استشارة من فضلكم
 

انا واخد جدول حصص 24 حصة لتدريس مادة الرياضيات فى التعليم الابتدائى
وشايل المدرسه فى شغل الاحصاء ومسئول عن الحكومه الالكترونية على الكمبيوتر والنت من ادخال بيانات تلاميذ وتقارير وخلافه وطالع عينى فى اى حاجه خاصة بالمدرسة على الكمبيوتر
( هل ممكن ان يخفف عدد الحصص فى جدولى مقابل شغل الاحصاء و الحكومه الالكترونية بشكل قانونى ودن الضرر بمسئول الجدول او مدير المدرسة )
ارجو الافادة ممن لديهم معرفة بمثل هذه الامور وشكرا للجميع

مدرس المادة لا يسند له شغل الحكومة الاليكترونية بقرار من وزير التربية والتعليم وتسند الى مشرف

انا عندى نفس المشكلة
اين اجد هذا القرار؟

شوف حضرتك ده القرار بتاع تفعيل وحدة الاحصاء والمعلومات
مدرس المادة مالوش انه يمسكها

وعلى فكرة انا مدرس فصل ابتدائى وجدولى 24 حصة وماسكة الحكومة الالكتونية اللى شغلها طووول الصيف والشتا
وحسبنى الله ونعم الوكيل

انتو بتتكلموا ازاي مفيش حاجه اسمها تمسك دا انتوا طيبين قوي ياريت كل واحد فيكم زي الشاطر ياخد نفس عميق ويكتمه ويخش ع المدير يقوله مش همسك شغل غير حصصي وطبعا محدش هيقدر يعملك حاجه ولو مش قادر تقوله كدا في وشه اشرب بيريل واسترجل

أصلا كل مدرسة لابد من توافر أخصائي تطوير بها وفي حالة عدم توافره يقوم مدير المدرسة بتقديم طلب للإدارة التعليمية بالعجز أو تكليف أحد المدرسين بهذه المهمة الثقيلة مع تخفيف جدوله أو تفريغه

ونصيحة طالما وافقت على هذا التكليف من البداية فلا تدخل في صدام مع المدير لأنه من حقه أن يكلفك ببعض الأعمال الإضافية بس حضرتك بعد فترة من بدء الدراسة حسسه بعدم قدرتك على التوفيق بين الأمرين وأطلب منه تخفيف الجدول
وربنا يصلح الأحوال

قول معرفش هوه انت لازم تقول انك بتعرف ؟؟؟؟؟؟ وريح دماغك وخليك فى شغلك بس..... لان دى مش شغلتك ولو حابب تعملها امر تطوعى يبقى الاجر والثواب عند الله

الاستعباططططططططط
فى هذه البلد هو الحل لان الى بيشتغل زى الى مبيشتغلش
اخصائى اجتماعى عايزبن يشيلونى حصص بسبب العجز ومستعبطططططططط