ماذا ستقول ...... لهؤلاء
 

السلام عليكم ورحمه الله وبركاته
على كل منا ان يتخيل أنه قابل هؤلاء الاشخاص
كل على حده ماذا سيقول لهم

بالمناسبه لك حق اختيار اى من هؤلاء للحديث معه
ارجو من يشارك فى الموضوع لا يتلفظ باى لفظ خارج

- الشيخ الشعراوى
- الامام الشهيد حسن البنا
- الرئيس انور السادات
- كابتن حسن شحاته
- أ/عمرو خالد
- الامام الشافعى
- الرئيس جمال عبد الناصر
- جورج بوش
- عمر المختار
- الملك فاروق
- أحمد زويل
- د/ سيد طنطاوى
- نوال السعداوى
- كابتن محمد ابو تريكه
- السيد حسن نصر الله
- صدام حسين
- فاروق حسنى
- د/ مصطفى محمود
- د/ يسرى الجمل

سأكتفي بحديث القلوب بيني وبين الامام الشعراوي
سأحاوره حوار القلوب المتحدة الغاية
القلوب التي شعارها:
إن كان الله معك فمن عليك؟.....
موضوع محمود العاقبة ولك منا الشكر والامتنان.....

معلش هقول لاتنين بس
اولهم صدام حسين الله يرحمك وكان عندك حق فحكمك الصارم على شعبك لانك ادرى بيهم
وليسرى الجمل حسبنا الله ونعم الوكيل انا مش بدعى عليك لكن بفوض امرى لربى فيك
وشكرا ليكى يارانيا

ماشى حلو الموضوع ده فكرته حلوه فعلا
المهم انا كان نفسى اقابل احمد زويل و اقوله (صحيح انا عارفه انك مش حترجع مصر بس بنصحك برده مترجعش)
اما الباقيين كلهم بلا استثناء حتى بوش (امال مين حيعمل دور شرير الفيلم) انهم ترس من تروس الحياه
اللى سعات بيخلوها احسن وسعات اكتر بيخلوها اوحش

معلش هنا
هو اكيد حندعيله بالرحمه لانه من موتى المسلمين
بس يعنى ايه حكمك الصارم يعنى انه استحل دماء الناس اللى يعارضه يعنى القتل
يعنى يعد يحكم فيهم فيهم 24 سنه وفى الاخر عنده حق ف التعذيب الرهيب
اللى امريكا مكنتش بترضى تخليه عندها عشان المنظمات فيفتحلها هو ابوابه
وفضايح كتير تانيه و المصيبه ان كل حاجه موثقه
اما ان هو ادرى بيهم فمتأسفه دى كلمه متنطبقش خالص
ده لو كان صدام عارف شعبه يبقى مبارك بيحبنا

فى رعايه الله

- الشيخ الشعراوى
جزاك الله خيرا فانت من افضل الشيوخ الذين كان هدفهم ان ينفعوا الغير بعلمهم ولا يبتغون شهرة ولا مال

- الامام الشهيد حسن البنا
طب ازاى انت اخو جمال البنا؟؟؟؟:confused:


- الرئيس انور السادات
مخليتش مصر اميركا ...بس كان ليك دور كبير


- كابتن حسن شحاته
اديك فرحت المصريين فى وقت كانوا مش عارفين يبتسموا فيه ..بحب اخلاصك فى شغلك

- أ/عمرو خالد
بالظبت كدة


- الامام الشافعى
جزاك الله خيرا فقد نفعت الاسلام و كنت مثالا للمسلم المعتدل

- الرئيس جمال عبد الناصر
اديك احسن من حسنى مبارك و من اللى جاى بعده

- جورج بوش
من حقك انك تتمتع بنفوذك طالما ان العرب مسلمين امرهم لله و ليس هناك من يوقفك بس عايزة اشوف هتستغل نفوذك دا ازاى امام الله تعالى

- عمر المختار
يا ريت فى زيك فى مصر


- الملك فاروق
...................
no comment
انا لو منك كنت انتحرت

- أحمد زويل
يا ريت اعرف ابقى زيك ..و احسن حاجة انك سبت مصر

- د/ سيد طنطاوى
يا استاذ ياللى كنت مفتى الجمهورية ..خاف من ربنا قبل ما تخاف من حسنى مبارك

- نوال السعداوى
العيب مش عليكى..العيب على كل مسلم شافك و سابك تعيشى

- كابتن محمد ابو تريكه
فى نظرى ..انت اللاعب الوحيد اللى بيتمتع بخلق عشان كدة ربنا بيوفقك و دايما بتيجى معاك حظ..علك تكون قدوة للباقى

- صدام حسين
رغم حسن نيتك فهموك غلط لارتكابك بعض الاخطاء
بس مكنتش تستاهل كل دا
و كل الزعماء العرب اللى قعدوا يتفرجوا عليك اخرتهم زيك


- فاروق حسنى
اديك بردو كنت احسن من يسرى الجمل...


- د/ مصطفى محمود
انت بجد عالم
و يبتلى الله المؤمنين
اللى انت فيه دا عشان ربنا يغفرلك
كان نفسى أوى اقابلك ..و نفسى ابقى زيك

- د/ يسرى الجمل
ربنا يخليك لمصر
هو انا هقوللك ايه ولا ايه
بس مفيش احسن من كدا
ما هو جمال مبارك اختارك عشان انت مغفل
اعمل اللى انت عايزه و سيبنا نولع
تفرق ايه عن اى حد تانى فى مصر


ميرسى ع الموضوع ..عايزة اقوللك ان دا من اجمل المواضيع اللى رديت عليها:)

[[/COLOR]بس ايه ده ياميس رانيا مافيش الكلمة اللى اوجهها لحضرتك
بس هوجهها برده:)

بجد يا ميس رانيا مواضيع حضرتك تحفة
ربنا يكرم حضرتك يارب

انا ممتن جدا للموضوع الرائع وانا اختار جمال عبد الناصر وانور السادات اللى كانوا نعم الحكام وكانوا مديين البلد حقهالله يرحمهم

انا ممتن جدا للموضوع الرائع وانا اختار جمال عبد الناصر وانور السادات اللى كانوا نعم الحكام وكانوا مديين البلد حقها الله يرحمهم

اخث شكلى وحش خالص
فى حد ميرعفش الناس دول:mad:
انا عرفاهم طبعا
بس السن بقى نسيتهم:D
اول ماتقولوا مين دول هفتكرهم على طوووووول
انا ممكن اكون عرفاهم شكلا

طب الاولانى دة وزير الثقافة مش كدة

شكرا علي الموضوع
موضوع مميز مش اي حد يعرف يعمل موضوع زي ده
وده شئ معروف عن حضرتك ميس رانيا

جزاك الله خيرا
ومشكو رعلى المشاركه الطيبه