|
استفسار هام بخصوص كلية الحاسبات والمعلومات؟؟
انا عندى استفسار بخصوص كلية الحاسبات والمعلومات ؟؟؟
انا سمعت ان خريج الكلية دى بيشتغل مبرمج كمبيوتر بعد كده وليس مهندس كمبيوتر ... واستفسار تانى؟؟؟؟ ما هى اقسام كلية العلوم؟؟ |
اقتباس:
http://www.fci-cu.edu.eg/index.php?l...0d453c76cfc151 بالنسبة لكلية العلوم ففيها اقسام زى ما انت عاوز ...لو فاضى ممكن نعد سوا :D فيه بس نقطة عايز اوضحها ؛ كلية العلوم بتاخد الطلبة بتوع علمى رياضة وعلمى علوم لكن طالب علمى رياضة ممنوع من دخول الاقسام اللى فيها بيولوجى ...حشرات، نبات ، حيوان ، ميكروبيولوجى ، كيمياء حيوية ، فيزياء حيوية ، الخ بالنسبة للاقسام - وانا هتكلم هنا على جامعة القاهرة - ففيه اقسام كتير جدا هذكر منهم اللى فاكرهم: رياضة منفرد ، كيمياء منفرد ، فلك منفرد ، ميكروبيولجى ، حيوان منفرد ، نبات منفرد ، حشرات منفرد ، حاسب الى منفرد ، حاسب الى ورياضة ، جيوفيزياء منفرد ، فيزياء ورياضة ، حاسب الى وفيزيا، فيزياء وفلك ، علوم فضاء ، حشرات وكيمياء ، نبات وكيمياء ، كيمياء حيوية منفرد ، كيمياء حيوية وكيميا ، فيزيا وكيميا ، جيولوجيا منفرد ، جيولوجيا وكيميا ، فيزياء حيوية ، ميكروبيولوجى وكيميا ، ميكروبيولوجى وحيوان ...الخ ؛ فيه تنويعات كتير ما بين التخصصات المتشابهة واخيرا فيه قسمين جداد بمصروفات ..علوم البترول الجيولوجية وده ب 6 الاف فى السنة بس هتطلع جيولوجى متخصص فى البترول واحتمال كبير جدا تشتغل برا وهتتدرب فى شركة بترول عالمية فى سنة تالتة ورابعة واسمها (( شلمبرجير )) وفيه قسم تانى برده جديد اسمه بيوتكنولوجى ...وده ب 8 الاف جنيه فى السنة ( مش متأكد ) وهتطلع منه خبير فى الهندسة الوراثية وعلوم الجينات وال dna والحاجات دى نصيحة اخوية : كلية العلوم مش كلية معقدين ولا نضارات زى ما الناس بتفتى وتقول لكن ؛ عايزة تركيز شديد جدا والتزام والمذاكرة لازم تكون من البداية بس مش كتير برده ...اهم حاجة تكون مركز فى الكلية وتبعد عن الحاجات اللى مالهاش لازمة ( مفهوم طبعا :D ) ولعلمك انا التيرم ده جايب جيد جدا مرتفع ( 81 % ) وماذاكرتش كتير بس كنت فايق ومركز اوى ..ربنا معاك ويوفقك للكلية اللى تحقق منها اهدافك |
ا الف شكر يا كابتن ...وانا علمى رياضة بس فيه سؤال تانى علوم قسم حاسب الى اتخرج منها مبرمج كمبيوتر ولا ايه؟؟؟
|
هو فى علوم قسم حاسب اصلا ؟
وقسم علوم البترول الجيولوجية دى هل ينفع لها بنات ؟؟؟ ودى بتتاخد من رياضة عادى ؟ وهل ينفع ادخل علوم ومدرسش فيزيا او كيميا ! |
اقتباس:
بس بنهتم عندنا مع الحاسب بالرياضيات جدا جدا ...يعنى هتدرس الحاسب مع جبر عالى وتفاضل وتكامل والعقد دى بس هتطلع مبرمج اه بس فيه نقطة ؛ فيه ناس لسه متعرفش ان كلية العلوم فيها قسم حاسب فمن ناحية الشغل معرفش هيكون وضعك ايه ..بس انا اضمنلك تماما انك من ناحية البرمجة هتكون افضل من خريج حاسبات بكتير جدا ربنا يوفقك اقتباس:
اقتباس:
اقتباس:
اقتباس:
|
طاب الأقسام الخاصة في علوم هل بمجموع بردوا ؟
|
اقتباس:
لا طبعا اسمك مهندس كمبيوتر .... انا اختي معيدة في كلية حاسبات طبعا حاسبات بلا ادنى شك احسن من علوم في البرمجة وردا على الاخ علومجي احب أسال جاب المعلومة منين ان خريج علوم احسن من حاسبات في البرمجة خطأ جدا جدا جدا للأسف انك مش عارف ان دراسة علوم اكاديمية الى حد ما ومش في تطبق عملي كتير بس في حاسبات الكلام دا موجود وكلية حاسبات فيها اقسام cs الي هو علوم حاسب it شبكات واقسام اخرى المهم ان خريج حاسبات قسم cs طبعا طبعا احسن من خريج علوم قسم حاسب بالنسبة للشغل وكدا عاوزة اقول ان في ناس في تجارة بتدخل كورسات وتطلع تشتغل في شركات مبرمجين عادي جدا جدا حكاية الشغل دي في الشركات شئ منفصل عن الكلية حبيت اصحح المعلومة بس للأخ علومجي .. لانه بيقول متأكد اوي اوي ودا شئ مش صح اي استفسار عن حاسبات انا موجودة تحت امركم يا ميدو هسألكم أختي على كل حاجة ان شاء الله |
