بوابة الثانوية العامة المصرية - ليه مشاكلنا ما بتتحلش فى التعليم

من سنين وسنين واحنا فى فى المشاكل. والمشاكل هى هى لكن انا شايف ان الجماعه اللى فى الوزارة مش مرتبطين بالواقع ومحدش منهم عنده خطة للحل وحاطط راسة فى التراب وبيغمض عينة ويعطى حلول لا تصلح . يعنى مشكلة الثانوية العامة مثلا ماده الفلسفة دى لو محدش درسها اية اللى ممكن يحصل محدش حيخش هندسة ويقدر يصمم لينا اجهزة او اختراعات . او محدش من الدكاترة حيعرف يكشف على المريض . ملهاش اى مجال تطبيقى خالص . وماده الجولوجيا دى تخصصية لية نعذب بيها الطلاب واللى حيستفيد منها الناس اللى حيشتغلوا فى مجال البحث عن البترول او فئة قليلة . ليه عاوزين نكلكع المناهج . حتى الحاسب الآلى في الصف الثالث الاعدادى يعطى ليه فاجوال بيسك دوت نت مش مناسب للمرحلة السنية . والاخ الوزير بيقول انه اجتمع مع مجموعه من طلبة العجوزة . عجوزة اية هو فية طلبة دلوقتى وهما كام واحد علشان رايهم يمشى على باقى الطلبة وفين دور المدرس اصلا