طالبة مرشحة لصيدلة تحتاج لمساعدة
 

سلام عليكم ورحمة الله وبركاته

انا طالبة لسة مخلصة ثانوية عامة

وإن شاء الله هدخل صيدلة طنطا


ممكن بعد إذنكم حد يخبرني عن الفرق بين صديلة العامة والإكلينيكية

لأني بجد متحيرة جدا

جزاكم الله خير

محدش رد عليا ليه :(

الصيدلة العادى
اللى هو تطلعى تشتغلى في صيدليه سواء صيدليه ف مستشفى او برا
او في مصنع ادويه او ميديكال ريب
بتكون product oriented اكتر يعنى بتبقى مختصه اكتر بالدواء
ف الصيدله الاكلينكيه بتكونى Patient-Oriented
علاقتك اكتر بالمريض ف المستشفى
زي ف معاهد السرطان
بيكون الدواء لازم تظبطله الجرعه ع حسب التحاليل و حاجات معينه فالصيدليى هو اللى بيبقى مسؤل عن الموضوع ده
و حاجات زي كده بتبقى شغاله مع الدكتور فتظبيط الجرعه و الدوا المناسب
و برا المفروض ان بيبقى الصيدلي الاكلينكى متخصص ف مجال واحد او اتنين زي الدكاترة كده قلب او نسا او اطفال ,معرفش ف مصر كده ولا لا

اسرة ادرينالين بكلية الصيدلة جامعة طنطا
 

نتمني يا دكتوره إن شاء الله إنك تدخلي صيدلة طنطا وتنورينا وربنا يوفقك إن شاء الله فيها
....................


بصي يا دكتور بإختصار شديد بيتميز الصيدلي الإكلينيكي عن الصيدلي العادي إنه له رأي في العلاج المصروف من حيث التواصل مع الطبيب للتنبيه عن الاثار الجانبية للدواء المصروف وكمان التداخلات(interaction) وهل الجرعة المعطاة جرعة صحيحة تتلأم مع حالة المريض زي الوزن وبقيت اعضاء جسده بمعني ان الصيدلي الإكلينيكي يكمل الطبيب ومستحيل الإتنين ينفصلوا عن بعض ويكون إحدي الطرفين هو القائم بكل شئ وهو مايحدث الآن للأسف بالنسبة للطبيب اي ان الإكلينيكي يكون مع الطبيب والممرض فريق عمل علاجي متكامل يكون الصيدلي السريري في هذا الفريق هو المصدر للمعلومات الدوائية
___________________
اي استفسار يا دكتورة صفحتنا علي الفيس بوك Adrenaline Family-FPTU
هايكون التواصل اسرع :)

هو انا لو حضرت دبلومة كلينيكال بعد اما اخلص هبقى ذى خريج الكلينيكال

لا الدبلومة ضعيفة و مفهاش عملى

الدبلومة فايدتها لو انت خريج جامعة مخدش فيها مواد اكلينكيل مثلا فلازم تاخدها الاول دة غير انها هتزود معلوماتك و هتفيدك فى الصيدلية بردك

لكن الاحسن تاخد pharm D او ماجستير فى الصيدلة الاكلينكية لو عاوز تبقى زى خريج اكلينكل و احسن و منه كمان

يعنى انا طبيعى باخد بعض مواد كلينيكال فى العادى لو مدخلتش كلينيكال انا جامعة طنطا اصلا

وهو ايه الفرق بين الكلينيكال والفارم دى

تم الرد علي سؤال حضرتك يا دكتور في الموضوعات الرئيسية تحت عنوان (الفرق بين كلينيكال وفارما دي )
:)

شكرا جزيلا لكم