صيدلة أسيوط
 

بسم الله الرحمن الرحيم

أولا أحب أهنئكم بحصولكم على المجموع العالى ودخولكم كلية الصيدلة وأيضا باقتراب عيد الفطر.

أنا هاقولكم مواد إعدادى صيدلة جامعة أسيوط
الترم الأول 5 مواد ( نبات - حيوان - كيمياء فيزيائية وغير عضوية - رياضة - لغة)
المواد الأساسية هم التلاتة الأولانيين

النبات (250 درجات مقسمة كالاتى 75 عملى 25 اعمال سنة و150 فينل)
يشمل 5 فروع
1- المورفولوجى وده فرع سهل خالص بيتكلم معلومات بدائية عن الساق والأوراق والجذور.
2-الأناتومى فرع لذيذ وعايز حضور محاضرات
3- التاكسونومى فرع غلس كلة حفظ
بس الدكتور بينزل مذكرة أسئلة 100 سؤال مهمه بيجى منها الأمتحانفى ال3 فروع دول
4- الفسيولوجى وده بيتكلم على الأنزيمات ودورة كريبس والجهاز التنفسى (كلام أخدناه فى ثانوى بس على توسع)
5- الفطريات فرع انا عن نفسى مفتحتوش لأنه صعب جدا وفيه كلام لاتينى غبى قوى .

الحيوان(150 درجات 45 عملى 15 اعمال سنة 90 فينل)
ودى مادة الأمتياز فيها سهل خالص فرعين بس
Taxonomy -------- Cytology
علم الخلية علم التصنيف

الكيمياء(250 درجات 75 عملى 25 اعمال سنة 150 فينل )
3 فروع فرع غير عضوى للدكتور احمد حسن سهل خالص وكلام اخدناه فى ثانوى فى الفيزياء
الفرع التانى للدكتور ربيع اثباتات قوانين الحركة عايز مذاكرة كويس
الفرع الثالث الكيمياء الفيزيائية وده عايز حضور محاضرات علشان تقدر تفهمه.

الرياضه(50 درجات )
مادة إضافية ودى ممكن تاخد فيها كورس 4 حصص عند استاذ ثانوى اسمة (بهاء تامر) هيظبط المادة دى خالص
اللغة(50 درجات )
سهلة جدا مذاكرة ليلة امتحان بس

اة نسيت اقولكم ..سكاشن العملى لمادة النبات والحيوان والكيمياء فى معامل كلية العلوم
ومحاضرات النظرى لكل المواد بمجمع مدرجات طب وصيدلة

الترم التانى 5 مواد اسهل من الترم الأول بكتير
الكيمياء العضوية تعتبر أغلس ماده علشان بتعتمد على الفهم وعايزة مذاكرة وحل بأستمرار

الفيزياء فرعين الأمتحان بيجى سهل جدا والماده سهلة

التشريح والهستولوجى فرعين من كلية الطب وعايزين حفظ رسومات كويس

تاريخ الصيدلة أول مادة تدرسها من الكلية نفسها وهى حلوة فى مذاكرتها

علم النفس ماده سهلة وإضافية .


اى حد عندة اى استفسار بخصوص صيدلة اسيوط ان شاء الله هجاوب عليكم ...
تقبلوا تحياتى وبالتوفيق للجميع ان شاء الله .

طيب وبالنسبة للحاجز اللغوى اللى بيواجه جميع الطلاب ممكن تفيدنا بمعلوماتك ازاى تقدر تكسر هذا الحاجز ؟؟؟؟؟؟؟ ومدى الصعوبة اللى بتلاقيها فى الدراسة

المشكلة مش مشكلة حاجز لغوى المشكلة عادة فى الكليات العملية وكلية صيدلة خصوصا بتكون مشكلة مصطلحات علمية مش مشكلة لغة ابدا لان معظم المصطلحات دى لاتينية مش انجليزية والطالب بالتاكيد فى اول سنة بيواجه صعوبات وبيلجا للقاموس العلمى كتير جدا فى اول سنة لكن مع مرور السنين المصطلحات دى بتتكرر والطالب يبدا فى الاستغناء تدريجيا عن القاموس والمشكلة كمية المصطلحات والاسماء العلمية الكتير وتغير ريتم الدراسة
نفسة

سؤال عاجل
 

السلام عليكم د.خالد
انا طالبة شهاده معادلة من الامارات و مجموعي 99
..
دخلت على موقع جامعة اسيوط .. كلية صيدلة..
و لقيت فيها اقسام كتير انا مش فاهماها :
الكيمياء الطبية
الكيمياء العضوية الصيدلية
الكيمياء التحليلية الصيدلية
الصيدلة الصناعية

ايه الفرق بينهم و ايه مجال العمل في التخصصات ديه بعدين ؟؟

و شكراا ...

وعليكم السلااااام
اولا مبرووووك ع المجموع العالى
وبعدين صيدلة فى الخمس سنيين دراسة مفيش فيهم تخصص
كل الطلبة بتدرس فى كل الاقسام مش بيتخصصوا فى قسم معين
يعنى بيدرسوا من قسم الكيمياء العضوية الصيدلية مادة العضوية فى سنة اولى وثانية
وبيدرسوا من قسم الكيمياء التحليلية مادة التحليلية فى سنة اولى وتانية
وبيدرسوا من قسم الطبيةمادة الطبية فى تالتة
ومن قسم الصيدلة الصناعية فى سنة رابعة
وهاكذا باقى الاقسام
التخصص بقى ممكن بعد التخرج ودة نادرا ما بيحصل او فى حالة تحضير دراسات عليا او بقيتى معيدة بتتخصصى فى قسم معين من دول

طيب
انا ان شاء الله صيدلة اسيوط
حضرتك تنصحنا نعمل ايه بأى ؟؟

الصيدله جميله