|
اعتذار ووداع لجميع اعضاء المنتدى
لقد قمت بكتابة هذا الموضوع لاعتذر فيه عما حدث بالامس لجميع الاعضاء والمشرفين من ردود على حد تعبيركم (غير محترمة) واسلوب (مستفز للغاية) وايضا ب(قلة الذوق) امبارح اخواتى هنا على المنتدى نصحونى انى اقوم من على النت فى هذة الحالة التى كنت بها والتى ادت الى ذلك الاسلوب الذى تحدثت به اعتذر لكل من الاستاذ صوت الحق واقول له انى لا استطيع ان انكر فضل حضرتك على حينما اقنعتنى بان اظل مشاركا فى الغرفة الصوتية التى انجدتنى فى وقت هام جدا على يد كل من الاساتذة التاليين الاستاذ الدكتور هشام هيبه فى مادة الاحياء الاستاذ رجب سعد محمود فى مادة الاقتصاد الاستاذ محمد سعيد عطية فى مادة الفيزياء الاستاذ على حسنين فى مادة الاحصاء فجزاكم الله عنا خير الجزاء واثابكم الجنة فهى دار السعداء اعتذر للاخ جينيرال واحب ان اوضح له شىء انا لا اقلد اى عضو هنا بالمنتدى او بغيره فى المنتديات عندما قمت بنقل توقيع الاخ جايد لتوقيعى ليس لاقلده فمن الممكن لى ان اصنع توقيع يشبه الى حد كبير ولكنه جاء مع نفس استغرابى فاستاذنته ووضعته فى توقيعى ولم يكن لى من الحق بالفعل وانا اعترف بذلك انا اضعه فى توقيعى لان ليس من اختصاصتى (كعضو) ان اتدخل واقول لم هذا المشرف او ذاك فانت اخ اعتز بمعرفته ووجدك فى مكان كنت موجود فيه شرفنى كثيرا وضربت لى مثلا فى احترام الاخرين وتقديرهم واهنأ المشرفين الجدد على اشرافهم الادارى واعتذر للاخ احمد رضا واقول له قلت لك كثيرا كم من الاحترام احترمه لك وكم من التقدير اكنه لك بعد معرفتى البسيطة بك وكم احترم رأيك فى الاخرين وخاصة عندما قلت (فى بعض الردود المحترمة فقط) وانا اعترف بذلك ان ما شاركت فيه فى المنتدى من اكثر من 1900 مشاركة لم يكن منها بالمحترم الا القليل ولم اكن ارضى عنها لعدم رضى غيرى عنها بالفعل كان يجب على الالتزام بما عاهدت عليه من الرقى بالاقسام التعليمية وبمساعدة الطلبة الى اقصى درجة ممكنة والكل يشهد بذلك وخاصة قسمى الفيزياء والاحياء واحب الا انسى اعتذارى للعضوة (همس المشاعر) واقول لها انا لا اركز دائما فان كان الذى يكلمنى بنت او ولد فحين قلت اخى او اختى لم اكن فعلا اركز فى ذلك لما ذكرت سابقا من حالتى بالامس وفعلا قمت بالخطأ الكبير ليلة امس وما كان لى هذا الحوار معكى واعترف بمخالفة (الشريعة) فى هذا الحوار وانى كشخص و فرد واحد بأى شكل من الاشكال لا امثل دينا بحذافيره ولا امة اسلامية باكملها واعتذر لكل عضو او عضوة اخطات فى حقها فلم يقل الله لنبى من الانبياء (وانك لعلى خلق عظيم) غير رسول الله صلى الله عليه وسلم محمد بن عبد الله وبعد ان تيقنت انى فعلا لا استطيع الاكمال فى المنتدى فقررت ترك المنتدى بعد ان اطمئن على نتائج اصحابى الطلاب هنا على الموقع من يوم 15\7 باذن الله والبعض سيقول انى قولت ذلك اكثر من مرة ولكنى فى كل مرة لم استطع ان ارى سؤال او طلب من احد الطلاب ولا استطيع الرد عليه فالكل يعلم عاقبة كتمان العلم واسحب طلب ترشيحى لادارة القسم العام والصوتيات والمرئيات ولكن طلبى منكم الاهتمام بالاقسام الدينية ولا انسى ان اتقدم بخالص الشكر للمشرف صاحب المجهود الكبير اخى الكبير-مصطفى فتحى-بارك الله فيه والاستاذ حسام الذى كان لى اكثر من اخ والسلام عليكم ورحمة الله وبركاته |
يه بس كده كلنا بنغلط ماينفعش حد يسيب المنتدى
يا جماعة فى ايه و الله كده ماينفع احنا كده بقينا كل يوم بنخسر اخ من اخواتنا ايه ده طبعا بما ان استاذ عصام هو اب لكل اللى فى المنتدى يعنى هو رب اسرة الثانوية و هو المسئول عننا ماينفعش يا دكتور سعيد تسيب البيت الا لما تاخد اذن من عمو عصام او بابانا فى الثانوية وع فكرة مش بهزر بجد يا جماعة انا قلتها قبل كده احسن حاجة فى المنتدى روح الاسرة اللى فيه بلاش نفقدها و احنا كلنا اخوات يا دكتور سعيد مافيش حد فينا يزعل من التانى |
