للاسف مادة الفلسفة وعلم النفس مادة واحدة
 

وصلت اليوم الة مدرسة الصنافين الثانوية نشرة من الادارة التعليمية توضح ان المواد التى يدرسها طلاب الادبى الجغرافيا والتاريخ والفلسفة وعلم النفس تحت مسمى المواد فلسفية ونفسية ويكون بواقع فترتين فى الجدول المدرسى بمعنى اربع حصص دراسية فى الاسبوع وهذا يعنى ان الفلسفة حصتين وعلم النفس حصتين وهذا بخلاف ما نشر فى الموقع او نشر على لسان قرارات المجلس الاغلى للتعليم قبل الجامعى
النشرة وصلت اليوم الاثنين 2/9/2013 وهذا للعلم النشرة بدأت بالفعل فى التنفيذ فى الجدول المدرسى

اعتقد ان حصة واحدة فلسفة وحصة منطق ليست كافية على المنهج
على العموم الدنيا كلها فى الوزارة ملخبطة ومحدش عارف القرارات جايه منين وراحة فين

ايه اللى بيحصل دة وربنا دة إهمال وتسيب وعدم مسئولية متعرفش الكلام دة على مسئولية مين ومين هو اللى بيصدر قرارات بالظبط !!!!

بس اللى ان اعرفه ان القرار دة قديم فعلا وكانت مادتين فى مادة بالظبط إنما بعد كدة كان فى كلام جاى من الوزارة نفسها بيأكد غير كدة انهم منفصلين وكل مادة ب60 درجة

أنصح الجميع انه يشوف له أقرب قهوة يقعد عليها ويتكلم فى الكورة أو السياسة ولكم الشكر

يا اخوانى النشرة دى قديمة علم النفس منفصل تماما عن الفلسفة و كا منهما ب60 درجة

صحيح نشرة قديمة

الكلام ده قديم بتاريخ 3/7/2013وانا دلوقتى هرفعلك الكلام الجديد حالا

نشرة قديمة

للتوضيح النشرة لسه جاية المدرسة بالتاريخ 2/9/2013 يوم الاثنين وجارى العمل بها ولكنها تحمل توقيع الوزير السابق
ولا يوجد غيرها فى الادارة او المدرسة
ثانيا ذهبت الى الادارة التعليمية فى منيا القمح فلا يوجد اى نشرات بخصوص الثانوية الجديدة غير التى ارسلوها للمدارس
ثالثا كلام الوزير الجديد قالوا عنه ان ده كلام لاتحاد الطلاب ولا يوجد شئ رسمى يتم العمل به الى الان
وربنا يسترها