اي مساعدة انا في الخدمة
 

انا موجود من اجل اي مساعدة انتم عايزينها للي داخل 3 ثانوي وانا كنت علمي رياضة فلوعايزين اي حاجة قولوا

مجموعك ؟؟
و مادة الرياضيات ايه كمية الذاكرة المطلوبة ليها ؟
و جزاك الله خيرًاا :)

مجموعي 97.07% ومادة الرياضيات متقدرش تقول مذاكرة لان ملهاش حفظ اهم حاجة تحفظ القوانين كويس وتفهم وبعدين تطبق كتير وتحل احنا كنا بنحل من 100% وشوية المعاصر وفي اخر العام كتاب دليل التقويم هام جدا وجبت في الرياضة 49 من 50 ولكن مش غلطات مسال في امتحان الميكانيكا شوفت رقم غلط فنقصتى نصف درجة ونفس الحال فيالتفاضل ولكن الهندسة الفراغية لم تكن صعبة لا تصدق من يقول لك هذا انها في غاية السهولة بس انا معرفش لسة موجودة في النظام الجديد ام لا

هو منهج الميكانيكا الباقى حاليا كبير ولا صغير
وهايبقي نفس نمط الجزء اللى نزلهولنا فى تانيه ولا اصعــــــب

الميكانيكا الدروس ليها علاقة ببعض وانتوا اخذتوا جزء في ثانية فالجزء الثاني مش هيبقا صعب اوي بس حلوا كتير

طيب هسال حضرتك سؤال معلش انا من بنها وكنت علمى رياضة وملحقتش تربية رياضة بنها انا جايبة 90 بس جايبة درجة تربية رياضة السويس واسماعيلية واسكندرية بس انا مكنتش كاتباهم هل ينفع اقدم فى جامعة منهم ةبعدين ابقى احول لبنها بعد الدراسة

شوفي طالما انتي جايبة مجموع الكلية ممكن تقدمي فيها لكن بخصوص النقل انا اللي اعرفه عنه ان في تقليل اغتراب بس لتاكدي من حكاية التحويل لاكن اللي متاكد منه طالما جايبة مجموع الكلية تقدري تقدمي فيها

انا علمى رياضة و بحب الرياضه جدا و رايحه 3 السنه الجايه و النظام الجدسد طبعا هيجننى لانى مش عرفةيعنى ايهرياضه بحته و رياضة تطبيقيه ؟؟

متقلقيش الحاجات دي مجرد مسميات الرياضة الباحتة يقصده بيها الجبر والتفاضل والتكامل والهندسة التطبيقية الميكانيكا والهنسة الفراغية انا قريت كدة بس اتاكدي للضمان

لو سمحتوا انا عايز مساعدة انا جايب مجموع صيدلة و جالي صيدلة طنطا بس كان نفسي اخش طب مش عارف اعمل اية عايز اخش خاص ولا اخش صيدلة:(

ارجو مساعدة انا جايب مجموع صيدلة و كان نفسي اخش طب اخش خاص ولا اكمل صيدلة

هذا علي حسب رغبتك انت بتميل لايه لو صيدلة ادخل ولو بتميل لطب وبتحبه يبقا ادخل خاص بس ما اعرفة ان طب خاص غالي لكن اهم حاجة انك تتفوقك لان لو انت بتحب طب وقولت الخاص غالي ودخلت صيدلة مش هتتفوق فيها فشوف انت رغبتك ايه وتاني حاجة شوف المبلغ كام اللي هتدفعه طول السبع سنين خاص وشوف هتقدر ترجعه تاني لما تتخرج ولا لا هذا راي ولكن اهم حاجة ميولك

انشاء الله بالتوفيق