انا دخلت تربيه نوعيه المنصوره
 

انا دخلت تربيه نوعيه المنصوره ايه رائيكم فيها قسم حاسب الي مع اني علمي رياضه وجايب 90% لو سمحتم عايز اعرف رائيكم

انا كنت تربية نوعية المنصورة حاسب آلى خريجة 2012 هى كليه جميلة جدا على فكرا وبتشمل كل حاجة زى حاسبات بس مضاف ليها التربوى بس علشان تقدر تبقى حاجة كويسة فيها خد كورسات على حسب المجال اللى تحبه فيها وخد من بدرى متستناش يعنى لو شايف نفسك ف البرمجة او الجرافيك او الويب ديزاين اى حاجة وتصرف كتير علشان تلاقى كتير ولما تتخرج ان شاء الله تبقى تقدم فى معهد اسمه iti دا بينزل منحة كبيرة جدا وبتشتغل منها فى كبرى الشركات

ولو احتجت حاجة انا فى الخدمة

ياريت تضفني علي الفيس انا عايز اعرف منك حاجات كتير علشان ارتاح mahmoud_m199*********** علي الفيس

ممكن حضرتك تسأل هنا انا بنت ومبضفش اولاد عندى

هيه الافضل ولا التجاره واخبار الدكاتره والمواد اخبارها ايه

:)
 

هى تربيه نوعيه دى اللى فى منيه النصر ولا ميت غمر !!!

مش مهم ايه احسن فيهم انت ميولك لايه لو بتحب مجالات الكمبيوتر وحاببها يبقى نوعية لو بتحب الرياضة والمحاسبة يبقى تجارة ولو تقدر يبقى تجارة انجلش

الصراحة نوعية فيها تقديرات كويسة بس مش كل الدكاترة كويسين وانت اصلا سواء هنا او هنا مش هتستفاد كتير الا بالكورسات تاخد كورسات كويسة اينعم هتصرف كتير بس هتلاقى شغل كويس وتجارة برده تاخد فيها كورسات

*hasnaa هى فى المنصورة وليها فروع فى منية النصر وميت غمر بس المنصورة بتاخد مجموع اعلى وقسم حاسب بيتاخد من رياضة 2 بس ولو جبتى تقدير فى اولى جيد فاكثر ممكن تحولى للمنصورة

انا سامع ان اللي بيتخرج من نوعيه مجال الحاسب بيشتغل مدرس وبس مش بيشتغل حاجه تانيه ده صحيح ولا لا

دا لو انت عاوز حكومى يبقى مدرس وفى وظايف تانية بيطلبوا نوعية حاسب الى بالذات لو خاص بقا هتلاقى اى مجال تحبه وتخصص فيه وتشتغل بيه او تعملك حاجة خاصة وبتمشى جدا بس بقولك اهو متعتمدش على الكلية فى انك تتطلع منها بحاجة غير قليل هتعتمدى على الكورسات اكتر وكذلك تجارة

فيه برده معهد فنى صحى لو تحب وصلى استخارة وشوف ربنا يهديك لايه :)

كنت ناوي لكن مجموعي مش جابها لكن انا محتار بين تجاره ونوعيه وانا بحب الحاسب وبحب التجاره برده

طيب نوعية بتشتغل بيها علطول وتجارة عاوزة منك شوية مجهود علشان تقدر تشتغل وربنا يوفقك للى لك خير فيه ان شاء الله ولازم تعرف لو دخلت دا او دا يبقى اكيد كويس لانه ربنا هو اللى اختاره لك ومتكسلش شد حيلك

حضرتك خلصتي الكليه الوقتي انتي اشتغلتي ولا لسه

ايوه انا دفعة 2012 بس مقدمتش لشغل حكومى لسه .... شغالة خاص فى الجرافيك