الخبر هو

كنت متواجد فى مكتب التنسيق فى احدى المديريات التابعة لوزارة التربية والتعليم مع مدير التنسيق

المهم شوفت حاجة حلوة قوى دليل ان مصر بخير

شوفت خير اللهم اجعله خير

اعلان عن طلب مدرسين جدد للتعاقد فى تخصصات مختلفة

ومش عايز اقول لكم

الناس بتقدم وهى فرحانه ان الوزارة فيها فلوس وحيشغلوا الناس

يا فرحة ماتمت خدها الغراب وطار

المديرة ميلت على وقالت لى دة سر
وهو انا كاتم اسرار الوزير

السر هو منشور بيتوزع على مكاتب تنسيق المدرسين فى المديريات بيطالب المديرية بعدم التعاقد مع مدرسين جدد والاكتفاء بالمدرسين المتعاقد معاهم

سألت طب والاعلان اللى بره دة والناس اللى بتقدم دى اية موقفها
الرد كان لاتعليق كل الورق حيروح فى الادراج والاعلان والمسابقة شغالة بس مش حناخد حد

مش عارف هم بيعملوا كدة علشان يوفروا فلوس للكدر ولا اصلا مفيش فلوس لحد خالص

بس خدوا بالكم الكلام دة سر