السلام عليكم ورحمة الله وبركاته
اولا انا مش عارف ايه اللي حصل ليلة امس ولكن مهما حصل لا يستدعي الموضوع كل هذا يا سعيد انا من اكتر الناس معرفة بك في هذا المنتدى الرائع واعرف انك انسان محترم لقلما تجده وردودك كلها محترمه وعموما انا مش عايز اي حد عضو في منتدانا الجميل يزعل منك لانك فعلا احلى وافضل صديق وارجع في فكرة عدم دخولك المنتدى ده لان احنا زي ما استفدنا منهذا المنتدى العظيم يجب ان نوفي الاجر له ولجميع الطلبة من بعدينا ومش شرط تكون مشرف علشان تشارك وتفيد الاخرين بس تاكد ان مفيش حد يزعل منك لانك انت افضل صديق((( يا سعــــــــــــــــــــــــــــــــــــــــــــــــ ــــــــــيد))) |
اقتباس:
وانا لم اطلب الاشراف وانسحبت مما طلبته وممكن اكون شوية هنا مع الدكتور داخل قسم او اتنين من اقسام التعليم فقط لاغير فى امان الله |
و احنا مهما حصل مش عايزين حضرتك تمشي و كلنا مقدرين الحاله النفسية بتاعتك و مش زعلانين خلاص و اكيد مفيش حد لسة زعلان
|
والله يا دكتور سعيد انا جديده فى المنتدى بس بطلب من حضرتك ما تسيبش المنتدى واكيد كلنا بنواجه اخطاء وبعدين حضرتك اعتذرت وكلنا متمسكين بحضرتك وان شاء الله وجودك فى الكنتدى هيفيدنا كتير اوى وياريت ترجع فى قرارك ده علشان خاطر الاعضاء الى بيحترموك
|
لا يا سعيد مش معني كده انك تسيب المنتدي
احنا كلنا هنا اخوات و محدش بيزعل من اخوه و بعدين يا سعيد انت عاوز تمشي و تسيب اخواتك اللي بيحبوك لا يا سعيد مش معني كده خالص انك تسيب المنتدي مهما حصل من اي حد و في اي ظروف لو انت قادر تسيبنا احنا مش هنقدر نسيب واحد زيك اخوك في الله شريف الخضري |
يادكتور سعيد انت ماشاء اله عليك وعلى عقلك
وخسارة بجد المنتدى يخسر واحد زيك مش مهم الى حصل المهم اننا اتعلمنا منه وخلاص بجد حصل خير بس ياريت محدش فيكوا يمشى الى بيدخل بنعتبروا اخ لينا فصعب اننا نخسرة راجع نفسك تانى فى النقطة دية وان شاء الله خير |
شكرا لردودكم ولكن دة قرار نهائى ويا اخ شريف لو عوزتنى فى حاجة ايميلى موجود فى ملفى الشخصى انا فى خدمة اى طالب ان شاء الله وجزاكم الله خيرا |
يا سعيد ... إنت بجد إضافة للمنتدى .. وبجد إنت نابغة في العلم ..والأدب .. والأخلاق العليا .. كفاية مواضيعك الجميلة .. ومساعدتك لزملائك في المنتدى .. إنت أخونا .. يا سعيد .. ومهما الإخوات زعلوا .. ميصحش يسبوا بيتهم ..
أخوك / رجب سعد مدر س الاقتصاد .. |
بسم لله الرحمن الرحيم السلام عليكم ورحمه الله وبركاته يا دكتور سعيد خلاص عفا لله عما سلف وكل واحد بيجيلوا وقت وبيبقي في حاله تمام واكيد كلنا مقدرين كده وحضرتك اعتذرت واكيد الكل قبل العتذار وحضرتك اعتلافت بالخطا واعتذرت عنه وخير لخطائين التوابين فياريت ما توصلش لدرجه ن حضرتك تسيب المنتدي تقبل مروري |
طب القرار دة ممكن يتغير
دية مش اخر الدنيا مش علشان خناقة هتسيب الناس كلها بجد فكر تانى فى قرارك |
اقتباس:
ولا خناقة ولا حاجة الموضوع اصلا من زمان بس انا استحملت عشان بس الطلاب فى امان الله |
والله انا مش عارف اقولك ايه بس صدقنى الموضوع كان بسيط لكن انتوا اللى كبرتوه بعنادكم وشدكم قصاد بعض عمتا انا توقيعى مفهوش اساءة لحد مدام مبيخرجش عن حدود الادب |
]
حضرتك احد اعمدة المنتدا التى لا يجوز الاستغناء عنها واحد الشخصيات التى احبيتها فى المنتدا والتى احترمها جدآ , ولو مشيت حضرتك فنحنو خسرنا الكثير ويرايت حضرتك تبقى معانا وتكمل , وبعدين يااستاذى مفيش انسان على وجهه هذه الارض معصوم من الخطا. يريت حضرتك تفكر مره اخرى فى القرار |
| جميع الأوقات بتوقيت GMT +2. الساعة الآن 07:05 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.