|
نداء لكل من عمل بالسعودية
هذا النداء موجه لكل معلم فاضل خاض تجربة التدريس فى السعودية برجاء الافادة حول جدوى العمل هناك بالرواتب المعلنة بمتوسط (2500 - 3000) ريال يعنى الحكاية جايبة همها والواحد يقدر يحوش قرشين ولا مشاوير عالفاضى؟
ياريت معلومات عن ظروف المعيشة والتعامل مع الطلاب والادارة والدروس وكل التفاصيل الاخرى وتقييم التجربة بالسلب او الايجاب بصرف النظر عن ميزة الحج والعمرة ربنا يرزقنا جميعا بهما يارب اى حاجة تفيد بيها اخوك الغلبان وكل قارئ فى المنتدى وشكرااااااااااا |
انا لسة راجع من هناك من شهر تقريبا المبلغ قليل جدا والاسعار هناك غالية وبصراحة ملهاش لزوم الغربة والمرمطة على مبلغ زى دة
وفى الاول والاخر القرار ليك بس دى نصيحتى لك اسف على الاطالة |
اقتباس:
|
السلام عليكم
بس فين المدرسة واسمها ايه وسمعتها ايه؟ عموما::: اذا كان صافى 2500 ريال يعنى بدون السكن والاكل يبقى كويس جدا بس بشرط تكون هتقبض 12 شهر وليس 10 شهور بالنسبة للدروس غير مضمونة يمكن المدرسة تسمح لك وقد لا تسمح وفى كلا الحالتين انت بتعمل اعلانات فى الشارع وربنا بيسر الحال بالنسبة للطلبة سيئين جدا انت وفى اخر التيرم بياخدوا الامتحان ودا حال كل مدرسة خاصة فى السعودية بالتوفيق |
بص السفر قدر ممكن يخيب وممكن يصيب فى ناس بتقول اجرب واحج ولو عاجبنى الوضع افضل ماعجبنيش ارجع
|
بص من الاخر العيال وحشين جدا واهم حاجة الادارة متكونش مصرية يعنى اللى امتحنك فى مصر ميكنش مصرى لانك هتروح تلاقى خلاف اللى اتفقت عليه وعلشان تعيش كويس اقل راتب المفروض 3500 ريال غير كده ما انصحكش
|
يا اخي الفاضل الراتب 2500 كويس لو صافي بس اهم حاجة لو تخصصك ثقافي ربنا يكرمك بالدروس وبعدين اهم حاجة اتفق علي كل شئ من هنا الاقامة والتامينات والسكن وبدل السفر وكام شهر الراتب والباقي ربنا ييسره لك لان السفر فيه رزق واسع ولن تاخذ غير رزقك لان الرزق مثل القدر اما وضع الطلبة سئ جدا جدا اذا لم يكن عندك قدرة علي التحمل فلا تفكر في المال انا كان معاية مدرس تعصب وشتم طالب اصرت الادارة علي جلد المدرس لولا تدخلنا ورحمة ربنا به لجلد المدرس لابد يكون عندك صبر لان محدش هينصفك لا مصري ولا سعودي والمصري ال هيتعبك اكتر
|
أخي الحبيب / أنوي الفريضة ( الحج ) أهم شيء ثم دع الرزق للرزاق
المشكلة في السكن فقط الطعام و الشراب رخيص جدا ربنا يوفقك |
اقتباس:
|
اقتباس:
|
اقتباس:
|
اقتباس:
طب ولو الطالب غلط فى المدرس برضه يتجلد ولا ده مصرى اجير ده كلام خطير جدا |
اقتباس:
|
اخي الفاضل عن تجربتي
شوف دخلك هنا الاول لو كويس وبتوفر خليك هنا احسن انا قعدت هناك خمس سنين وضغطت علي نفسي علشان احج انا وزوجتي ووالدي ووالدتي وفي النهاية جالي الضغط والربو بسبب الطلبة هناك كل حاجة بيحملها للمدرس ويقوله انت راجل تربوي واه محاجة عندهم الطالب لانه بيدفع فلوس والمدرس بياخد وكلهم نصابين بيتفق معاك علي شيء هنا ويصورلك ان انت هتبقي في جنة وهيبقي معاك كنز وتروح هناك تصطدم بالواقع نصيحتي سافر حكومي افضل انتظر اعلانات قطر والبحرين وعمان والكويت العام القادم |
جزاكم الله خيرا على النصيحة الرائعة والمووضوع الهام والدال على الخير كفاعله
|
| جميع الأوقات بتوقيت GMT +2. الساعة الآن 07:05 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.