ترتيب الكليات الاهم ..
 

مبدئيآ انا نجحت فأختبارات فنون عماره ..

مجموعى 91.5%

الكليات المهمه المتاحه فالتنسيق

حاسبات ومعلومات ..
فنون جميله ق عماره ..
ألسن ..
أعلام ..

ممكن تقولولى اكتب ايه الاول بالترتيب كدا حسب اهميه الكليه وشغلها وكدا ؟!

نفس الترتيب اللي انت حاطه انا شايف انه كويس
حاسبات ومعلومات ..
فنون جميله ق عماره ..
ألسن ..
أعلام ..

----
وحط تجارة بعديهم

مجموعك انت ضامن بيه السن بنسبه كبيره جدا لانها من ادبي واخدة 90.3 و الكليات السنادي الادبيه واخده من علمي اقل من ادبي ودي اول مره ف حظك حلو جدا
حيجلك السن ان شاء الله بنسبه كبيره بس رتب حسب مانتا عايز ممكن جدا يجليك فنون عمارة
رأي سبهم زي ما هما كدة او الاحسن تخليهم كدة لاني حاسك مايل ل فنون عمارة اكتر
فنون عمارة
حاسبات
السن
اعلام

حاسبات
فنون عماره
اعلام الاول طبعا
السن

طب حاسبات يا جماعه ملهاش نقابه لحد دلوقتى . عكس فنون عماره تبع نقايه المهندسين ..

واعلام والسن انا مش قادر اميز بينهم فالشغل والمستقبل !!

CoLD BLooDeD

اسمع مني انا هموت وادخل اعلام عشان انا حاببها جدا ومش فارق معايا مستقبلها بس انا خلاص قبلت ف السن
بعيدا عن العواطف السن مستقبلها احسن بكتير لانها بتفيدك باكتر من لغه وبتديلك فرصه تشتغل مترجم ومطلوبة في سفارات كتير دة غير انها مطلوبة في اقسام كتير من العمل في كافه المجالات
خصوصا لو تخصصت لغات غريبه هتتخطف بمعني الخطف بس طبعا انا هدخل انجليزي عشان انا بحبه
بالنسبه لاعلام زي مانت شايف كل الاعلاميين والصحفيين خريجين حقوق وتجارة وكدة ملهمش علاقه باعلام
انت لو عندك الموهبه هتفلح وكمان بسمع ان في كورسات ودبلومات صحافه بتتعمل بعد ما تتخرج دي هتنفعك
يعني تخيل لو معاك لغه من السن وموهبه في الكتابه وكورسات ودبلومات صحافه !!
ان شاء الله يجلك فنون عمارة ولو مجالكش الاحس ليك اعلام او السن وشوف انت عايز ايه وحابب ايه اكتر
وادخل الاقسام هنا اقراء برضو

تمام اوى ..

انا الحمد لله كدا فكره هندسه الشروق والعاشر بدأو يبعدوا ..

يعنى يا جماعه تفتكروا ممكن الحق مكان فى حاسبات/عماره/السن/اعلام ؟!!!

المرحله التانيه حد اقصى 94% وانا جايب 91.5%
يعنى معقول ال2.5% الى قبلى هيلحقوا ال4 كليات ويخصلوا اماكنهم خصوصا ان حاسبات 11 كليه واعلام 2 والسن 2 وعماره 2 يعنى 17 كليه

يمكن الحق حاجه فيهم ؟

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,