نسيت اقول حاجة مهمة انهم دلوقتي عملوا جمعية لخريجي الحاسبات والمعلومات تحت مسمى مهندسي الكمبيوتر .... مقدمة لانشاء نقابة خاصة ليهم
طبعا يا ميدو خليك في حاسبات .. علوم قسم حاسب ممكن تفكر فيها كرغبة تانية ... حسب مجموعك واي استفسار انا تحت امرك |
طب هو كلية حاسبات ومعلومات مجموعها اقل من الهندسة ولا اكبر
|
اقتباس:
او تقدر تقول في نفس مستوى هندسة الكترونيات يعني السنة دي متوقع هندسة تآخد من 90 او 91 حد ادنى وحاسبات 90 السنة الي فاتت الحد الادنى ليها كان 93 في المية ربنا يوفق الجميع |
همس المشاعر
ممكن تسأليلي أختك هل حاسبات و معلومات (معهد عالي خاص) أسهل من هندسة حاسبات (معهد عالي خاص) ؟ ولا مفيش فرق في درجة الصعوبة شكراً جزيلاً |
اقتباس:
هندسة وحاسبات الاتنين فيهم سوفت وير وهارد وير لكن هندسة بتركز اكتر على الهاردوير وحاسبات بتركز اكتر على السوفت وير خريج هندسة يسمى مهندس كمبيوتر وخريج حاسبات يسمى مهندس برمجيات وبمجرد انشاء النقابة اسمها هيبقى نقابة مهندسي البرمجيات بالانجلش software engineers بالنسبة للعمل بعد التخرج خريج حاسبات ليه مستقبل واعد جدا ... وكذلك مهندس الكمبيوتر وخريج علوم قسم حاسب بس علوم دراستها للحاسب بتكون أقل لان مستوى مواد الحاسب في كلية الحاسبات مركزة اكتر والتطبيق العملي اكتر لان كلية العلوم اكادمية بيكون نص الساعات عددها رياضة والنص الاخر مواد حاسب لكن خريج الحاسبات بيكون دا تخصصه اتمنى اكون قدرت افيدكم بحاجة :D اي معلومات اخرى تحت امركم |
3olomgy عندي سؤال
هو قسم علوم البترول ده عشان الواحد يدخله لازم يكون جايب الحد الأدنى لكلية علوم؟ ولا هو عشان خاص ممكن أي حد يدخله بالفلوس؟ وهل قسم جيولوجيا في كلية علوم ممكن حد علمي رياضه يدخله ولا مش مسموح؟ شكراً جزيلاً |
اقتباس:
أنا مثلاً في الفيزياء كان الباب الرابع كهربية و الخامس إلكترونيات حديثة كان البابين دول مسببين لي عقدة وكانوا صعبين عليا فهل ده مؤشر يدل أني ما أدخلش هندسة و أدخل حاسبات ؟ وهل لو أنا خدت دبلومة برمجة C++ ودبلومة صيانة ألكترونية محتوياتها - Semiconductor - Transistor - I-C - Logic Gates - Testing for Elements - Derailed Exploits for the display level Resistance - Capacitance هل لو خدت الدبلومتين دول حقدر أحدد أنا عايز أدخل أيه هندسة ولا حاسبات؟ بالنسبة للشغل بعد التخرج:- لو واحد معاه بكالوريوس هندسة حاسبات من معهد عالي خاص وواحد معاه بكالوريوس حاسبات ومعلومات من معهد عالي خاص ...........هل خريج الهندسة ده بيلاقي شغل عن خريج حاسبات و بتكون شهادته أفضل من خريج حاسبات؟ لأن الأتنين معهد عالي خاص بس ده هندسة و التاني حاسبات؟ شكراً جزيلاً على المساعده |
انا عندى سؤال هام بخصوص كلية هندسة و حاسبات ومعلومات
انا جبت مجموع هندسة وعاوز ابقى اخش قسم حاسبات فى هندسة بس اهلى بيقولوا يبقى انتا كأنك دخلت حاسبات ومعلومات الى مجموعها اقل من هندسه:huh: فمن الاخر ايه الاحسن ليا لانى اميل الى الكمبيوتر هل اخش هندسة قسم حاسبات و لا حاسبات ومعلومات ؟؟؟؟؟؟ وعامتا ايه الافضل فيهم؟؟ وايه الفرق وايه المميزات والعيوب ؟؟ |
| جميع الأوقات بتوقيت GMT +2. الساعة الآن 04:52 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.