ارجو الافادة
 

أولا الحمد لله أنا لحقت حاسبات الاسماعيلية جامعة قناة السويس بعد ماكنت فقدت الأمل بنسبة كبيرة، وبالمناسبة أحب اشكر كل اللي ساعدني من هنا. لكن دلوقت أنا محتارة:

أفضل في الاسماعيلية علما بأن فيها 3 أقسام وهم: Cs, IS, علوم أساسية

ولا اقلل اغتراب لحاسبات أسيوط وفيها 4 أقسام: CS, IT, Multimedia, IS

أنا عايزة اروح الأفضل فيهم من حيث التعليم.

حاسبات الاسماعيلية افضل طبعا

طيب معلش ممكن تقولي كونت رأيك بناء علي ايه. حتي الآن المعظم نصح بأسيوط وانها كلية صعبة وجامعة اسمها قوي، علما انها من ال 4 كليات اللي ممكن التحويل منها لعين شمس.

كفاية ان اسماعيلية جنب معهد الiti الجديد الخاص بوزارة الاتصالات وجنب القاهرة عشان اي كورسات هتحتاجها هلاقيها كلها فى القاهرة ونصيحة مني إبعد عن الصعيد

اصلا اللى فى كليات الصعيد نفسهم ييجوا عندنا :)

والله للأمانة أنا سمعت كل خير عن حاسبات أسيوط من ناس من حاسبات هناك وشكروا في الدكاترة والمعيدين لأن جامعة أسيوط الأقوي في الصعيد كله. انما الاسماعيلية ناس تقول كويسة وناس تقول علي قدها او مش مجهزة كويس. بس هناك في اكاديمية سيسكو و اوراكل والمعهد اللي حضرتك قلت عليه. الواحد بجد احتار.

طيب هو حضرتك زرت الكلية في الاسماعيلية او حد مقرب تعرفه من هناك. أنا باثق في رأيك جدا.

ترتيب كليات الحاسبات فى مصر
1-عين شمس
2-القاهرة
3-المنصورة
4-حلوان
5-الاسماعيلية-الزقازيق
ايوة اعرف ناس هناك بيقولوا كويسة ,, اصل اللى بيتكلموا عن حاسبات اسماعيلية بيقارنوها بالقاهرة وعين شمس يعني المقارنة نسبيا طبيعي يقولوا مش كويسة