مذاكره الانجليزى!!!!
 

بسم الله الرحمن الرحيم
هقولك كام حاجه كدا هتساعدك جامد فالانجلش ان شاء الله
اول حاجه تحفظ الكلمات قبل ماتروح الدرس مش بعد ماترجعليه!!!.....علشان المدرس لما هيشرح هيدى امثله من كلمات اليونت ايلى بيشرح فيه فتكون فاهم هو بيقول ايه
وكمان علشان لما ترجع تزاكر الجرامر وتحل الاسئله وكدا تكون خلصت اليونت خالص ماانت حافظ كلماته من الاول
وكمان لما تيجى تزاكر القصه اقرى الفصول القديمه بسرعه كدا لان فى احداث بتقع منك
وخصص يوم فالاسبوع راجع فيه الجرمر كله وزيه للقصه ويبقى ثابت
ومتنساش الwork book
وطبعا فالاول والاخر الانجلش لغه يعنى ممارسه مش نظرى
انا لسه رايحه تانيه ثانوى بس هعمل الحاجات دى باذن الله وياريت لو حد جرب كتاب senior يقول حلو ولا ايه ؟ .......

الفكرة دى فى المذاكرة للانجليزى جميلة اوى وعجبتنى وبالنسبة لكتاب senior انا جربته فى اولى وهو كتاب حلو وفى برده surprise

شكراااا على الافاده
عموما انا فعلا بعمل كده ويتنفع خالص
وانا زيك برضو داخلة تانية ثانوى

فكرة جميلة جدا أنا فى تالته ثانوى

بس مشكلتى دلوقتى فى جرامر من 4 ابتدائى لغاية 2 ثانوى لان الجرامر مترتب على بعض

فدلوقتى جزء المنهج المقرر عليا بعرف احل فيه كويس انما الجزء اللى مرتبط بالسنين اللى فاتت ممكن بغلط فيه

انا خلصت 3 ثانوي خلاص والحمد لله جبت انجليزي 24 و نصف ودخلت هندسة عين شمس واحب اقولكم نصيحة مهمة اوي في الانجليزي اهم حاجة انجليزي الحل ثم الحل ثم الحل والانجليزي ولا فيه فهم ولا حفظ هتقولولي الجرامر الجرامر ده انتوا لو قريته كله مش هياخد ساعة والمدرس بتاعي كان بيدلنا حصتين قبل ما نبدا في جرامر السنة كلها وبعدين بيشرحوا تاني في الحصص بردوا فادوني جدا ثانيا احب اقول للي داخل 3 ذاكر عربي كويس ولما تدخل الامتحان متخفش لما تلقيه صعب لان 3 بيبقي اصعب من 2 في العربي ولو في حاجة صعبة هتتلغي وتتوزع الدرجات ذي دفعتي انا غلطتي في العربي اني اتخضيت من الاساله والمشكلة مش انها صعبة او برا المنهج المشكلة كانت اول مرة تيجي والامتحان طويل ولو عايزين حاجة مني قولولي وبخصوص senior المدرس بتاعي قالنا بلاش بيعقد الامور وملهوش دعوة بامتحان اخر السنه واحنا كنا بنحل 3 كتب وكتابين اخر السنه