليكم لو سمحتوا انا علمى رياضة وحاصل على 87.44% (358.5) والمفروض شريحتى تبقى يوم الجمعة ولما فتحت موقع التنسيق انهاردة ودخلت رقم جلوسى والرقم السرى فتح عادى ! وكتبت ال48 رغبة هل فى خطر ؟ وهل المفروض اقدم تانى ؟ افيدونى لانى متوتر

شكراً

لأ عادي انت ممكن تكتبهم في أي وقت
هم بيبقوا مقسمين المجاميع علي شرائح علشان ميبقاش في ضغط علي مكاتب التنسيق للطلبة اللي بيتروح تسجل الرغبات من هناك لكن مادام انت بتعملها من البيت براحتك

اقتباس:

المشاركة الأصلية كتبت بواسطة bugmenot (المشاركة 5412780)

لاء مفيش خطر ولا حاجه
متقلقش مدام حضرتك مرحله تانيه
بتقدم في اي وقت مش مشكله

وممكن كمان في الفتره دي لو عايز تغير رغباتك
بتغيرها عادي مفيش مشكله ان شاء الله

ممكن تقولى الشرايح معلش؟

الف شكر يا جماعة على الردود وبالنسبة للشرايح فهى كالاتى :

اقتباس:

الشعب العلمية:
الثلاثاء 30 يوليو :
للحاصلين على مجموع 383 درجة لأقل من الحد الأدنى المعلن للمرحلة الأولى للشعب العلمية.
الآربعاء 31 يوليو :
للحاصلين على مجموع 374 درجة لأقل من 383درجة
الخميس 1 اغسطس :
للحاصلين على مجموع 363 درجة لأقل من 374 درجة
الجمعة 2 اغسطس :
للحاصلين على مجموع 349 درجة لأقل من 363 درجة
السبت 3 اغسطس :
للحاصلين على مجموع 327 درجة لأقل من 349 درجة

الشعبة الادبية :
الثلاثاء 30 يوليو :
للحاصلين على مجموع 321 درجة لأقل من 330 درجة
الآربعاء 31 يوليو :
للحاصلين على مجموع 312.5 درجة لأقل من 321 درجة
الخميس 1 اغسطس :
للحاصلين على مجموع 304 درجة لأقل من 312.5 درجة
الجمعة 2 اغسطس :
للحاصلين على مجموع 295 درجة لاقل من 304 درجة.
السبت 3 اغسطس :
للحاصلين على مجموع 287 درجة لأقل من 295 درجة.

اقتباس:

المشاركة الأصلية كتبت بواسطة code it (المشاركة 5412788)

ممكن تقولى الشرايح معلش؟

اتفضل حضرتك

كتب - أحمد علي:
أعلن مكتب تنسيق الجامعات الحكومية، عن فتح باب التسجيل للرغبات بالمرحلة الثانية لطلاب الثانوية العامة، غداً الثلاثاء، وذلك لمدة خمسة أيام من الساعة التاسعة صباحا وحتى الثالثة عصرا من خلال معامل التنسيق بالجامعات الحكومية وينتهى تعديل الرغبات فى السابعة مساء.
وأعلن المكتب عن الشرائح المطلوبة للمرحلة الشعبة العلمية، الشريحة الأولى للحاصلين على مجموع 383 درجة لأقل من الحد الأدنى المعلن للمرحلة الاولى، والشريحة الثانية للحاصلين على مجموع 374 درجة لأقل من 383 درجة، والشريحة الثالثة من مجموع 363 درجة لاقل من 374 درجة، الشريحة الرابعة تبدأ من 349 درجة لاقل من 363 درجة، والشريحة الخامسة للحاصلين على مجموع 327 لأقل من 349 درجة.
أما الشعبة الادبية، الشريحة الأولى للحاصلين على 312 درجة لأقل من 330 درجة، الشريحة الثانية للحاصلين على 312.5 درجة لأقل من 321 درجة، الشريحة الثالثة للحاصلين على 304 درجة لأقل من 312.5 درجة، الشريحة الرابعة للحاصلين على مجموع 295 درجة لأقل من 304 درجة، الشريحة الخامسة للحاصلين على 287 درجة لأقل من 295 درجة.

خلوا بالكم الشرائح دى بيحددوها للطلبة اللى هتقدم فى مكاتب التنسيق الحكومية علشان ما يبقاش فيه زحمة
انتم ممكن تقدموا فى البيت فى اى وقت او فى سايبر
ربنا يوفقكم وممكن كمان تغيروا الرغبات زى ما اتنم عاوزين

تماااااااااااااام ياجماعة

Done

وربنا يستر :D :D